Avataanit ilinniartitsiartortut

Ilisimatusarfik avataanit ilinniartitsiartortunut tamanut isumaqatigiissiortarput - isumaqatigiissullu paasissutissanik ukununnga tunngasunik imaqartarput:

• ilinniartitsineq

• angalanissamik inniminniineq

• it-mut tunngasutigut nalunaarsorneq

• akissarsiat

Ilinniartitsiartortut Nuummiuunngitsut Nuummut Nuummiillu angalanerminnik akiliunneqassapput ornigullutik ilinniartitsiartussappata - isumaqatigiissummi tamanna allassimassaaq.

Ilinniartitsiartortut Nuummiuunngitsut illusimmavissarsinissamut ikiorneqarsinnaapput.

Ilisimatusarfik Eqalugalinnguani inissianik pingasunik attartugaqarpoq - inissiallu pillugit paasissutissat uani atuarsinnaavatit.

Una pillugu aamma atuarit: Illusimatitsinermi periaasissarput.

Aamma Eqalugalinnguit Google Maps-ikkut uani takusinnaavatit.

Eqalugalinnguanukarneq

Timmisartoqarfimmi aaneqanngikkuit taxarsinnaavutit. Eqqaamaannassavat akiliinermut uppernarsaativit mumingani atit aamma suminngaanniit sumut ingerlanneqarsimanerit allassagakku. Akiliinermut uppernarsaat atorfimmut atatillugu angalanermi naatsorsukkanik allagartanut kakkiunneqassaaq.

Nuummi bussit ingerlaarfii uani takusinnaavatit.

Aamma bussit massakkorpiaq sumiinnersut maana takusinnaavat.

Bussit unittarfiat illusimmavigisannut qaninnerpaaq tassaavoq bussit unittarfiat normu 9: Eqalugalinnguit Tasiat.

Anillatsitsineq & assiliineq

Avataaniit ilinniartitsiartortut tamarmik 5-nik kisitsitalimmik pinkodeqarput, taanna anillatsitsinernut assiliinernullu atorneqartarpoq.

Filit .jpeg aamma .pdf-it innersuussissutikkut ugguuna anillatsissinnaavatit (webmailimut iseraagavituut atuisutut atit isertaatillu assigai).

Smartboard & seqersittaat

Inini ilinniartitsivinni smartboard seqersittaallu qanoq atorneqartarnerannut najoqqutassiaaraq maana aasinnaavat.

Wifi-mut attavininneq

Avataaniit ilinniartitsiartortoq attaveqaatitsinnut ledningeqanngitsumut ajornanngitsumik attavinissinnaavoq:

• Attaveqaat: "Guest"
• E-mail: e-mailit allaguk

Attaveqaammut attavinipputit internetsersinnaanngorlutillu.

Ilinniartunut tunngasunik allaffissornermut programmi Lectio ilinniartumut tunngasunik tamanik allaffissornermut atortarparput. Programmimut isersinnaanngorniassagavit taamaasillutillu skemat, holdivit allattorsimaffii, holdinut allakkianik ikkussisinnaanngorniassagavit il.il. isissummik nassinneqassaatit.

Lectiomut ugguuna isissaatit: https://www.lectio.dk/lectio/690/default.aspx.

Skemamut tunngasut

Immikkoortortaqarfimmi pisortaq ilinniartunik sullissivimmit skemanut paasissutissanik piumasarpoq. Ilinniartunik sullissivik ilinniartitsinissamut ininik agguaassisarpoq. Init ilinniartitsiviusut Lectiomi takuneqarsinnaapput.

Skemanik allannguinermi skemat Lectiomi nammineerlutit naleqqussarsinnaavat. Tamatumunnga ilaapput ininik allannguinerit, naleqqussaanerillu allat skemamut tunngasut. Skemamik naleqqussaanissamut ikiorneqarusukkuit ilinniartunik sullissivik aamma attavigisinnaavat. Allunnguineq pillugu immikkoortortaqarfimmi pisortaq pisuni tamani ilisimatinneqartassaaq.

