Septembari

Ulloq septembarip 27-at Ilisimatusarfimmut pingaaruteqarlunilu nalliuttorsiorpalaarfiuvoq - ullormimi tassani ileqqutoqqanik pingaartitsiviusumik Ilisimatusarfik ukiumoortumik nalliuttorsiutigaarput

Soqutiginarluinnartoq Arnarulunnguaq pillugu Pauline Knudsen, Inuiaat Kulturiat Oqaluttuarisaanerannilu immikkoortortaqarfiup pisortaa, atuakkiaminik saqqummersitseqqammivoq

Pinngortitaleriffimmit aamma Ilisimatusarfimmit nuannaarutigisatsinnik nalunaarutigisinnaavarput suleqatigiinnissamik isumaqatigiissuterput nutarterneqarmat, tamannalu suliffeqarfitsinnut marlunnut ingerlariaqqitsitsivoq

Ilisimatusarfimmi pitsaassutsikkut qulakkeerinnittartoqatigiit, tassaasut Joachim Sloth Larsen aamma professori Gestur Hovgaard, Norgemi isumassarsiorfiusumi ilikkagaqarfiusumilu ataatsimeersuaqataareerlutik uteqqammerput

Nunani tamalaani suleqateqarnerput attaveqaqateqarnerpullu ilinniartuutitsinnut silarsuarmik ammaassisartuunerat Ilisimatusarfiup tulluusimaarutigaa

Ilisimatusarfimmi ilinniartut (aamma ilinnialertussat) ilinniartunut siunnersortitsinnit Augustine Berthelsenimit sutigut tamatigut ikiorneqarsinnaallutillu siunnersorneqarsinnaapput, ilinniartunut siunnersorterput suliatigut inuttullu unammillernartunut tunngasunik ikiuinissaminut piareersimavoq

Nittartakkatsinni podcasti nangeqattaartuliaq "Ilisimasat nalituut" tusarnaarsinnaajuarakku eqqaamajuk, tassani ilinniartuutivut naammassisimasut specialiliatik oqaluttuaraat (kalaallisut)

Nangeqattaartuliami Watch & Listen ilisimatusartut podcastii videotaallu pissanganartut nittartakkatsinni nassaariuaannarsinnaavatit

Nittartakkatsinni atuisutsinnut amerlasuunut toortagassatsialaateqarpugut: Ilisimatusartutta saqqummersissimasaannik ujarlernissamut periarfissaq

2025-mi upernaakkut semesterimi Ilisimatusarfimmi nunamit tamalaaneersutut ilinnialernissamut qinnuteqarfissaq maanna ammavoq