Suliffissat ingerlariaqqiffissallu

Atuisunik sullissiffiusumi naatsorsuusiornermik aningaasaqarnermillu suliaqarusuppit? Taamaappat Ilisimatusarfiup naatsorsuuserivia ilinnut naleqqutissaaq. Aningaasaqarnermik naatsorsuusiornermillu suliaqarnitsinnik pitsanngorsaarusuppugut taamaattumillu naatsorsuuserinermut immikkoortortaqarfitsinnut naatsorsuusiornermik/controlleriunermik misilittagaqarluartumik pissarsiorpugut.

Assigiinngisitaarluartunik suliamullu tunngatillugu inuttullu soqutiginarluartunik suliassaqartassaatit. Naatsorsuusiorfimmi maanna marluulluta sulivugut taartilu ataaseq, tunniusimalluartuullutalu (naatsorsuuserinermut pisortaq aningaasaqarnermillu suliaqartoq ataaseq). Pikkorissumik piumassuseqarluartumillu aamma atuisartunik sullissilluarnissamut piareersimasumik suleqatitaarusuppugut. Naatsorsuutigaarput illittaaq suliaqarninni suleqatinnik siunersiuillaqqissuussasutit taamaalilluta suleqatigiilluta naatsorsuusiorfik ilorraap tungaanut ineriartortittuarsinnaaniassagatsigu.

Suliassatit ukuunerussapput

• Aningaasartuutinik misissuinerit aamma aqutsisunut, immikkoortortanut ilisimatusarfinnullu nalunaarusiornerit.
• Naatsorsuusiorfiup Ilisimatusarfimmi suleqatigisartagaanik siunnersuineq.
• Ilisimatusarfiup ukununnga tunngatillugu ulluinnarni aningaasaqarneranik nakkutilliillunilu malittarinninneq.
  
  • Missingersuusiorneq naatsorsuusiornerlu.
  • Naatsorsuusiornermi bilaginik tamanik nalunaarsuillunilu allattuineq.
  • Ilaatigut akissarsianik aningaasanillu tigoriaannarnik naligiissaarinermi suliassat.
  • Suliniutinik aqutsineq, ilaatigut tamatuminnga malittarinnillunilu nakkutilliineq.

Taakkua saniatigut naatsorsuutigaarput ukuninnga suliaqartassasutit:

• Suleriutsinik nakkutilliineq allaffissornikkullu periutsinik inerisaajuarneq piuartitsinerlu.
• Suliassat tamalaat naatsorsuuserinermut aningaasaqarnermullu tunngassutillit.

Naatsorsuuseriviup suliassaanik tamanik misissuipallassinnaasariaqarputit naatsorsuuserivimmiullu peqatigalugit immikkoortortap suliaanut tamanut aaqqiissutissanik ataqatigiissaareqataasinnaasariaqarlutit. Taakkua saniatigut illit nammineq akisussaaffigisassannik tunineqarumaarputit.

Ukuninnga piginnaasaqarnissat kissaatiginarpoq

• AU-mik, HD-mik imaluunniit ilinniakkamik naleqquttumik allamik aningaasaqarnermut naatsorsuusiornermullu tunngasumik ilinniagaqarsimaneq.
• Naatsorsuusiornermik aningaasaqarnermillu aqutsinermik misilittagaqarneq.
• Ataqatigiissumik aaqqissuussisinnaaneq, tamakkiisumik isiginnissinnaaneq, peqqissaartuuneq akisussaaffimillu tigusisinnaaneq.
• Suleqatikkuminartuuneq oqaloqatikkuminartuunerlu – suleqatinut Ilisimatusarfiullu avataaneersunut.
• Pisortat aningaasaqarnermut systemiinik allaffissornermilu it-systeminik allanik ilisimasaqarneq.
• Excelimik atuilluarsinnaaneq.
• Attaveqarluarsinnaaneq allatatigut oqalunnikkullu.
• Projektstyringssysteminik atuinermik misilittagaqarneq.
• Kiffartuussilluarusuttuuneq.
• Ulluinnarni suliassanik allanngorartuartunik sulinissamut piginnaasaqarneq.
• Piginnaasatigut ilisimasatigullu ineriartortuarnissamik soqutigisaqarneq.
• Sulisinnaassuseqarluarneq.
• Marluinnik oqaaseqarnissaq (kalaallisut qallunaatullu) kissaatiginarpoq, tuluttoorsinnaanerlu kissaatiginarpoq.
• Aningaasaqarnermut naatsorsuutinullu tunngasunik suliassanik takkuttartunik (Ad Hoc) suliaqarsinnaaneq.

