Aalisakkat, kangerluk peqatigiinnerlu

Maajip 31-ani avataanit tikeraatut ilinniartuutitta ileqqoq malillugu aalisariarmata kiinnat qungujulasut pissangasullu takussaapput - Ilisimatusarfimmi semesterit tamarluinnaasa aalisariartitsineq tamanna ingerlanneqartartoq nuannarineqarluartarpoq.

Aalisariarneq sammisassaritinneqartarpoq, aalisariarnermi avataanit tikeraatut ilinniartut nunatta pinngortitaa kalaallillu kulturiat qanimut misigissallugit periarfissinneqartarput.

Angalaarneq Nuup kangerluani alianaaqisumi pivoq, silalu atoruminarpoq - imaani ualip atornissaanut tulluarluinnartumik.

Sivitsunngitsorlu aalisakkanik pisaqarput.

Nalluutilerlutik qaqqallu aamma kangerluk alianaaqisut isikkivigalugit aalisakkanik pisaqarluarput, aalisartullu illarpalaallattaapput, peqatigiipput pisaqaramillu nuannaajallallutik nillerput.

Ilinniartuutitta nunanit tamalaaneersut ilaat aatsaavissuaq kangerlummi aalisarlutik misilippaat - misigisarlu tamanna puigorunnanngilaat.

Aalisariarneq nunatsinni asiarnermik aamma inuiaassutsit, ilinniakkat oqaatsillu assigiinngitsut akimorlugit ataqatigiinnermik misigisaqartitsivoq.

Siparneq ulikkaarlugu pisaqaraluaraanniluunniit imaluunniit angalaarneq peqatigiinnerlu taamaallaat misigisaqarfigigaluaraanni ualeq iluatsilluarfiuvoq - tamatumalu aammaarluni ersersippaa Ilisimatusarfik suliamut tunngasunik peqatigiinnermillu qanoq pilersitsisarnersoq.

Assiliisoq: ilinniartut avataanit tikeraat