Instituttit Siunnersuisoqatigiivi

Instituttini tamani siunnersuisoqatigiinnik pilersitsisoqartarpoq.

Instituttimi ilisimatusarnermut aamma ilisimatusarnermik tunngaveqartumik ilinniartitsinissamut najoqqutassanut tunngasut, instituttimi aqutsisunit rektorimut ilinniagartuullu siunnersuisoqatigiivinut inassutigineqannginneranni, siunnersuisoqatigiit eqqartortarpaat.

Instituttit Siunnersuisoqatigiivisa najoqqutassat nalinginnaasut naapertorlugit immikkoortortaqarfimmilu pisortap inassuteqareerneratigut ukua akuerisarpaat:

• Ilinnialertussanik akuersineq
• Faginik naammasseriikkanik nuussinerit
• Ilisimatusarnerup iluani gradinik tunniussinerit, ph.d.-gradi minillugu
• Nutaaliornernik pitsaassutsinillu siuarsaanermut siunnersuisooqatigiinnik pilersitsineq, naleqq. § 25

Instituttit Siunnersuisoqatigiivi ilinniagartuut siunnersuisooqatigiivinut ukuninnga inassuteqartarput:

• Instituttimi ilinniakkat aaqqissugaanerat
• Ilinniakkanut tunngatillugu misiligutitut atortinneqartussat
• Immikkut ilinniarsimasaminnik paasisimasalinnik ataatsimiititalianik pilersitsinerit katiterinerillu, taakkua ilisimatusarnerup iluani atorfinnik inuttassarsiuussinissaq aamma ph.d.-nngorniartussarsiornissaq siunertaralugit ilisimatusarnikkut sulianik naliliisartussaapput
• Missingersuutinut instituttip siunnersuutai
• Immikkoortortanik taakualu akisussaaffigisassaannik aaqqissuussinerit

Imm. 5. Suliat instituttip aaqqissugaaneranut sulineranullu annertuumik sunniuteqartitsisinnaasut pillugit Instituttit Siunnersuisoqatigiivi oqaaseqarfiginninnissaminnut aammattaaq pisinnaatitaaffeqarput aamma rektorip instituttinilu pisortat siunnersuusiaannut atatillugu pissutsit eqqartornissaannut pisussaaffeqarput.

Imm. 6. Instituttit siunnersuisoqatigiivini aalajangiinerit amerlanerussuteqarnikkut akuerineqartarput. Pissutsini ilisimatusarnermut taamaallaat tunngassuteqartuni aalajangiinernut, najoqqutassani imaluunniit siunnersuisooqatigiit suleriaasissaanni aalajangiunneqarsinnaavoq ilaasortat taamaallaat ilisimatusartuusut taasisinnaatitaassasut.

Instituttimi siunnersuisooqatigiit ima katiterneqartarput:

• Instituttip pisortaa, siulittaasuusoq
• Immikkoortortaqarfinni pisortat
• Ilaasortat 2 - 3-t, instituttimi ilisimatusartunut ilinniartitsisunullu sinniisuusut, tamatumunnga ilanngullugit ph.d.-nngorniatut atorfillit. Ilaasortat marluk ilisimatusarnermik tunuliaqutaqassapput
• Institutti atorfinissutissamik bacheloritut ilinniarfeqarpat, ilaasortat akornanni ataatsip ilinniakkat taakkua sinniisuuffigissavai
• Institutti allaffissornikkut teknikkeqarnermullu sulisunik atorfinitsitsisimappat, sulisut taakkua annerpaamik marlunnik sinniisuutitaqassapput
• Instituttit piffissaq tamakkerlugu ilinniarfiannit tamanit ilinniartoq ataaseq, minnerpaamilli ilinniartut marluk