Kiisalu kissaatiginarpoq marluinnik oqaaseqartuunissat (kalaallisut qallunaatullu), aamma tuluttut oqalussinnaallutillu allassinnaanissat, nunanit tamalaaneersunik suleqateqartaratta nunallu tamalaat akornanni suliniutinut arlalinnut peqataasaratta.

Neqeroorutigissassagut

• Suliatigut ineriartornissamut periarfissaqarneq.
• Suliassat assigiinngisitaarluartut.
• Suleqatit pikkorissut, qiimasut piginnaasaqarluartullu persuarsiorpalaartuunngitsumik pissusillit.
• Atorfiup suliassartaanut sunniuteqarsinnaaneq.
• Susassaqarfiup iluani ineriartorsinnaaneq ilinniagaqarsinnaanerlu.
• Suliffik ineriartorfiusoq.

Aningaasaqarnermik suliaqartutut/Controlleritut atorfik piaartumik isumaqatigiissuteqarnikkulluunniit inuttalerneqassaaq.

Attavigisassat/ilisimatitsissutit

Atorfik pillugu sukumiinerusunik paasisaqarusukkuit, tikilluaqquneqarputit Regnskabschef Svend Lynge Larsen oqarasuaammut +299 385622 attavigisinnaavat.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq

• Kulturimik, Oqaatsinik Oqaluttuarisaanermillu Ilisimatusarfik 
• Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik 
• Peqqissaanermik Ilisimatusarfik peqqissaasunngorniarfittalik
• Inuiaqatigiilerinermik, Aningaasaqarnermik Tusagassiornermillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. 
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Ilisimatusarfik tuaviornerpaamik piffissami killilimmi sulisoqarnermut akissarsialerinermullu immikkoortortami taartaasussamik pissarsiorpoq, pingaarnertut sulisoqarnermi sullissisussamik, akunnermusialinnullu akissarsiat sulierineranni ikiuussinnaasumik, tamanna misilittagaqarfigigukku.

Qaammatini pingasuni taartaasoqassaaq, qaqugulu atortinissanersutit tamanna illit pisortallu akornissinni isumaqatigiissutaassaaq, tamannalu sivitsorneqarsinnaassaaq.

Sulisoqarnikkut sullissininermik misilittagaqartumik pissarsiorpugut, ajornanngippat akunnermusialinnik sullissinermi misilittagaqartumik, sukkanerpaamillu sulilersinnaasumik.

Immikkoortortami sulisut pingasuuvugut piffissallu ilaani sulisumik ikiorteqarluta, taakkunannga marluk pingaarnertut sulisoqarnermi sullissinermut atorfinitsitsinermullu suliani suliaqarlutik, sulisut 1,5 Ilisimatusarfimmi avataaniit ilinniartitsiartortut akunnermusiaannik isumaginnillutik.

Ataatsimoorluta sulisut 110 missaat sullippavut, ukiumullu avataaniit ilinniartitsiartortut akunnermusiallit 80-100 missaanniittut.

Ilinnut piumasaqaatit

• Atorfinitsitsinerni soraarnernilu tamani sulisoqarnermi allaffissornermut sullissinerit tamaasa pingaarnertut suliarissavatit, ilaatigut sulisussarsiorluni allakkiornerit kiisalu suliassat allat takkuttut.
• Avataaniit ilinniartitsiartortut akunnermusiaasa suliarinissaat, akunnermusialinnik suliaqarnermi misilittagaqaruit.

Ilinnut kissaatiginartitavut

• Naleqquttumik ilinniarsimavutit atorfinni assingusuni misilittagaqarlutit, immaqalu allaffissornermik aallaaveqarlutit.
• Namminersorsinnaavutit suleqateqallaqqillutillu, suliassat assigiinngitsut akornanni pingaarnersiuillaqqillutit.
• Iluaqutaassaaq pingasunik oqaaseqarnissat, kalaallisut, danskisut tuluttullu.
• IT-mut tunngasut piginnaasaqarfigalugillu ilikkaruminartippatit.

