Tenna Jensenip (TJ) suliai tassaapput ukiumit 1900-miit Kalaallit Nunaanni Danmarkimilu peqqinneq aamma peqqissutsimik aallussinerit tungaatigut paasinninnernik sulisaatsinillu, kulturikkut oqaluttuarisaanikkullu misissueqqissaarinikkut, ilisimatusarnerit - naalagaaffimmi atugarissaartumi ilisimatusaatit, politikkip aamma ulluinnarni inuunerup imminnut sunniivigeqatigiittarnerat TJ-p immikkut soqutigisaqarfigai.

Ilisimatuutut misissuinerup aamma ineriartortitsilluni suliniutit iluanni suliassaqarfinni assigiinngitsuni TJ ineriartortitsinermik, aqutsinermik suliaqarnernillu annertuumik misilittagaqarpoq, ilaatigut innuttaasunik peqataatitsinerit, ilusilersueqatigiinnerit aamma kommunit suleqatigineqarnerat taassuma misilittagaqarfigalugit.

1960-ip 1991-illu akornanni "spiralilersuisimaneq pillugu suliap" aammattaaq Kalaallit Nunaanni kiisalu Danmarkimi efterskoleni kalaallinut atuartunut naartunaveersaatilersuinerni suleriaatsit atorneqarsimasut pillugit arlaannaanulluunniit attuumassuteqanngitsumik qulaajarneqarnerannut TJ ilisimatusartoqatigiit aqutsisoraat.

TJ ukiuni kingullerni suliniutini arlalinni suleqataallunilu aqutsisuusimavoq, taakkunani sammisat tassaallutik timikkut suliffimmi avatangiisit, aanngajaarniutinik ajornartorsiuteqartunut katsorsaanerup sunniutaa aamma timersornermi peqatigiinnerit nalerisimaartitsinerat. Tamassuma saniatigut utoqqalineq pillugu TJ ilisimatusaqataavoq, siornatigullu Issittumi Utoqqalineq pillugu ilisimatuutut misissuinermi ineriartortitsillunilu suliniummi aqutsisuusimalluni. Atugarissaarnermik innuttaasullu peqqissusaannik suliassaqarfimmi ilisimatusarnerup iluani TJ aammattaaq piginnaanngorsaqqiinermik tunniusimalluni suleqataavoq - tamanna Ilisimatusarfiup Issittumi Atugarissaarneq Pillugu Ilisimatusarfiani pisortatut sulinermigut ilaatigut ingerlappaa. Danmarkimut attuumassuteqartillugit utoqqalineq peqqinnerlu pillugit suliniutini arlalinni TJ siornatigut aqutsisuusimallunilu suliaqarsimavoq.

Kalaallit Nunaanni Innuttaasut Peqqissusiannik Ilisimatusarfimmi Syddansk Universitetimiittumi ilisimatusartuunertut, Ilisimatusarfiup Issittumi Atugarissaarneq Pillugu Ilisimatusarfiani Kulturimik, Oqaatsinik Oqaluttuarisaanermillu aamma Inuiaqatigiilerinermik, Aningaasaqarnermik Tusagassiornermillu Ilisimatusarfinniittumi pisortatut, aamma Kalaallit Nunaanni Peqqissutsimik Ilisimatusarfimmi, Ilisimatusarfiup Peqqissaanermik Pinngortitamillu Ilisimatusarfiani, lektoritut ikiortaasutut TJ atorfeqarpoq. TJ Ilisimatusarfimmi ph.d.-nngornianut marlunnut maannakkut ilitsersuisuuvoq.

Centeri

Ilisimatusarfiup issittumi atugarissaarneq pillugu ilisimatusarfia

Kalaallit Nunaanni Peqqissusermik Ilisimatusarfik

Projekti

Spiralilersuineq