RETURN - najugaqarfinni inuiaqatigiinnut sammiviliinikkut piujuartitsisumik takornariaqarneq

Pillugu

Suliniut "Regenerative Economic Transfers for Universal Resilience in the North" (RETURN) tassaavoq nunat tamalaat akornanni ilisimatusaatigalugu suliniut takornarialerinermut tunngasoq, suliniullu EU-p ataani Northern Periphery and Arctic program-imit (NPA-mit) tapersersorneqarpoq.

Takornarianut akitsuuteqartitsinermut, tikeraarnermut akiliuteqartitsisarnermut aamma kajumissutsimik akiliisarnernut assilisassiat suliniummi misissorneqassapput, akiliutigineqartuniillu isertitat najugaqarfiusuni taamaasillutik pinngortitap paarinissaanut silallu pissusianut naleqqussarnermut pitsaanerpaamik tapersersuisinnaanngussapput.

Nunat ilisimatuutut misissuiviusunik ilinniartoqarfiusut tamarmik NPA-p ataanniittut ataatsimut suleqatigiissinneqarput, tassaappullu Kalaallit Nunaat, Island, Savalimmiut, Sverige, Norge, Irland, Skotland aamma Finland.

Takornariaqarnerup ataatsimoornermut iluaqutaasutut tapersersuinissaa qulakkeerumallugu aaqqissugaasunik naapertuilluartunik sunniuteqarluartussanillu ineriartortitsinissaq tamatumani siunertarineqarpoq.

Tamanna ilutigalugu aalajangiisartunut aamma takornarialerinermik suliassaqarfimmut soqutiginnittunut piujuartitsinissamut atatillugu takornarianut akitsuuteqartitsitilerusuttunut aningaasaliititsisarusuttunullu ilisimasanik aallerfissatut suliniut atuuffeqassaaq.

Suliniut EU-p programmianit Interreg-imit €1,6 millioninik aningaasaliiffigineqarluni ukiuni pingasuni ingerlanneqassaaq, takornariaqarnerullu nujagaqarfinni inuiaqatigiinnut avatangiisinullu piffissami sivisuumi atuuttussamik qanoq pitsaanerpaamik tapersersuisinnaanera pillugu nunarsuaq tamakkerlugu oqallinnermut ikorfartueqataassalluni.

Suliniummi Ilisimatusarfimmit peqataasoq tassaavoq professori Gestur Hovgaard.