NUSCT

Ilisimatusarfik NUSCT-mi Rektorit ukiumoortumik ataatsimiittarnerisa sisamassaat Ilisimatusarfimmi pissaaq 3 maj 2022.

Rektorit, NUSCT-mi Ilisimatusarfiit ilaasortat aqqanillit Europami nunat mikinerit nunallu naalagaaffinnut allanut atasut tamangajammik sinnerlugit ataatsimiissapput, ataatsimiinneq Rektorit ilaannit Nuummut tikiulluni peqataaffigineqassaaq allat internet aqqutigalugu peqataassallutik, ataatsimiinnermi NUSCT suleqatigiiffiup pingajussaannik ataatsimiissimanerisa kingorna suliat killiffiat eqqartorneqassaaq, NUSCT-mi pingajussaannik ataatsimiinneq San Marinop Kunngiitsoqarfiani, UNIRSM-imi oktober 2021-mi ingerlanneqarpoq, ataatsimiissutiginermi NUSCT-mi suliat ukiunut tulliuttuni qanoq tulleriiaarneqarnissaat eqqartorneqarpoq.

Ataatsimiinnermi Kommuneqarfik Sermersuumi borgmester Charlotte Ludvigsen sinnerlugu tikilluaqqusissaaq Juaaka Lyberth, Meeqqanut Atuarfeqarnermullu ataatsimiititaliami siulittaasoq, soorluttaaq Amanda Crowfoot, Europami ilisimatusarfiit Kattuffiat EAU-mi Allattaaneq tikilluaqqusisuussasoq, tikilluaqqusinermini NUSCT’p Europami Ilisimatusarfiit akornanni pisariaqartinneqarnera naqissusissallugu.

Ataatsimiinnermi Rektorit, Rektorit tullersortaasa soorluttaaq Nunat tamalaat akornanni Ilisimatusarfiit immikkoortortaanni sulisunit COVID-19-p kingorna naleqqussaatit ilaatigut eqqartorneqassapput, taamatuttaaq Ukrainemi sorsunnerup nunat tamalaat akornanni nunat akimorlugit suliniutitut suleqatigiissutit sorsunnermi akuusut peqataatillugit nuttarnermut sunniutai, aamma, ilisimatuut qimaasutut inissisimasut nunani sorsuffiunngitsuni inisimatinneqarnerat ilaatigut eqqartorneqassallutik.

Ilaasortat akornanni suleqatigiiffiullu avammut allanut suleqatigiinneri suleqatiginnittarnerisalu amerliartornerat pitsaassusaallu aamma inerititaqarfiulluartumik eqqarsaatersuutigineqarnissaat pissaaq.

NUSCT kattuffeeraavoq (suleqatigiiffik) Andorrami Ilisimatusarfimmit siulersorneqartoq, suleqatigiiffimmi nunani mikisuni naalagaaffinnullu atasuni nunani assingusumik atugalinni suleqatigiinnissamik, periusissanik ingerlatsilluarnissamillu ataatsimullu nipeqarnissamik periarfissaqartitsisoq.

Ilisimatusarfiup saniatigut attaveqatigiiffimmut ilaasortaasut ukuupput:

• University of Akureyri
• University of Andorra
• University of the Faroe Islands
• University of Gibraltar
• University of Liechtenstein
• University of Malta
• Mediterranean University
• University of Montenegro
• University of Nicosia
• University of the Republic of San Marino