Neqeroorutigaavut

Suliffeqarfitta ilisarnaatigaa persuarsiornanngitsumik attaveqatigiinneq, sulisut tunniusimasut akisussaassuseqartumillu annertuumik kiffaanngissuseqarneq sullissilluarnerlu.

Suliffeqarfik ineriartortuarpoq. Suliniutit ineriartornerat ilutigalugu suliffeqarfiuvoq ilungersunarsinnaasoq, tamatigoortoq assiinngitsorpassuarnik suliaqarfiuvoq suliffeqarfiup iluani avataanilu attavippassuaqartoq.

Atorfik piaarnerpaamik inuttassarsiorneqarpoq isumaqatigiissuteqarnikkut.

Akissarsiat atorfininnermilu atukkat

Akissarsiat atorfininnermilu atukkat aalajangerneqassapput piffissami atorfiniffimmi Namminersorlutik Oqartussat kattuffiullu pineqartup akornanni isumaqatigiissutit atuuttut naapertorlugit. Taartaasussamut inissaqartitsisoqanngilaq.

Aallaavigineqarpoq qaammatini pingasuni taartaanissaq akunnermusiaqarluni sapaatillu akunneranut akunnerni 40-ni.

Ataavartumik qinnuteqartoqarsinnaavoq allagarsiinerlu atorfinitsitsinermi peerneqassalluni.

Qinnuteqaat soraarummeernermullu uppernarsaatit assigisaallu uunga nassiunneqassapput: personale@uni.gl.

Attaveqarfissaq / paasiniaavissaq

Atorfik pillugu paasiniaasinnaavugit pisortaq Christine Tønnesen attavigalugu oqar. +299 38 58 02 atorlugu.

Ilisimatusarfiup Teologiimut Immikkoortortaa piffissami aalajangersimasumut killissaleriikkamik ilisimatusaatigalugu tullersortimik pissarsiorpoq.

Atorfiup januaarip aallaqqaataani 2025 imaluunniit isumaqatigiissuteqarnikkut inuttalerneqarnissaa kissaatigineqarpoq, atorfik apriilip 30-ani 2025 taamaatissaaq.

Ilisimatusarfiup Teologiimut Immikkoortortaani ilinniartitsinermi suliassanut ilisimatusaatigalugu tullersortimik pissarsiorpugut. Atorfiup 2025-mi januaarip aallaqqaataani imaluunniit isumaqatigiissuteqarnikkut inuttalerneqarnissaa kissaatigineqarpoq.

Teologiimut Immikkoortortaq ukiuni pingasuni bachelorinngorniarfimmik ilinniakkamik neqerooruteqarpoq, immikkoortortaq 16-inik ilinniartuuteqarpoq marlunnillu piffissaq tamakkerlugu ilisimatusartunik/ilinniartitsisunik sulisoqarluni. Immikkoortortaq bacheloritut ilinniakkamik ukiunik pingasunik sivisussusilimmik aamma ukiuni marlunni kandidatitut ilinniakkamik neqerooruteqarpoq. Immikkoortortami ilinniakkani ilisimatusarnermilu qitiutinneqartut Kalaallit Nunaannut Issittumuttaaq tunngatinneqarput, suleqatigineqartullu tassaallutik Amerika Avannarleq, Avannaamioqatigiit aamma Europap sinnera.

Immikkoortortami ilinniartitsinerit qallunaatut kalaallisullu ingerlanneqarsinnaapput.

Immikkoortortaq Kulturimik, Oqaatsinik Oqaluttuarisaanermillu Ilisimatusarfiup ataani inissisimavoq pingasunillu allanik taanna aamma immikkoortortaqarpoq:

• Inuiaat Kulturiannut Oqaluttuarisaanerannullu Immikkoortortaq.
• Oqaasilerinermut, Atuakkialerinermut Tusagassiuutilerinermullu Immikkoortortaq.
• Nutserinermut Oqaluttaanermullu Immikkoortortaq.

Piginnaasassatut piumasaqaatit

Naatsorsuutigaarput illit:

• Cand. theol.-graditut imaluunniit ilinniakkamik assingusumik ilinniagaqartutit.
• Teologiip suliassaqarfiata iluanni ilinniartitaaneq, ilisimatusarneq suleriusillu pillugit ilisimasaqartutit.
• Aaqqissugaanermi minnerusumi suliassat tungaatigut allanngorarfiusumi eqaatsumik namminersorlutillu sulisinnaasutit.
• Kalaallit Nunaat pillugu ilisimasaqarneq misilittagaqarnerlu, tamatumunnga ilanngullugit kalaallit kulturiat oqaasiilu.
• Fagerisat pillugu paasissutissiornermik misilittagaqarneq.

