Suliffissat ingerlariaqqiffissallu

Meeqqat atuarfianni nalinginnaasumik atuartitseriaaseq qitiutillugu perorsaanermik ilisimatusaatini lektori imaluunniit adjunkti (qinnuteqarnissamut piffissaliussaq: novembarip 25-at 2024)

Ilisimatusarfiup Oqaasilerinermut, Atuakkialerinermut Tusagassiuutilerinermullu Immikkoortortaa piffissami aalajangersimasumut killissaleriikkamik ilisimatusaatigalugu tullersortissarsiorpoq.

Atorfiup decembarip aallaqqaataani 2024 imaluunniit isumaqatigiissuteqarnikkut inuttalerneqarnissaa kissaatigineqarpoq, atorfik martsip 31-ani 2025 taamaatissaaq.

Ilisimatusarfiup Oqaasilerinermut, Atuakkialerinermut Tusagassiuutilerinermullu Immikkoortortaani ilinniartitsinermi suliassanik isumaginnittussamik ilisimatusaatigalugu tullersortissarsiorpoq. Atorfiup 2024-mi decembarip aallaqqaataani imaluunniit isumaqatigiissuteqarnikkut inuttalerneqarnissaa kissaatigineqarpoq.

Oqaasilerinermut, Atuakkialerinermut Tusagassiuutilerinermullu Immikkoortortaq ilisimatusarnerup ilinniartitsinerullu iluanni oqaatsit kulturillu tungaatigut assigiinngisitaartumik avatangiiseqartitsivoq 30-inik ilinniartulik tallimanillu piffissaq tamakkerlugu sulisoqartoq. Immikkoortortaq bacheloritut ilinniakkamik ukiunik pingasunik sivisussusilimmik aamma ukiuni marlunni kandidatitut ilinniakkamik neqerooruteqarpoq. Immikkoortortami ilinniakkani ilisimatusarnermilu qitiutinneqartut Kalaallit Nunaannut Issittumuttaaq tunngatinneqarput, suleqatigineqartullu tassaallutik Amerika Avannarleq, Avannaamioqatigiit aamma Europap sinnera.

Immikkoortortami ilinniartitsinerit kalaallisut, qallunaatut tuluttullu ingerlanneqarsinnaapput.

Immikkoortortaq Kulturimik, Oqaatsinik Oqaluttuarisaanermillu Ilisimatusarfiup ataani inissisimavoq pingasunillu allanik taanna aamma immikkoortortaqarpoq:

• Inuiaat Kulturiannut Oqaluttuarisaanerannullu Immikkoortortaq
• Teologiimut Immikkoortortaq
• Nutserinermut Oqaluttaanermullu Immikkoortortaq

Piginnaassusissanik piumasaqaatit

Naatsorsuutigaarput illit:

• Kandidatitut qaffasissusilimmik ilisimatusarfimmi naapertuuttumik ilinniagaqarsimassasutit
• Kalaallit Nunaanni tusagassiuutinut tusagassiornermilu ilisimatusaatinik ilisimasaqarluartutit
• Kalaallit Nunaanni tusagassiuutit aamma tusagassiornermi ilisimatusaatit iluanni, kiisalu Kalaallit Nunaanni atuakkiat oqaluttuarisaaneranni, ilinniartitsinermik aamma/imaluunniit ilisimasanik paasissutissiortarnermi misilittagaqartutit
• Ilitsoqqussatut kalaallisut oqaaseqartutit, kiisalu qallunaatut tuluttullu qaffasissumik oqaatsinik atuisinnaasutit

Suliassat

Suliassatit pingaarnerit tassaassapput:

• Bachelorinngornianut qaffasissusilimmik ilinniartitsineq ilaatigut fagini ukunani: Tusagassiornermi ilisimatusaatit, Atuakkiat oqaluttuarisaanerat aamma Ilisimatusarnikkut periuseq, kiisalu Oqaluttariarsornikkut oqaluttuaateqarneq aamma Allannermi kulturi
• Ilinniartunik bachelorinngornianik ilitsersuineq soraarummeersitsisarnerlu
• Immikkoortortami sulianut tunngasumik aamma ataatsimuualaartitsinernik aaqqissuussinernut pilersaarusioqataasarneq ingerlasseqataasarnerlu
• Immikkoortortap suliassaqarfiata iluani ilisimatuussutsikkut ilisimasanik ingerlatitseqqiisarneq
• Allaffissornikkut suleqatigiillu akornanni suleqatigiinnerni peqataaneq

Qinnuteqaat

Ilisimatusaatinut tunngasuni ikiortitut atorfininnissamut qinnuteqaat, allaganngorlugu qinnuteqaatip saniatigut, ukuninnga imaqassaaq:

• Ilanngussaq 1: Curriculum Vitae
• Ilanngussaq 2: Soraarummeersimanernut uppernarsaatit
• Ilanngussaq 3: Inuit pingasut tikillugit oqaaseqaatinik aallerfiusinnaasut attaviginissaannut paasissutissanik tunniussineq
• Ilanngussaq 4: Saqqummersissimasat aamma/imaluunniit ilisimatuutut misissuilluni paasissutissiornermilu suliat kiisalu ilinniartitsisimanerit ilaatigut allattorsimaffiat 

Suliatigut ineriartornissamut pissanganartunik atorfik periarfissiisoq neqeroorutigaarput

• Sullivik isumassarsiorluarfiusinnaasoq
• Nammineq suliarisassanut sunniuteqaqataasinnaaneq
• Suliatigut ilinniartitsinerullu iluanni ineriartornissamut periarfissat 

Atorfinitsitsinermi ingerlatseriaaseq

Qinnuteqaatit tiguneqartut tamarmik atorfinitsitsinermut ataatsimiititaliamit suliarineqassapput.

Atorfik pillugu paasisaqarnerorusukkuit Kulturimik, Oqaatsinik Oqaluttuarisaanermillu Ilisimatusarfiup pisortaa Mari Kleist oqarasuaammut uunga sianerlutit attavigisinnaavat: +299 38 56 45. 

Ilisimatusarfik sisamanik institutteqarpoq:  

• Kulturimik, Oqaatsinik Oqaluttuarisaanermillu Ilisimatusarfik
• Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
• Peqqissaanermik Ilisimatusarfik peqqissaasunngorniarfittalik
• Inuiaqatigiilerinermik, Aningaasaqarnermik Tusagassiornermillu Ilisimatusarfik 

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Taanna Ilisimatusarfiup pisortaanit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat suliatigut ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut aamma sulisut pillugit aqutsineq, siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illuutaanik nakkutiginninneq aamma ingerlataraa.

Instituttip pisortaanut Mari Kleistimut qinnuteqartoqassaaq, e-mail: makl@uni.gl qinnuteqaatip assilinera Sulisoqarnermut Akissarsialerinermullu Immikkoortortaqarfimmut nassiunneqassaaq: personale@uni.gl.

Qinnuteqaat ima ilisarnaaserneqassaaq: ”Videnskabelig assistent til Sprog, Litteratur og Medier”.

Qinnuteqaat Ilisimatusarfiup kingusinnerpaamik 30.11.2024 tigoreersimassavaa.