Qinnuteqartitsineq normu 2 - inissat inuttalerneqanngitsut

Ilisimatusarfimmi ilinniakkani suli inuttalerneqanngitsunik inissaqarmat aappassaanik qinnuteqarnissamut periarfissiisoqarpoq - tamarmik 1. septembari 2023 aallartittussanik.

Ilinniakkat uku pineqarput:

• Inuiaat kulturiat oqaluttuarisaanerallu
• Ilinniartitsisoq
• Nutserisoq oqalutsilu
• Inuiaqatigiilerineq (kandidati)
• Isumaginninnermut siunnersorti
• Peqqissaasoq
• Teologi

Taavalu tassa ilinniakkat taakkua arlaannut tiguneqarusussinnaaguit sullissivik.gl aqqutigalugu qinnuteqassaatit.

Qinnuteqartoqarsinnaavoq 15. maajimit - 16. juunimut 2023.

Aammattaaq nittartakkatsinni qupperneq "Ilisimatusarfimmut qinnuteqarneq" alakkarsinnaavat - tassani ilinniakkat pillugit atuagassaqarpoq, taannalu aqqutigalugu ilinniartorpassuatta ilaannik attaviginnissinnaavutit.

Ilinniartunik siunnersuineq - atuaruk.