Suliassat

Suliassatit pingaarnerit tassaassapput:

• Immikkoortortaqarfiup pisortaata qanimut isumaqatigiissutigineratigut Teologiimi bacheloritut ilinniakkami ilinniartitsineq. Ilinniartitsinerup ilaa immikkut ilinniarsimasatut suliassaqarfiup avataaniinnissaa atorfinittup naatsorsuutigissavaa.
• Bacheloritut ilinniartunik ilitsersuineq soraarummeersitsisarnerlu.
• Teologiimi bacheloritut ilinniakkap suli ineriartorneranut tapersiineq kiisalu ilaatigut suliassaqarfiup iluani ilinniakkanik aamma ilinniagaqaqqiffissanik nutaanik ineriartortitseqataaneq.
• Immikkoortortap suliassaqarfiata iluani ilisimatuussutsikkut ilisimasanik ingerlatitseqqiisarneq.
• Allaffissornikkut suleqatigiillu akornanni suleqatigiinnerni peqataaneq.

Qinnuteqaat

Ilisimatusaatigalugu tullersortitut atorfininnissamut qinnuteqaat, allaganngorlugu qinnuteqaatip saniatigut, ukuninnga imaqassaaq:

• Ilanngussaq 1: Curriculum Vitae.
• Ilanngussaq 2: Soraarummeersimanernut uppernarsaatit.
• Ilanngussaq 3: Inuit pingasut tikillugit oqaaseqaatinik aallerfiusinnaasut attaviginissaannut paasissutissanik tunniussineq.
• Ilanngussaq 4: Saqqummersissimasat aamma/imaluunniit ilaatigut ilisimatuutut misissuilluni paasissutissiornermilu suliat kiisalu ilinniartitsisimanerit allattorsimaffiat.

Suliatigut ineriartornissamut pissanganartunik atorfik periarfissiisoq neqeroorutigaarput:

• Sullivik isumassarsiorluarfiusinnaasoq.
• Nammineq suliassarisanut sunniuteqataasinnaaneq.
• Suliatigut ilinniartitsinerullu iluanni ineriartornissamut periarfissat.

Atorfinitsitsinermi ingerlatseriaaseq

Qinnuteqaatit tiguneqartut tamarmik atorfinitsitsinermut ataatsimiititaliamit suliarineqassapput.

Atorfik pillugu paasisaqarnerorusukkuit Kulturimik, Oqaatsinik Oqaluttuarisaanermillu Ilisimatusarfiup pisortaa Mari Kleist oqarasuaammut uunga sianerlutit attavigisinnaavat: +299 38 56 45.

Ilisimatusarfik pillugu

Ilisimatusarfik 1987-imi pilersinneqarpoq maannakkuugallartorlu.

Ilisimatusarfik Issittumi ilisimatusarfiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.

Siulersuisut tassaapput Ilisimatusarfiup qullersai. Ulluinnarni aqutsineq rektorimit ilisimatusarfiullu pisortaanit ingerlanneqartarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik institutteqarpoq:  

• Kulturimik, Oqaatsinik Oqaluttuarisaanermillu Ilisimatusarfik.
• Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik.
• Peqqissaanermik Ilisimatusarfik peqqissaasunngorniarfittalik.
• Inuiaqatigiilerinermik, Aningaasaqarnermik Tusagassiornermillu Ilisimatusarfik.

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Taanna Ilisimatusarfiup pisortaanit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat suliatigut ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut aamma sulisut pillugit aqutsineq, siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illuutaanik nakkutiginninneq aamma ingerlataraa.

Instituttip pisortaanut Mari Kleistimut qinnuteqartoqassaaq, e-mail: makl@uni.gl qinnuteqaatip assilinera Sulisoqarnermut Akissarsialerinermullu Immikkoortortaqarfimmut nassiunneqassaaq: personale@uni.gl.

Qinnuteqaat ima ilisarnaaserneqassaaq: "Teologiimut ilisimatusaatigalugu tullersorti".

