Inimik atorneq

Ilinniartitsinernik salliussineq

Ilisimatusarfiup nammineq ilinniartuutaasa ilinniartitaanerat salliunneqartuaannarpoq.

Ini ilinniartitsinermut atorneqanngippat imaluunniit Ilisimatusarfiup qitiusumik sammisaqartitsineranut allanut atorneqanngippat avataaneersut inimik atornissaminnut qinnuteqarsinnaapput.

Malugiuk: Ataatsimooqatigiinnermik, politikkimik, upperisamik assigisaanilluunniit tunngavilimmik nammineq nalliuttorsiornernut, ilasseqatigiinnernut imaluunniit aaqqissuussanut ininik atorsinnaanngilatit.

Qinnuteqartariaaseq

Inimik atornissamut qinnuteqaat immersugassamik immersuinikkut nassiunneqassaaq, taanna quppernerup uuma ataani pissarsiarineqarsinnaavoq.

Tamassuma kingorna Nunarsuarmioqataanermut Attaveqatigiinnermullu Immikkoortortaqarfiup qinnuteqaat suliarissavaa, qinnuteqartorlu piaarnerpaamik akissutisiumaarpoq.

Akeqannginnera aamma atuisup akiliisinnaanera

Ilisimatusarfimmi ininik atorneq akeqanngilaq.

Ukuali kissaatigigaanni atuinermut akiliuteqartoqassaaq: 

• Oqalutsit atortui 20-nik tusarnaarutitallit (DKK 1250)
• Teknikeri (akunnermut DKK 500)

Inimik atornissamut qinnuteqaat akuerineqarpat atuisullu oqalutsit atortuinik aamma / imaluunniit teknikerimik kissaateqarpat, taava Naatsorsuuserinermut Immikkoortortaqarfiup akiligassartaq inimik atornissamut qinnuteqarnermi attavigisassatut allanneqarsimasumut nassiutissavaa.

Allannguineq imaluunniit taamaatitsineq

Ininik atornermut allannguinerit taamaatitsinerillu Nunarsuarmioqataanermut Attaveqatigiinnermullu Immikkoortortaqarfimmut sioqqutsilluni nalunaarutigineqassapput.

Torersaaneq

Inimik atuereernermi atuisup akisussaaffigaa ini torersumik kiisalu atulerneranisut isikkuatut qimannissaa.

Najoqqutassat makkua 2024-mi januarip 1-aniit atuutilissapput.