Nalunaarusiaq nutaaq: Kalaallit Facebookikkut oqallittarfianni nunat allamiut paasissutissiinerlunniartarnerannik misissuineq

Kalaallit Facebookikkut oqallittarfianni nunat allamiut ingerlassallit paasissutissiinerlunniarnernik siammarterisarnersut pillugu nalunaarusiaq nutaaq decembarip 9-ani 2024 saqqummissaaq.

Nalunaarusiaq Ilisimatusarfiup Nunanut Allanut Sillimaniarnermullu Ilisimatusarfianit - Nasiffimmit - Analyse & Tal-imit, Common Consultanty-mit aamma Tænketanken Digital Inftastruktur-imit allagaavoq.

Paasissutissiinerlunniarnermi eqqunngitsunik allamullu sangutitsiniaasunik piaaraluni paasissutissiisoqartarpoq, taamaaliornikkullu siunertarineqarpoq avissaartuutitsinissaq imaluunniit isummanik pilersitsinissaq.

Kalaallit Nunaanni Facebookikkut oqallinneq nunat allamiunit ingerlassalinnit akeqqersimaartunillu sunnerneqartarnersoq nalunaarusiami misissorneqarpoq.

Aatsaat taama ittumik nalunaarusiortoqarpoq, nalunaarusiamilu kalaallit Facebookikkut oqallittarfianni nunanut allanut politikki pillugu oqallinnerni paasissutissiinerlunniartarneq sammineqarpoq.

Nalunaarsueqqissaarneq tamanna - Kalaallit Nunaanni qinersisoqangajalersillugu, Issittullu nunarsuarmi tamarmi naalakkersuinermik ingerlatsinikkut inissisimaffia kiisalu nutserinermi atortut digitaliusut ineriartornerat eqqarsaatigalugit - maannakkut immikkut pingaaruteqarluinnartuuvoq.

Oqalugiartussat

• Rasmus Leander Nielsen, lektori aamma Nasiffimmi - Nunanut Allanut Sillimaniarnermullu Ilisimatusarfimmi pisortaq, Ilisimatusarfik
• Cecilie Astrupgaard, suleqatigisaq, Analyse & Tal
• Eske Vinther-Jensen, pilersitseqataasoq, Common Consultancy
• Signe Ravn-Højgaard, pilersitseqataasoq aamma pisortaq, Tænketanken Digital Infrastruktur 

Saqqummeereernerup kingorna nalunaarusiaq Nasiffiup nittartagaatigut atuarneqarsinnaalissaaq.

Decembarip 10-ani Kalaallit Nunaata nalunaaqutaa malillugu nal. 11.00, Danmarkillu nalunaaqutaa malillugu nal. 14.00 nittartakkami aaqqissuussatigut nalunaarusiami inerniliinerit aammattaaq saqqummiutissavagut - ugguuna paasisaqarnerugit.