Qinnuteqaat Ilisimatusarfiup kingusinnerpaamik 23.12.2024 tigoreersimassavaa.

Ilisimatusarfiup Oqaasilerinermut, Atuakkialerinermut Tusagassiuutilerinermullu Immikkoortortaa studieadjunktissarsiorpoq.

Atorfiup januaarip aallaqqaataani 2025 isumaqatigiissuteqarnikkulluunniit inuttalerneqarnissaa kissaatigineqarpoq.

Ilisimatusarfiup Oqaasilerinermut, Atuakkialerinermut Tusagassiuutilerinermullu Immikkoortortaani ilinniartitsinermik suliaqartussamik studieadjunktissarsiorpugut.

Oqaasilerinermut, Atuakkialerinermut Tusagassiuutilerinermullu Immikkoortortaq ilisimatusarnerup ilinniartitsinerullu iluanni oqaatsit kulturillu tungaatigut assigiinngisitaartumik avatangiiseqartitsivoq 30-it missaannik ilinniartulik tallimanillu piffissaq tamakkerlugu sulisulimmik. Immikkoortortaq bacheloritut ilinniakkamik ukiunik pingasunik sivisussusilimmik aamma ukiuni marlunni kandidatitut ilinniakkamik neqerooruteqarpoq. Immikkoortortami ilinniakkani ilisimatusarnermilu qitiutinneqartut Kalaallit Nunaannut Issittumuttaaq tunngatinneqarput, suleqatigineqartullu tassaallutik Amerika Avannarlermeersut, Avannaamioqatigiit aamma Europap sinneraneersut.

Immikkoortortami ilinniartitsinerit kalaallisut, qallunaatut tuluttullu ingerlanneqarsinnaapput.

Immikkoortortaq Kulturimik, Oqaatsinik Oqaluttuarisaanermillu Ilisimatusarfiup ataani inissisimavoq taannalu pingasunik allanik aamma immikkoortortaqarpoq:

• Inuiaat Kulturiannut Oqaluttuarisaanerannullu Immikkoortortaq.
• Teologiimut Immikkoortortaq.
• Nutserinermut Oqaluttaanermullu Immikkoortortaq.

Piginnaasassatut piumasaqaatit Naatsorsuutigaarput illit:

• Kandidatitut qaffasissusilimmik ilisimatusarfimmi naapertuuttumik ilinniagaqarsimasutit.
• Oqaatsit oqaatsit sannaalu pillugit ilisimasaqarluartutit.
• Oqaatsit oqaatsit sannaanilu ilisimatusaatit iluanni ilinniartitsinermik aamma/imaluunniit ilisimasanik paasissutissiortarnermi misilittagaqartutit.
• Ilitsoqqussatut kalaallisut oqaaseqartutit, kiisalu qallunaatut tuluttullu oqaatsinik qaffasissumik atuisinnaasutit.

Suliassat

Suliassatit pingaarnerit tassaassapput:

• Bachelorinngornianik ilinniartitsineq ilaatigut fagini ukunani: Oqaatsit oqaatsit sannaalu.
• Ilinniartunik bachelorinngornianik ilitsersuineq soraarummeersitsisarnerlu.
• Immikkoortortami sulianut tunngasunik aamma ataatsimuualaartitsinernik aaqqissuussinernut pilersaarusioqataasarneq ingerlasseqataasarnerlu.
• Immikkoortortap suliassaqarfiata iluani ilisimatuussutsikkut ilisimasanik ingerlatitseqqiisarneq.
• Allaffissornikkut suleqatigiillu akornanni suleqatigiinnerni peqataaneq.

Qinnuteqaat

Studieadjunktitut atorfininnissamut qinnuteqaat, allaganngorlugu qinnuteqaatip saniatigut, ukuninnga imaqassaaq:

• Ilanngussaq 1: Curriculum Vitae.
• Ilanngussaq 2: Soraarummeersimanernut uppernarsaatit.
• Ilanngussaq 3: Inuit pingasut tikillugit oqaaseqaatinik aallerfiusinnaasut attaviginissaannut paasissutissanik tunniussineq.
• Ilanngussaq 4: Saqqummersissimasat aamma/imaluunniit ilaatigut ilisimatuutut misissuilluni paasissutissiornermilu suliat kiisalu ilinniartitsisimanerit allattorsimaffiat.

