Tamanut ammasumik oqalugiarneq

Pia Majbritt Jensen-ip - "Viscerality, mood control og media literacy: opfattelser blandt danske børn og unge af kvalitet og relevans i film og serier" qulequtaralugu - tamanut ammasumik oqalugiarnissaanut Oqaasilerinermut, Atuakkialerinermut Tusagassiuutilerinermullu Immikkoortortaq qaaqqusivoq.

Qallunaat meerartaasa inuusuttaasalu qanoq misigerusunnertik apeqqutaatillugu filmit isiginnaagassiallu nangeqattaartuliat - tusagassiuutinilu imarisat allat - qinertarpaat.

Pitsaassuseq attuumassuteqarnerlu imarineqartunut atassuteqarput, taakkua (piffissami eqqortumi) misigissutsinik (eqqortunik) pilersitsisarlutillu sianissutsinik uummarissaasarput, misigissutsikkullu qisuariartitsisarnerisa pitsaassusaat - eqqarsartitsisarnerat filmerpalaarnerallu pinnagit - meeqqat inuusuttullu toqqaasarput.

Meeqqat filmit isiginnaagassiallu nangeqattaartuliat misigerusuttarpaat (tupaallannikkut, ilorrisimaarutiginninnikkut, ersiornikkut, uumissuinikkut, aliasunnikkut il.il.), tamannalu isumaqarpoq ukiukitsuunerminni qallunaat nangeqattaartuliaannik filmiliaannillu toqqaaneq ajortut.

Taakkua tassaapput tusagassiuutinik tigusisarneq pillugu misissuinermi inernerit pingaarnersaat, tassani qallunaat meerartaat inuusuttaallu pillugit misissuinermi apersuinermi immersugassiaq (n=313) aamma mobilit atorlugit inuiannik misissuinermik taaneqartartoq (n=20) atorlugit suliniummi Reaching Young Audiences (Danmarks Frie Forskningsråd) misissuisimavunga, tamanullu tamanut ammasumik oqalugiarninni nassuiarlugillu sunniutaat sammissavakka.

Kikkut tamarmik tikilluaqqusaapput - kaffeqarlunilu teeqarumaarpoq aamma kaageqassaaq.