Eqqaamajuk skemamik allannguinerit tamarmik Lectiokkut ingerlanneqartassammata - tassuunalu kisiat allannguisoqartassaaq, taamaattoqanngippat tamakkiisumik isiginnissinnaajunnaassaagut. Tassanngaannartumik napparsimalernermut, assersuutigalugu ullaakkut ilinniartitsinissamut sunniuteqartitsisussamut, atatillugu ilinniartitsinissatit nammineerlutit taamaatissinnaavatit. Taama pisoqassagaluarpat ilinniartut aamma immikkoortortaqarfiup pisortaa ilisimatinneqassapput, akunnerillu ilinniartitsiviusussat Lectiokkut taamaatinneqassallutik.

Allakkianut tunngasut

Lectiomi ilinniartunut allakkianik ikkussinissannut periarfissaqarputit. Taama iliorsinnaavutit sumiiffissiummi "dokumenter" toorsinnarlugu allakkiat ikkukkusutatit nassaarineratigut (mappersagaq sungaartoq "hold" tooruk) Allakkiat qassilluunniit ikkukkusutatit ikkussinnaavatit piumaguillu ilaatigut mappersakkanut immikkoortiterlugit.

Atuartunut nalunaarutinut tunngasut

Holdinnut ilinniartitsisuuffinnut nalunaarummik nassissisinnaavutit "modtagere"-p ataani ujarlernikkut.

Ini soraarummeersitsivissaq Lectiokkut takuneqarsinnaavoq. Ilinniartunit ilinniartitsisumillu pissarsiarineqarsinnaasut.

Ini soraarummeerfik

Ini soraarummeersitsivissaq Lectiomi - ilinniartunit ilinniartitsisumiillu takuneqarsinnaavoq.

WISEflowimi:

• Faginut ataasiakkaanut ullut soraarummeerfissat takusinnaavatit.
• Ilinniartut suliaat aasinnaavatit.
• Oqaluttariarsorluni soraarummeerfissanut piffissat takusinnaavatit (systemip soraarummeernissat piffissalertarpai - nammineerlusi tulleriissaattut allattorsimaffiannik sanaqqusaanngilasi).
• Soraarummeernerup naammassereernerani karakteeriliisinnaavutit.
• Flowcombine: Soraarummeernermut marlunngorlugu avinneqarsimasumut, allaaserisamik tunniussiviullunilu oqaluttarissatigut illersuiviusumut, Flowcombine atorneqassaaq. Oqaluttarissatigut illersuinermi karakteeri tunniunneqassaaq.

WISEflowimi tulleriissaarnernut allattorsimaffimmi annikitsunik allannguisoqarnissaa pisariaqartinneqarpat eksamenskontor@uni.g-imut saaffiginninnissannut tikilluaqqusaavutit.

Pedelip init soraarummeerfissat piareersartarpai.

Teamsikkut soraarummeernermut tunngasut: 

• Soraarummeernerup internettikkut ingerlanneqarnissaa pillugu immikkoortortaqarfimmi pisortaq ilinniartunik sullissivimmut nalunaaruteqartarpoq.
• Ilinniartunik sullissivik teknikkimut immikkoortortaqarfimmut teamsikkut innersuussissuliortoqarnissaa pillugu nalunaartarpoq.
• Teknikkimut immikkoortortaqarfimmit innersuussissut toqqaannaq ilinnut nassiunneqassaaq.

Oqaluttariarsorluni soraarummeersitsinermi illit soraarummeernermilu nalileeqataasoq nerisaqarnissassinnut kantiinamut inniminniinissannut periarfissaqarputit innersuussissutikkut ugguuna: https://f.momentumtools.io/?form=v4_enoiqieatrmq.

Allatut aamma aaqqiisinnaavusi ilinniakkap immikkoortortaqarfiata pisortaa illit sinnerlutit isumagitittussanngorlugu.

Nittartakkami ilinniarnermut quppersagaliortoqarnikuuvoq (ilinniarnermut quppersakkamut innersuussissut), tassani uku pillugit paasisaqarnerusinnaavutit:

• Soraarummeernermut atatillugu pissutsit.
• Ilinniartut naammagittaalliorsinnaanissaminnut periarfissaqarnerat.
• Soraarummeernermi peqquserluttuliorneq, issuaaneq il.il.

Ilinniartitsinermi akunnermusianik akiliinermi malittarisassiat atuuttut uani downloadersinnaavatit.