Suliatigut ineriartornissamut atorfik pissanganartunik periarfissiisoq neqeroorutigaarput:

• Sullivik isumassarsiorluarfiusinnaasoq.
• Nammineq suliassarisanut sunniuteqataasinnaaneq.
• Suliatigut ilinniartitsinerullu iluanni ineriartornissamut periarfissat.

Studieadjunktitut atorfeqartitaanermut piffissaliussaq ukiunik sisamanik sivisussusiligaavoq ukiunik marlunnik sivitsorneqarnissaanut periarfissalik. Tamassuma kingorna lektorip pitsaasumik nalileereernerani atorfilik ilisimatusarfimmi studielektoritut atorfinitsivinneqarsinnaavoq.

Atorfinitsitsinermi ingerlatseriaaseq

Qinnuteqaatit tiguneqartut tamarmik atorfinitsitsinermut ataatsimiititaliamit suliarineqassapput.

Atorfik pillugu paasisaqarnerorusukkuit Kulturimik, Oqaatsinik Oqaluttuarisaanermillu Ilisimatusarfiup pisortaa Mari Kleist oqarasuaammut uunga sianerlutit attavigisinnaavat: +299 38 56 45.

Ilisimatusarfik pillugu

Ilisimatusarfik 1987-imi pilersinneqarpoq maannakkuugallartorlu.

Ilisimatusarfik Issittumi ilisimatusarfiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.

Siulersuisut tassaapput Ilisimatusarfiup qullersai. Ulluinnarni aqutsineq rektorimit ilisimatusarfiullu pisortaanit ingerlanneqartarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik institutteqarpoq:  

• Kulturimik, Oqaatsinik Oqaluttuarisaanermillu Ilisimatusarfik.
• Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik.
• Peqqissaanermik Ilisimatusarfik peqqissaasunngorniarfittalik.
• Inuiaqatigiilerinermik, Aningaasaqarnermik Tusagassiornermillu Ilisimatusarfik.

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Taanna Ilisimatusarfiup pisortaanit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat suliatigut ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut aamma sulisut pillugit aqutsineq, siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illuutaanik nakkutiginninneq aamma ingerlataraa.

Instituttip pisortaanut Mari Kleistimut qinnuteqartoqassaaq, e-mail: makl@uni.gl qinnuteqaatip assilinera Sulisoqarnermut Akissarsialerinermullu Immikkoortortaqarfimmut nassiunneqassaaq: personale@uni.gl.

Qinnuteqaat ima ilisarnaaserneqassaaq: "Ilisimatusarfimmi Oqaasilerinermut, Atuakkialerinermut Tusagassiuutilerinermullu Immikkoortortamut studieadjunkti".

Qinnuteqaat kingusinnerpaamik 23.12.2024 nal. 12:00 Ilisimatusarfiup tigoreersimassavaa.

Ilisimatusarfiup Ilinniartunik Sullissiviani erninermut atatillugu sulinngiffeqartumut paarlatsi (qinnuteqarnissamut piffissaliussaq: decembarip 31-at 2024)

Sulimiummut ”Spaces of Possibility and Potentialitu in the Research Community in Kalaallit Nunaat” ph.d.-ngorniartumut sulisussarsiorpugut.

Sulimiummut ”Kalaallit Nunaanni inuiaqatigiinni ilisimatusarnissamut periarfissat anguneqarsinnaasullu” ph-d.-ngorniartumik pissarsiorpugut februaarip 1-ani 2025-mi atorfinittusssamik.

Kultoori, Oqaatsit Oqaluttuarisaanerlu pillugit Ilinniarfik sisamanik immikkoortortaqarpoq:

• Kultoorimut inuiaqatigiillu oqaluttuarisaanerannut immikkoortortaq.
• Oqaatsit, atuakkiat tusagassiuutillu pillugit immikkoortortaq.
• Teologimut immikkoortortaq.
• Nutserinermut oqaluttaanermullu immikkoortortaq.

Piginnaasanut piumasaqaatit

Naatsorsuutigaarput:

• Naleqquttumik ingerlaqqittumik ilinniagaqarsimanissat.
• Ph.d.-ngorniarnerup tamakkiisumik aningaasalersimanissaa.
• Ilisimatusarnermik sukumiisumik ilisimasaqarlutillu misilittagaqarnissat.
• Inuiaqatigiinnik kalaallinik sukumiisumik ilisimasaqarnissat.
• Ph.d.-ngorniartutut ilinnialernissamut piumasaqaatit naammassisimanissaat.

