Otto Sandgreen

Otto Sandgreenip piinit tunissutinit Ilisimatusarfimmi ilinniartut suliaminnik saqqummiussinissaannut agguaassassat.

Aningaasanik agguaassinermi siunertaavoq bacheloritut aamma/imaluunniit kandidatitut ilinniarnerminnik naammassisut periarfissinniarlugit suliaminnik inernerinillu avammut saqqummiussinissamut, soorlu atuagassiami saqqummiussinikkut imaluunniit ataatsimeersuarnermi saqqummiinikkut.

Aningaasat agguagassat tunniunneqarsinnaapput siunertat qulaani taaneqartut piviusunngortinnissaannut makku pisariaqartinneqarpata:

• Qaammatit marluk angullugit akissarsiassat/tapiissutit
• Oqaatsinut allanut nutserinermut (oqaaseqatigiillu iluarsaannerinut) aningaasartuutinut matussutissat. Allaaserisap saniatigut kalaallisut paasiuminarsakkamik saqqummiussinissaq minnerpaamik piumasaqaataavoq
• Siunertamut atasumik aningaasartuutinut allanut matussutissat

Qinnuteqartut aalajangernerinut tunngaviit

Bacheloritut aamma/imaluunniit kandidatitut ilinniarnerminni naammasseqqammersut bacheloritut imaluunniit kandidatitut inaarutaasumik suliaminni A-rsimasut immikkoortortaqarfimmi aqutsisumit imaluunniit instituttip pisortaanit inassutigineqarsimasut qinnuteqarsinnaapput. 

Qinnuteqarnissamut killigititaq

Septembarip 15-iat 2016.

Qinnuteqaat immikkoortortaqarfimmi aqutsisumit imaluunniit instituttip pisortaanit innersuussineq ilanngullugu uunga nassiunneqassaaq qinnuteqarnermi immersugassaq.

Qinnuteqaatip akuerineqarnera

• Ilisimatusarfiup ilinniartoq qaammatit marluk angullugit suliffigisinnaasaanik tunissavaa
• Ilinniartup siunnersorneqarnissaa immikkoortortaqarfimmi aqutsisup imaluunniit instituttip pisortaata qulakkiissavaa
• Immikkoortortaqarfimmi aqutsisup imaluunniit instituttip pisortaata ilinniartullu akornanni isumaqatigiissusiortoqassaaq
• Ilinniartup suleriaasissani piffissarlu atugassani nammineq aaqqissuutissavaa
• Atuagassiat naleqquttut attaviginissaat ilinniartup nammineq akisussaaffigaa
• Ilinniartoq suliffeqarfinnik allanik suleqateqarpat Ilisimatusarfiup taaguutaa saqqummersitami erseqqissumik allassimassaaq
• Aningaasat akuersinermit ukioq ataaseq qaangiutinnagu atorneqassapput