Kalaallit Nunaanni tusagassiuutit pillugit Aviaq Fleischerip ph.d.-nngorniunni iluatsilluartumik illersoraa

Februaarip 21-at 2025 Ilisimatusarfimmi ulloq immikkuullarissuuvoq, ullormi tassani Aviaq Fleischerip ph.d.-nngorniunni illersorpaa. Nunatsinni tusagassiuutit 1970-kkunniit ineriartorsimanerat Aviap aallaaserisaani tunngavigineqarpoq, allaaserisaanilu tv-kkut ataatsikkut pisimasut, tusagassiuutit imarisaat nunatsinnilu toqqorsivimmut inissiisarnerit immikkoortortaat qitiusut ersersinneqarput.

Aviaq Fleischerip ph.d.-nngussutimini sisamanik allaaserisaqarpoq, taakkualu tamarmik immikkut nunatsinni tusagassiuutit assigiinngitsutigut pingaarnersiorlugit itisiliipput. Ajoqersuiartortitap Hans Egedep ukiut 50-it ingerlanerani tusagassiuutini qanoq saqqummiunneqartarnera, KNR-ip Danmarks Radiollu suleqatigiinnerat kiisalu isiginnaartartut KNR-ip toqqorsivianit aallakaatinneqaqqittartut pillugu isiginnittaasaat Aviap ilaatigut misissoqqissaarsimavai. Aasiaallu Tusaat tv-ata toqqorsivianiittut aamma toqqortaasivimmiittut paariinnarneqarnissaannut inatsisitigut sinaakkutitit aammattaaq immikkut sammisimavai.

Itisiliisumik peqqissaartumillu Aviaq Fleischer suleriaaseqarluni Kalaallit Nunaanni tusagassiuutit oqaluttuarisaanerannik paasinnittaatsimut annertuumik tapersiisimallunilu siunissami nunatsinni tv-p aamma toqqorsiviit qanoq ineriartortinneqarsinnaanersut eqqartorsimavaa.

Aviap angusarissaarnerani pilluaqqungaarparput - ilisimatuutullu suliaqarnissaata malinnaaviginissaa qilanaaraarput!