Maannakkut pisoq

ILINNIAGALLIT MEEQQERIVINNI MEEQQAT ATUARTULLU MINNERIT PITSAASUMIK ATAATSIMOORTARNERANNIK SIUARSAANERAT PILLUGU NUNA TAMAKKERLUGU MISISSUISITSINEQ

• Meeqqerivinni atuartunilu minnerni sulisut ilinniagallit meeqqat akornanni pitsaasumik ataatsimoortitsiniarnerminni qanoq sulisarpat?
• Ilinniagallit Kammagiittamik atuinerminni suut misilittagaraat?
• Atortussat suut- qanorlu atorpaat?
• Sunniutaat qanoq misigaat?

Apeqqutit taamaattut meeqqerivinni, atuartuni minnerni atuartullu ornittagaanni ilinniagallit, nuna tamakkerlugu qarasaasiakkut apeqqutinik akiuilluni skemanik immersuinikkut, 2019-imi upernaakkut ingerlanneqartussami, akissuteqarfigissavaat.

Apeqqutinik akiuilluni immersuinikkut misissuisitsinermut imal. ilisimatusarnikkut suliniummut tamakkiisumut tunngasut uunga apeqqutigineqarsinnaapput: Cecilia Petrine Molander Pedersen.