Suliffissanik nittarsaassineq 2023

Asasavut nunatsinni ingerlatsiviit, kattuffiit suliffeqarfiillu;

Ilisimatusarfiup nuannaarutigalugu Ilisimatusarfimmi Suliffissanik nittarsaassineq 2023-mut aggersarpaasi.

Suliffissanik nittarsaassineq ukioq kingullertuulli ingerlanneqassaaq - piffissamimi sivisunerusumi suliffissanik nittarsaassilerpugut: tassa ulluni suliffiusuni tamani novembarip 6-niit 24-ata tungaanut 2023, Ilisimatusarfiup kantiinaani nal. 11.00 - 13.00 imaluunniit nal. 12.00 - 14.00 akornanni.

Ingerlatsiviit, kattuffiit suliffeqarfilluunniit ullormut marluk Ilisimatusarfimmi nittarsaassivimmiittarnissaat - aamma ulloq suliffiusoq sorleq piffissarlu sorleq pilerigisartik namminneq qinersinnaanissaat eqqarsaataapput. Nuummiinngitsunut soorunami aamma internetti aqqutigalugu (Microsoft Teamsikkut, Zoomikkut assingusukkulluunniit) nittarsaassinissaq toqqarneqarsinnaavoq - teknikikkut isumagisassat uagut isumagiumaarpagut.

Taamaasilluta ilinniartuutivut peqatigalugit eqqissisimanerusumik ingerlassaagut - piffissallu sivisunerusup iluani ilinniartuutitta ingerlatsiviit, kattuffiit suliffeqarfiillu assigiinngitsorpassuit paasisaqarfigissavaat.

Peqataaniarluni allatsinnermi ulloq suliffiusoq aamma piffissaq pileriginerusaq taamaallaat qinerneqassapput.

Internetti aqqutigalugu nittarsaasserusukkuit - taava peqataaniarlutit nalunaareerninni uunga e-mailimik nassissiinnassaatit per@uni.gl.

Nalunaarfissap killinga: 30 oktobari.