"Kalaallit Nunaanni silarsuaq tammarnikoq" pillugu oqalugiarneq pissanganartoq

DNA-nik ujarlertartut Eske Willerslevip aamma Kurt Kjærip pissanganartumik oqalugiarnissaannut Peqqissaanermik Pinngortitamillu Ilisimatusarfik aamma Globe Institute Københavns Universitetimeersoq qaaqqusipput.

Sisamanngornermi novembarip 9-ani 2023 nal. 17.00-miit 19.00-mut Ilisimatusarfiup kantiinaani Eske aamma Kurt Kalaallit Nunaanni silarsuaq tammarnikoq pillugu oqalugiassapput.

Ukiut 2 millioniinnaat matuma siorna Kalaallit Nunaanni toqorarlutik nungunnikunik nagguaatsorujussuaqarnikuuvoq, orpiliassat alannguini ingerlaartartunik.

Kalaallit Nunaata avannarpasinnersaani ullumikkumut naleqqiullugu 10-17 gradinik kiannerusimavoq. Issittup avannarpasinnertaani pinngortitami pissuseqatigiit taakkua peerunnikuupput.

Tamanna sunik ilikkagaqarfigisinnaavarput? Immitsinnut annaassinnaavugut?

DNA-t 2 millioninik pisoqaassusillit immaqa aaqqiissutissaqartitsipput!

Kikkut tamarmik tikilluaqqusaapput - kaffi, tii, imeq kaagilu sassaalliutigineqassapput.

Oqalugiarneq qallunaatut ingerlanneqassaaq - kalaallisut toqqaannartumik nutserisoqarumaarpoq.

Inussiarnersumik inuulluaqqusilluta;

Anna Kleist Egede, Peqqissaanermik Pinngortitamillu Ilisimatusarfik aamma Anders Johannes Hansen, Købenshavns Universitetimi Globe Institute.