Palasi

Ilinniarnermik ilisarititsineq

Pastoralseminaria ilagiinni palasitut ilinniarfiuvoq. Upperisarsiornermik ilinniarnerit Ilagiinni sulisinnaanermut atuagarsornermi tunngaviupput pisariaqartut, taakkulu palasitut suliassanut assigiinngitsunut toqqaannartumik tunngasumik Pastoralseminariami ilinniartitsissutaasarput.

Ilinniarnerup aaqqissugaanera

Pastoralseminaria Ilisimatusarfimmi Upperisarsiornermut Immikkoortortaqarfimmi pikkorissartitsinertut neqeroorutaavoq. Pikkorissarneq sapaatit akunnerinik 15-inik sivisussuseqarpoq taakkunannga palaseqarfimmi pikkorissarnermut atatillugu sulinerit sapaatit akunnerit 2x2. ilinniartitsissutini ukunani ilinniartitsisoqassaaq: Homiletik (oqaluussisarneq), oqallorinneq, liturgi, hymnologi (tussiusiortarneq), kateketik (ilagiit pillugit ilinniartitsineq), palasitut sulineq, ilagiit pillugit inatsisit, oqaluffimmi nipilersuutit, erinnersaarneq erinarsornermillu ilinniartitsineq, allattaavissuarnut allattuisarneq (inunnik nalunaarsuineq) aamma atit pillugit inatsisit, poimenik/Tarnikkut anniaateqarneq oqaluttarnermillu ilinniartitsineq.

Pastoralseminariap naammassinissaanut skema naapertorlugu tiimit 95 %-iini najuunnissaq, suliffimmilu misiliiffiusumi sapaatit akunneranut tiimit 40-it pikkorissarnermut atatillugu piffissami sulinissaq piumasaqaataapput.

Piffissap ingerlanerani pikkorissarnermut atatillugu sulinerit marluk tamarmik sapaatit akunnerinik marlunnik sivisussusillit ilaapput.

Pastoralsemiariami ilinniartitsinermi oqaatsit kalaallisuujupput danskisuujullutilluunniit (ilinniartitsisup toqqagaa).

Peqataanissamut piumasaqaatit

Pastoralseminariami peqataanissamut upperisarsiornermi kandidatitut bacheloritulluunniit naammassisisimanissaq piumasaqaataavoq.

Kalaallisut danskisullu oqalussinnaaneq iluaqutaassaaq.

Nalunaarneq

Kingusinnerpaamik 01. juli qinnuteqartoqassaaq. 

Suliffeqarnissamut periarfissat

Upperisarsiornermi kandidatitut bacheloritulluunniit ilinniarsimagaanni palasit upperisarsiornermi sulinerannik pikkorissarneq ilanngullugu Kalaallit Nunaanni ilagiinni palasinngornissaq periarfissaavoq.

Ilinniartut inaat

Ilinniartut inaanni inimik ilinniartunut allanut atugassarititat assigalugit qinnuteqartoqassaaq.

Ilinniartut ilinniartut inaanni ineqareersut taassuma pigiinnarnissaanut periarfissaqarput. Piumasaqaataavorli immikkut akuersineq pineqarmat ilinniartup ilinniarfianit (Ilisimatusarfimmit) ilinniartut inaannik aqutsivimmut innersuussummik naatsisoqassasoq. 

Ilinniagaqarnersiutit

Pastoralseminariami ilinniartut ilinniagaqarnersiuteqarsinnaatitaapput.

Ilinniartut upperisarsiornermi bacheloritut ilinniarnerminnik 2014-imi aasami naammassinissamik ilimagisaqartut piffissap aallartiffissap tungaanut qaammatini tamani ilinniagaqarnersiuteqarsinnaanngillat. Qiorsinernik marlunnik tunineqarnissaq periarfissaavoq.

Attaveqarfigiuk

E-mail: pastoral@uni.gl