Qulaajaaneq
Suliaq pillugu
Ilisimatusartorpaaluit niviarsiaqqanik arnanillu 1960-ikkunni naartunaveersaatinik spiralilersuisimaneq pillugu maanna qulaajaaleruttorput. Ilisimatusartut misissuivigissavaat inuit qanoq amerlatigisut eqqugaasimanersut, aalajangiussamut suut tunngaviunersut arnallu eqqugaasut qanoq misigissaqarsimanersut.
Danskit naalakkersuisuisa maanilu Naalakkersuisut spiralilersuisimanermik allatigullu 1960-imiit 1991 ilanngullugu Kalaallit Nunaanni naartunaveersaartitsinermik nakerisarsiunngitsumik qulaajaasitsineq isumaqatigiillutik aallartisarpaat.
Maanna ilisimatusartut misissuivigissavaat inuit qanoq amerlatigisut eqqugaasimanersut, aalajangiussamut suut tunngaviunersut arnallu eqqugaasut qanoq misigisaqarsimanersut.
Suliniut Ilisimatusarfiup issittumi atugarissaarneq pillugu ilisimatusarfianit siulersorneqarpoq Syddansk Universitetimi Center for Folkesundhed i Grønland suleqatigalugu.
Naatsorsuutigineqarpoq qulaajaaneq naammassissasoq 2025-imi maajip naanerani.
1960-imiit 1991-i ilanngullugu Kalaallit Nunaanni kiisalu Danmarkimi efterskolini kalaallinik ilinniartulinni naartunaveersaatinut tunngatillugu suleriaatsit atorneqarsimasut pillugit suliamut attuumassuteqanngitsunit qulaajaaneq
Pissut
- Tenna Jensen, Ilisimatusarfimmi Issittumi Atugarissaarnermik Ilisimatusarfimmi aqutsisoq kiisalu Center for Folkesundhed i Grønland, Syddansk Universitetimi ilisimatusartuuneq (ilisimatooqatigiit aqutsisuat)
- Bonnie Jensen, Ilisimatusarfimmi lektori
- Gitte Adler Reimer, Ilisimatusarfimmi rektori
- Ingelise Olesen, Ilisimatusarfimmi ilisimatusarnermik ataqatigiissaarisoq
- Janne Rothmar Herrmann, Københavns Universitetimi professori
- Kirsten Nystrup, Center for Folkesundhed i Grønland, Syddansk Universitetimi immikkut siunnersorti
- Maja Christiansen, Center for Folkesundhed i Grønland, Syddansk Universitetimi immikkut siunnersorti
- Mette Seidelin, ilisimatuujuneq, Rigsarkivet
- Ellen Bang Bourup, ikiorti (ilisimatusarnermut atasoq)
- 1960-ikkunni aallartittumik naartunaveersaartitsinermut tunngasunik suliaqarnerup aallartinnerani tunngaviit.
- Aalajangiinerup ingerlarnga, spiralinik allanillu naartunaveersaatinik atuilernermut tunngasunik suliaqalernermut aqqutaasut.
- Kalaallit Nunaanni aamma Danmarkimi efterskolini allatsissimasunut kalaallinut niviarsiaqqanut suliniutip ingerlanneqarnera.
- Kalaallit niviarsiaqqat arnallu tamatuma ingerlanerani qanoq misiginerat nassuiaanernit katersaneersut.
- Piffissami tamatumani Kalaallit Nunaanni Danmarkimilu Kalaallit Nunaanniit efterskolertut naartunaveersaartitsinissamik periuserisimasat spiralilersuisimanerillu inatsisitigut, allaffissornikkut aamma peqqinnissakkut ilisimasat tunngaviusimasut.
Oqaluttuassannik nassiussigit
Nammineq misigisimasanik allaatigisat ilisimatusartunut qulaajaasunut ukiaru allaatigisanik katersuineq aallartippat tunniunneqarsinnaassapput.
Nammineq misigisimasanik allaatigisanik sullissivik.gl aqqutigalugu nassiutissinnaavat.
Nalunaarutit Nunatta Nakorsaaneqarfianut nassiutereersimagukku taava nassiuteqqittariaqanngilat, pissutigalugu ilisimatooqatigiit nalunaarutit pissarsiarisussaammagit akuersiguit, annertunerusumilli nassuiaarusukkuit nassiussisinnaavutit.
Telefoni & attavissat
Oqarasuaativut sianerfigineqarsinnaasut maanna ammarput - Kalaallit Nunaanni Danmarkimilu sianerfigineqarsinnaasunik normoqarpugut.
Kalaallit Nunaanniit sianeruit Kalaallit Nunaanni normumut sianernerit akeqassanngilaq.
Danmarkimiit Danmarkimi normumut sianeraanni sianernermi akiliutigineqartartup nalinginnaasup akianik akeqassaaq.
Oqarasuaatitsinnut nammineerluni akisartumut ulloq unnuarlu sianersinnaavutit nalunaarummillu immiussillutik, imaluunniit oqaluttuassat oqaluttuaralugu.
Kalaallit Nunaanni oqarasuaatip normua tassaavoq +299 80 11 30.
Danmarkimi oqarasuaatip normua tassaavoq +45 65 50 76 74.
Paasisaqarnerorusukkuit ilisimatusartunut qulaajaasunut pisortaasoq Tenna Jensen attavigiuk uunga allallutit: teje@uni.gl.
Peqataasussanut paasissutissat
Illoqarfiit tikitassagut
Oqaluttuanik illoqarfinni ukunani katersissaagut:
- Qaanaaq: kinguartinneqarpoq
- Narsaq: 16 - 20 aggusti 2024
- Qaqortoq: 20 - 26 aggusti 2024
- Tasiilaq: 4 - 11 septembari 2024
Sumi qassinullu, allannguuteqaratartoqarpallu ugguuna malinnaaffigissallugit eqqaamaguk.
Allannguuteqaratartoqarsinnaanera Facebookkikkut nittartakkallu malinnaaffigissallugit eqqaamagiuk.
FACEBOOK
LINKEDIN
Assiliuk - linki
