Ilisimatusarfik ataqqinartorsuarmit Kunngi Frederimmit pulaartoqartoq

Pingasunngornermi apriilip 30-ani 2025 Ilisimatusarfik ataqqinartorsuarmit Kunngi Frederik X-imit pulaartoqarpoq.

Ilisimatusarfiup pinngortitamik ilisimatusarnerup iluani ilinniarfiani siullerpaami - uumassusilerinermi bachelorinngorniarfimmi SILA-mi - ilinniartut naapinneqarnissaat pulaarnermi siunertarineqarpoq.

Ilinniakkap siunertaraa kinguaariit tulliuttut akisussaassuseqartumik uumassusillit assigiinngisitaarnerannut tunngasunik ingerlatsinermik, silap pissusiata allanngoriartorneranik kiisalu inuit pinngortitallu imminnut ataqatigiinnerat immikkuullarissup, nunatta Issittullu ilisarnaatigisaanik, paasinninnermik ilinniartinneqarnissaat.

Ilisimatusarfiup pulaartoqarnini tulluusimaarutigaa - ataqqinartorsuarlu Kunngi Frederik X-ip Kalaallit Nunaanni angalalluarnissaanik kissaapparput.