Soraarummeersitsinernik naliliinernillu akiliinerni malittarisassiat atuuttut uani downloadersinnaavatit.

Aamma soraarummeernermi inernernik immersuivik uani downloadersinnaavatit.

Soraarummeernermi inernernik immersugaq eksamenskontor@uni.gl-imut nassiunneqassaaq uppernarsarneqaqqullugu - tassanngaanniillu sulisoqarnermut immikkoortortaqarfimmut akiliisussanut ingerlateqqinneqassaaq.

Avataaniit ilinniartitsiartorluni inissisimareernerup kingorna ullormusianut, nerisanut assingusunullu tunngatillugu ilaatigut angalanermut akiliutinik isumannaarinnittoqarsinnaavoq.

Tamassumunnga Namminersorlutik Oqartussat angalanermi naatsorsuinermut systemiat ACUBIZ atussavat.

Avataaniit ilinniartitsiartortutut ACUBIZ-ip atornissaanut taava ima iliussaatit:

Atuisutut allatsinneq

• Avataaniit ilinniartitsiartortutut siullermik atuisutut allatseqqaassaatit. Ilitsersuuterput malillugu Namminersorlutik Oqartussat immersugassiaat immersorlugu atuisunngussaatit.
• Namminersorlutik Oqartussat immersugassiaat internettikkut immersorneratigut atuisutut allatsittoqassaaq.
• Namminersorlutik Oqartussat allatsinnerit suliarereerpagu (ullut marlussunnguit qaangiuppata) taava ACUBIZ-imi angalaninni akiliutinut naatsorsuusiornissamut ingerlaqqissinnaalissaatit (ataaniittoq takuuk).
• Atuisutut allatsinnissannut ikiorneqarnissannik pisariaqartitsiguit e-mailimik uatsinnut nassiussinissannut tikilluaqqusaajuarputit uunga personale@uni.gl. 

Angalanermut akiliutinik isumannaarinninneq

Atuisutut pilersinneqareeruit taava angalaninni akiliutinut naatsorsuusiorsinnaalissaatit Namminersorlutik Oqartussat ilitsersuutaat malinneratigut.

Angalaninni akiliutinut ACUBIZ-imi naatsorsuusiorniarlutit una tooruk.

Angalaninni akiliutinut naatsorsuusiorninnut ACUBIZ-iluunniit pillugu apeqqutissaqaruit - Namminersorlutik Oqartussat uunga attavigikutsoorsinnaavatit tjenesterejse@nanoq.gl.

Immaqa ilisimasattuut, Namminersorlutik Oqartussat angalanermut akiliutinik isumannaarinnittariaasertik nutaaq ACUBIZ atuutsileqqammerpaat, tamassumalu aallartisarnera soorunami unammillernartortaqarpoq.

Taakkua unammillernartortai ilisimaarilluinnarpagut ikiuisinnaagaangattalu ikiuinissatsinnut piareersimasarluta. Atuisutut allatsinninni ikiornissat pingaartilluinnarparput, atuisutullu allatsinneq angalanermi akiliutinut naatsorsuusiunnginnermi pissaaq.

Aatsaat atuisunngoreeruit ACUBIZ-illu atornissaanut piareeruit Namminersorlutik Oqartussat kiffartuussinermut immikkoortortaqarfiannit aalajangersimasunik attuumassutilinnut ikiorneqarsinnaalissaatit ugguuna tjenesterejse@nanoq.gl. ACUBIZ-imi angalanermi akiliutinut naatsorsuusiornermut systemimut tunngasunik pisariaqartinneqartumik ikiuinissamut taakkua immikkut ilisimasaqarput - maanimi uagut taakku immikkut ilisimasaqarfiginnginnatsigit.

Systemimut nutaamut nuunnissannut ikiorniarlutit kiisalu pisariaqartitannik ikiorneqarnissat qulakkeerniarlugu maaniippugut. Apeqqutissaqassaguit imaluunniit ilitsersorneqarnissat pisariaqartissagukku personale@uni.gl-mut attaviginissatsinnut tikilluaqqusaavutit.

Apeqqutissaqassaguit ukua attavigeriaannaavatit:

• Sulisoqarnermut immikkoortortaqarfik

• Ilinniartunik sullissivik

• IT-mut immikkoortortaqarfik

Atuaruk.