Spiralilersuisimaneq pillugu innuttaasunik ataatsimiisitsineq - Odense
'Spiralilersuisimaneq pillugu suliamik' qulaajaasussat ilisimatusartut Odensemi innuttaasunik ataatsimiisitsinissaminnut aggersaapput - kikkut tamarmik tikilluaqqusaapput.
Innuttaasunik ataatsimiisitsineq uani ingerlanneqassaaq: Odensemi Syddansk Universitetimi, Campusvej 55, 5230 Odense lokale (ini) O100 septembarip 27-iani nal. 18.00 - 21.00 (Danmarkimi nalunaaqutaq malillugu).
Piffissami 1960-imiit 1991-imut 'spiralilersuisimaneq pillugu suliamik' arlaannaanulluunniit attuumassuteqanngitsumik qulaajaanermik suliaqarneq aamma Kalaallit Nunaanni Danmarkimilu efterskolini kalaallinik allatsissimasunik naartunaveersaartitsinermut tunngasunik suliaqarsimanerit allat pillugit ilisimatooqatigiit suliaqarnertik ataatsimiisitsinermi oqaluttuarissavaat.
Tamassuma kingorna apeqquteqartoqarsinnaassaaq. Innuttaasunik ataatsimiisitsinermi nammineq inuttut oqaluttuaatit tunniunneqarnissaannut periarfissaqanngilaq. Nammineq inuttut oqaluttuaatit ukiaru nalunaarutinik katersisoqalerpat ilisimatooqatigiinnut tunniunneqarsinnaapput. Nalunaarutit maannakkut tunniunneqarusussappata Kalaallit Nunaanni Nunatsinni Nakorsaaneqarfimmut maannamut tunniunneqarsinnaapput.
Nakorsartinnermut tunngasumik maalaarutitut nalunaarut sullissivik.gl-ikkut tunniunneqarsinnaavoq imaluunniit Nunatsinni Nakorsaaneqarfimmut nun@nanoq.gl-imut toqqaannaq mailernikkut nalinginnaasumilluunniit allakkamik nassiussinikkut uunga Nunatta Nakorsaaneqarfia, Postbox 120, 3900 Nuuk.
Nakorsartinnermut tunngasumik maalaarutinik sullissivik.gl-ikkut tunniussinissamut ilitsersorneqarnissaq pisariaqartinneqarpat taava Peqqinnissamut Isumaginnittoqarfimmi nakorsianut siunnersorti siunnersorti@peqqik.gl-imut imaluunniit +00299 34 40 50-imut sianernikkut ataasinngornermiit tallimanngornermut 8.00 - 16.00-illu akornanni attavigineqarsinnaavoq.
Annertunermik paasissutissarsiornermi ilisimatooqatigiit aqutsisuat, Tenna Jensen, mailikkut ugguuna attavigineqarsinnaavoq: teje@uni.gl.
- Tenna Jensen, Ilisimatusarfimmi Issittumi Atugarissaarnermik Ilisimatusarfimmi aqutsisoq kiisalu Center for Folkesundhed i Grønland, Syddansk Universitetimi ilisimatusartuuneq (ilisimatooqatigiit aqutsisuat)
- Bonnie Jensen, Ilisimatusarfimmi lektori
- Gitte Adler Reimer, Ilisimatusarfimmi rektori
- Ingelise Olesen, Ilisimatusarfimmi ilisimatusarnermik ataqatigiissaarisoq
- Janne Rothmar Herrmann, Københavns Universitetimi professori
- Kirsten Nystrup, Center for Folkesundhed i Grønland, Syddansk Universitetimi immikkut siunnersorti
- Maja Christiansen, Center for Folkesundhed i Grønland, Syddansk Universitetimi immikkut siunnersorti
- Mette Seidelin, ilisimatuujuneq, Rigsarkivet
- Ellen Bang Bourup, ikiorti (ilisimatusarnermut atasoq)
- 1960-ikkunni aallartittumik naartunaveersaartitsinermut tunngasunik suliaqarnerup aallartinnerani tunngaviit.
- Aalajangiinerup ingerlarnga, spiralinik allanillu naartunaveersaatinik atuilernermut tunngasunik suliaqalernermut aqqutaasut.
- Kalaallit Nunaanni aamma Danmarkimi efterskolini allatsissimasunut kalaallinut niviarsiaqqanut suliniutip ingerlanneqarnera.
- Kalaallit niviarsiaqqat arnallu tamatuma ingerlanerani qanoq misiginerat nassuiaanernit katersaneersut.
- Piffissami tamatumani Kalaallit Nunaanni Danmarkimilu Kalaallit Nunaanniit efterskolertut naartunaveersaartitsinissamik periuserisimasat spiralilersuisimanerillu inatsisitigut, allaffissornikkut aamma peqqinnissakkut ilisimasat tunngaviusimasut.
Paasissutissat
Adresse tassaavoq SDU Odense, Campusvej 55, 5230 Odense.
Aqqutaata nassaarinissaanut ikiorneqarnissamik pisariaqartitsivit? SDU-p aqqutinik takutitassiaa atorusukkukku una tooruk.
Ilisimatusarfik illuutaalu eqqai tamakkerlugit uuma toorneratigut aamma takusinnaavatit.
Internetti aqqutigalugu innuttaasunik ataatsimiisitsinissamut innersuussissut aajuna:
- Klik her for at gå til mødet
- Møde ID: 390 454 720 664 Password: s54G3E
- Download Teams | Deltag på internettet
Innuttaasunik ataatsimiisitsineq internettikkut malinnaavigissagukku ingerlanneqarnerata qallunaatut kalaallisulluunniit tusarnaarnissaanut toqqagassaqarputit.
Ullormi tassani aqqutaa nanisinnaanngikkukku +0045 65 50 78 08-imut sianernissannut tikilluaqqusaavutit.
Odensemi naapinnissarsi qilanaaraarput.
Inussiarnersumik inuulluaqqusilluta;
Ilisimatooqatigiit
FACEBOOK
LINKEDIN
Assiliuk - linki