Kajumissuseqartumik qinnuteqaat, suliniutip allaaserinera kiisalu CV ilinniakkanut, suliarisimasanut soraarummeernernullu uppernarsaatit kingusinnerpaamik januaarip 5-ani 2025 nassiunneqassapput.

Ilisimatusarfik pillugu

Ilisimatusarfik 1987-imi pilersinneqarpoq.

Ilisimatusarfik Issittumi ilisimatusarfiuvoq nunarsuup ilaani sukkaqisumik allanngoriartortumi ilisimasanik nutaaliornermillu pilersitsoq.

Ilisimatusarfiup siulersuisui aqutsinermi qaffasinnerpaajupput. Ulluinnarni aqutsineq rektorimit ilisimatusarfimmilu pisortamit isumagineqarpoq. Ilinniarfiit sisamat ilinniarfinni aqutsisunit aqunneqarput, taakkulu ilinniarfinni siunnersortinit siunnersorneqartarput.

Ilisimatusarfimmi ilinniarfiit sisamaapput:

• Kultooreqarnermut, oqaatsinut oqaluttuarisaanermullu ilinniarfik.
• Ilinniarnermut ilinniarfik, ilinniartitsisunngorniarfik, meeqqat atuarfiini ilinniartitsisut ingerlaqqittumik ilinniarfiat.
• Peqqissaanermut peqqinnissamullu ilisimatusarnermut ilinniarfik peqqissaasunngorniarfeqarluni.
• Inuiaqatigiinnut, aningaasaqarnermut tusagassiinermullu ilinniarfik.

Ilinniarfinni kandidatinngorniarlunilu bachelorinngorniartoqarsinnaavoq.

Ilisimatusarfik ilisimatusarnikkut ilinniartitsinikkullu suleqatigiinni ilaavoq pingaarnertut Danmarkimik Nunanilu Avannarlernik allanik kiisalu Europap sinneranik Amerikamillu Avannarlermit.

Atorfik pillugu paasiniaasoqarsinnaavoq Ilinniarfimmi pisortamut Mari Kleistimut saaffiginninnikkut, oqar. 38 56 45 imaluunniit makl@uni.gl atorlugit.

Akissarsiat atorfininnermilu atukkat

Akissarsiat atorfininnermilu atukkat ilaatigut suliunnaarnermi angalaneq pisattanillu nassiussineq pillugit piffissami atorfinniffimmi Namminersorlutik Oqartussat kattuffiullu pineqartup akornanni isumaqatigiissutit atuuttut innersuussutigineqarput.

Ineqarneq

Atorfimmut atatillugu inissaqartitsisoqanngilaq. Qinnuteqartoq sulinerminut atatillugu ineqareeruni Namminersorlutik Oqartussani atorfeqarnerminut sulisunut inissiaq tigummiinnarneqarsinnaavoq. Sulisunut inissiaq atorfininnermut attuumatinneqassaaq, suliunnaarnermilu utertinneqassalluni.

CV, suliniummut allaaserisaq, ilinniarsimasanut pikkorissarsimasanullu uppernarsaatit kiisalu allakkiat allat attuumassuteqartut ilanngullugit personale@uni.gl-mut nassiunneqassapput.

Suliniummut ”Qilakitsormiut” ph.d.-ngorniartutut atorfik – Kalaallit Nunaanni inuit timaasa sinnikuinik ilisimatusarneq paasinninnerlu Qilakitsumi inuit panersimasut ilisimatusaatigalugillu paasissutissiarinerat aallaavigalugit ilisimatusarluni”.

Ilisimatusarfimmi ph.d.-ngorniartumik pissarsiorpugut suliniummut ”Qilakitsormiut” –Ilisimatusarfimmi Kalaallit Nunaanni inuit timaasa sinnikuinik ilisimatusarneq paasinninnerlu Qilakitsumi inuit panersimasut ilisimatusaatigalugillu paasissutissiarinerat aallaavigalugit ilisimatusarnermi februaarip 1-ani 2025-mi atorfinittussamik.

