Soraarummeerneq - avataaneersoq

Ilinniartut Ilisimatusarfimmi allassimanngitsut soraarummeernissaannut Ilisimatusarfik aalajangersimasumik annertussusilimmik aaqqissuussinermut ikiuussinnaavoq.

Tamanna ungasissumit ilinniartunut piffissami aalajangersimasumi Nuummiittunut - assersuutigalugu feeriarnermut assigisaanullu atatillugu - aamma atuussinnaavoq.

Nakkutigineqarluni allattariarsorluni soraarummeernerit nalinginnaasumik ingerlanneqarsinnaasarput - kisianni aamma assersuutigalugu Microsoft Teamsikkut, Zoomikkut assigisaatigulluunniit oqaluttariarsorluni soraarummeernerit aaqqissuunneqarsinnaasarput.

Ilisimatusarfik soraarummeernernut tamakkununnga aaqqissuusseqataanissaminut ilaatigut neriorsuisarpoq. Ilinniarnerulli ingerlarnga tamakkerlugu soraarummeersitsinissamut aaqqissuusseqataanissamik neriorsuineq ajorpoq.

Soraarummeertup nammineerluni ilinniarfimminit akuersissutissani isumagalugulu saaffigisartakkani ilisimatissavaa. Soraarummeernermut pineqartumut maleruagassat pillugit peqqissaarussanik maligassianik Ilisimatusarfik pissarsitinneqassaaq, taamaasilluni taakkua naapertorlugit soraarummeersitsisoqarsinnaassaaq.

Ilisimatusarfik ukununnga imminut akisussaassuseqartuutissinnaavoq:

• soraarummeernermut atortunik pissarsitinneqarneq (maleruagassat, soraarummeerutissaq il.il.)
• soraarummeernissap tungaanut sumiiffimmi isumannaatsumi soraarummeerutissap toqqorsimatinnissaa
• ilisimatusarfiup pineqartup maligassiai naapertorlugit soraarummeersitsineq
• soraarummeerummut akissutip utertinnissaa

Ilisimatusarfik ukununnga imminut akisussaassuseqartinngilaq:

• soraarummeernissamut nalunaarnernik tigusineq
• soraarummeertup ilisimatusarfia sinnerlugu ilaatigut soraarummeernermut akiliutinik tigusineq
• soraarummeernerup inernerinik tigusineq soraarummeertumullu nassiuteqqinnera

Atuinermut akiliutit ukua atuupput:

• ataasinngornermit tallimanngornermut piffissap suliffiusup iluani nal. 8.00-p 16.00-illu akornanni soraarummeersitsineq: DKK 1.000

Piffissap suliffiusup avataani aamma sapaatip akunnerata naanerani imaluunniit nalliuttuni soraarummeersitsinernut Ilisimatusarfik ikiuussinnaanngilaq.

Nalinginnaasumik soraarummeertunut nakkutilliisunut qarasaasialerinermullu sullinneqarnermut aningaasartuutit qulaani allassimasutut atuinermut akiliummut ilaapput. Saniatigut aningaasartuutit - assersuutigalugu allakkisartukkut allakkanik nassiussineq il.il. soraarummeertumit akilerneqartarpoq.

Ilisimatusarfiup avataaneersunik soraarummeersitsinermut Ilisimatusarfiup qanoq peqataasinnaatiginera atortut pisariaqartinneqartut pigineqartut tunngavigalugit nalilerneqassaaq.

Najoqqutassat makkua 2024-mi februaarip 1-aniit atuutilissapput.

Qinnuigissavatsigit uuma ataani qinnuteqaatit immersoqqullugu.