Spiralilersuisimaneq pillugu innuttaasunik ataatsimiisitsineq
Spiralilersuisimaneq pillugu innuttaasunik ataatsimiisitsineq
Live-stream
Ilisimatusartut spiralilersuisimanermik qulaajaasussat Nuummi Odensemilu innuttaasunik ataatsimiigiaqqusipput.
Tamanut ammavoq - innuttaasunillu ataatsimiisitsineq internetikkut malinnaavigineqarsinnaavoq.
Sumiiffinni ukunani ataatsimiisitsisoqassaaq:
- Ilisimatusarfimmi, Nuuk, septembarip 7-iat 2023, nal. 16.15 - 19.15
- Syddansk Universitet, Odense, septembarip 27-at 2023, nal. 18.00 - 21.00
Innuttaasunik ataatsimiisitsinerni ilisimatusartut Spiralilersuisimaneq” pillugu nakerisarsiunngitsumik qulaajaanertik - Kalaallillu Nunaanni Danmarkimilu efterskolini 1960-imiit 1991 ilanngullugu kalaallinik atuartoqartartuni allatigut naartunaveersaartitsineq - oqaluttuarissavaat.
Kingorna apeqqarissaartitsisoqarumaarpoq.
- Tenna Jensen, Ilisimatusarfimmi Issittumi Atugarissaarnermik Ilisimatusarfimmi aqutsisoq kiisalu Center for Folkesundhed i Grønland, Syddansk Universitetimi ilisimatusartuuneq (ilisimatooqatigiit aqutsisuat)
- Bonnie Jensen, Ilisimatusarfimmi lektori
- Gitte Adler Reimer, Ilisimatusarfimmi rektori
- Ingelise Olesen, Ilisimatusarfimmi ilisimatusarnermik ataqatigiissaarisoq
- Janne Rothmar Herrmann, Københavns Universitetimi professori
- Kirsten Nystrup, Center for Folkesundhed i Grønland, Syddansk Universitetimi immikkut siunnersorti
- Maja Christiansen, Center for Folkesundhed i Grønland, Syddansk Universitetimi immikkut siunnersorti
- Mette Seidelin, ilisimatuujuneq, Rigsarkivet
- Ellen Bang Bourup, ikiorti (ilisimatusarnermut atasoq)
- 1960-ikkunni aallartittumik naartunaveersaartitsinermut tunngasunik suliaqarnerup aallartinnerani tunngaviit.
- Aalajangiinerup ingerlarnga, spiralinik allanillu naartunaveersaatinik atuilernermut tunngasunik suliaqalernermut aqqutaasut.
- Kalaallit Nunaanni aamma Danmarkimi efterskolini allatsissimasunut kalaallinut niviarsiaqqanut suliniutip ingerlanneqarnera.
- Kalaallit niviarsiaqqat arnallu tamatuma ingerlanerani qanoq misiginerat nassuiaanernit katersaneersut.
- Piffissami tamatumani Kalaallit Nunaanni Danmarkimilu Kalaallit Nunaanniit efterskolertut naartunaveersaartitsinissamik periuserisimasat spiralilersuisimanerillu inatsisitigut, allaffissornikkut aamma peqqinnissakkut ilisimasat tunngaviusimasut.
Innuttaasunik ataatsimiisitsinerni nammineq misigisimasanik allaatigisanik tunniussisoqarsinnaassanngilaq.
Nammineq misigisat pillugit allaatigisat ilisimatusartunut qulaajaasunut ukiaru allaatigisanik katersuineq aallartippat tunniunneqarsinnaassapput.
Nammineq misigisimasanik allaatigisanik massakkut tunniusserusuttut Nunatta Nakorsaaneranut suli tunniussisinnaapput. Tunniussisoqarsinnaavoq allaatigisaq nakorsartinnermut naammagittaalliuutitut nassiullugu sullissivik.gl aqqutigalugu - imaluunniit Nunatta Nakorsaaneqarfianut toqqaannartumik attaveqartoqarsinnaavoq mailikkut nun@nanoq.gl-imut allalluni imaluunniit uunga allakkamik nalinginnaasumik nassiussilluni:
Nunatta Nakorsaanera
Postbox 120
3900 Nuuk
Naatsorsuutigineqarpoq qulaajaaneq naammassissasoq 2025-imi maajip naanerani.
Paasisaqarnerorusukkuit ilisimatusartunut qulaajaasunut pisortaasoq Tenna Jensen attavigiuk uunga allallutit teje@uni.gl.
FACEBOOK
LINKEDIN
Assiliuk - linki