Kultoori, Oqaatsit Oqaluttuarisaanerlu pillugit Ilinniarfik sisamanik immikkoortortaqarpoq:

• Kultoorimut inuiaqatigiillu oqaluttuarisaanerannut immikkoortortaq.
• Oqaatsit, atuakkiat tusagassiuutillu pillugit immikkoortortaq.
• Teologimut immikkoortortaq.
• Nutserinermut oqaluttaanermullu immikkoortortaq.

Piginnaasanut piumasaqaatit

Naatsorsuutigaarput:

• Naleqquttumik ingerlaqqittumik ilinniagaqarsimanissat.
• Ph.d.-ngorniarnerup tamakkiisumik aningaasalersimanissaa.
• Ilisimatusarnermik sukumiisumik ilisimasaqarlutillu misilittagaqarnissat.
• Inuiaqatigiinnik kalaallinik sukumiisumik ilisimasaqarnissat.
• Ph.d.-ngorniartutut ilinnialernissamut piumasaqaatit naammassisimanissaat.

Kajumissuseqartumik qinnuteqaat, suliniutip allaaserinera kiisalu CV ilinniakkanut, suliarisimasanut soraarummeernernullu uppernarsaatit kingusinnerpaamik januaarip 5-ani 2025 nassiunneqassapput.

Ilisimatusarfik pillugu

Ilisimatusarfik 1987-imi pilersinneqarpoq.

Ilisimatusarfik Issittumi ilisimatusarfiuvoq nunarsuup ilaani sukkaqisumik allanngoriartortumi ilisimasanik nutaaliornermillu pilersitsoq.

Ilisimatusarfiup siulersuisui aqutsinermi qaffasinnerpaajupput. Ulluinnarni aqutsineq rektorimit ilisimatusarfimmilu pisortamit isumagineqarpoq. Ilinniarfiit sisamat ilinniarfinni aqutsisunit aqunneqarput, taakkulu ilinniarfinni siunnersortinit siunnersorneqartarput.

Ilisimatusarfimmi ilinniarfiit sisamaapput:

• Kultooreqarnermut, oqaatsinut oqaluttuarisaanermullu ilinniarfik.
• Ilinniarnermut ilinniarfik, ilinniartitsisunngorniarfik, meeqqat atuarfiini ilinniartitsisut ingerlaqqittumik ilinniarfiat.
• Peqqissaanermut peqqinnissamullu ilisimatusarnermut ilinniarfik peqqissaasunngorniarfeqarluni.
• Inuiaqatigiinnut, aningaasaqarnermut tusagassiinermullu ilinniarfik.

Ilinniarfinni kandidatinngorniarlunilu bachelorinngorniartoqarsinnaavoq.

Ilisimatusarfik ilisimatusarnikkut ilinniartitsinikkullu suleqatigiinni ilaavoq pingaarnertut Danmarkimik Nunanilu Avannarlernik allanik kiisalu Europap sinneranik Amerikamillu Avannarlermik.

Atorfik pillugu paasiniaasoqarsinnaavoq Ilinniarfimmi pisortamut Mari Kleistimut saaffiginninnikkut, oqar. 38 56 45 imaluunniit makl@uni.gl atorlugit.

Akissarsiat atorfininnermilu atukkat

Akissarsiat atorfininnermilu atukkat ilaatigut suliunnaarnermi angalaneq pisattanillu nassiussineq pillugit piffissami atorfinniffimmi Namminersorlutik Oqartussat kattuffiullu pineqartup akornanni isumaqatigiissutit atuuttut innersuussutigineqarput.

Ineqarneq

Atorfimmut atatillugu inissaqartitsisoqanngilaq. Qinnuteqartoq sulinerminut atatillugu ineqareeruni Namminersorlutik Oqartussani atorfeqarnermut sulisunut inissiaq tigummiinnarneqarsinnaavoq. Sulisunut inissiaq atorfininnermut attuumatinneqassaaq, suliunnaarnermilu utertinneqassalluni.

CV, suliniummut allaaserisaq, ilinniarsimasanut pikkorissarsimasanullu uppernarsaatit kiisalu allakkiat allat attuumassuteqartut ilanngullugit personale@uni.gl-mut nassiunneqassapput.

Ilisimatusarfiup Nunanut Allanut Sillimaniarnermullu Ilisimatusarfiani - Nasiffimmi ph.d.-nngorniatut atorfik (qinnuteqarnissamut piffissaliussaq: januaarip 31-ani 2025)