Qinnuteqartitsineq normu 2 & pinngortitamik ilisimatusarnerup iluani nunatsinni ilinniagaq nutaaq

Qinnuteqartitsineq normu 2

Ilisimatusarfiup qinnuteqartitsineq normu 2 ammarpaa - maannalu pinngortitamik ilisimatusarnerup iluani nunatsinni ilinniagaq nutaarluinnaq neqeroorutigaarput: Uumassusilerinermi SILA-mi bachelori.

Ilinniakkat ilaanni suli inissaqarnerit pissutaallutik qinnuteqartitsineq normu 2 Ilisimatusarfiup ammarpaa - ilinniakkat tamarmik septembarip 1-iani 2024 aallartissapput.

Ilinniakkat ukua pineqarput:

• Tusagassiortoq, bacheloritut
• Ilinniartitsisoq, bacheloritut
• Nutserisoq oqalutsilu, bacheloritut
• Oqaasilerineq, atuakkialerineq tusagassiuutilerinerlu, bacheloritut
• Oqaasilerineq, atuakkialerineq tusagassiuutilerinerlu, kandidatitut
• Peqqissaasoq, bacheloritut
• Teologi, bacheloritut

Ilinniakkat taakkua ilaannut akuerisaanissamut qinnuteqarusukkuit sullissivik.gl-ikkut qinnuteqarsinnaavutit.

Maajip 6-ianit 2024 maajip 27-iata 2024 tungaanut qinnuteqarnissaq ammavoq.

Pinngortitamik ilisimatusarnerup iluani ilinniakkamut nutaamut maanna nunatsinni qinnuteqarsinnaanngorputit

Ilinniakkamik nutaarluinnarmik Ilisimatusarfik ilusilersuisimavoq: Uumassusilerinermi SILA-mi bachelori - akuerisaanissamullu maanna qinnuteqarsinnaalereerputit.

Kalaallit Nunaanni pinngortitamut immikkut ittumik atassuteqarpugut - tassa imaappoq uumassusillit akornanniikkatta.

Inuiaqatigiit aningaasaqarnitsinnut, nerisatsinnut, kulturitsinnut aamma eqqarsartaatsikkut peqqissutsitsinnut pinngortitaq tunngaviuvoq.

Taakkuami tamarmik uumassusilerinermi SILA-mi bacheloritut ilinniakkap pingaarnertut immikkoortortarai.

Ilisimatusarfiup ilaatigut Pinngortitaleriffiup suleqatigineratigut uumassusilerinermi bacheloritut ilinniagaq pilersissimavaa, ilinniagarlu Kalaallit Nunaanni, pinngortitaani kulturiannilu aallaaveqarpoq.

Ilinniartut aavariassapput, assaasa puisit naavi attussavaat Kalaallit Nunaannilu suliffeqarneq pillugu ilinniassallutik. Pinngortitami aamma laboratoriami uumassusilerinermi pisaatsit ilinniartut misilittagaqarfigilissavaat, uumassusilerinerullu iluani ilisimasaqalernissaminnik ilisimasaminnillu paasissutissiortarneq ilinniassallugu.

Uumassusilerinermi SILA-mi bachelori pillugu uani atuarnerugit - qinnuteqarnissamut piffissaliussaq tassaavoq novembarip 1-iat 2024, ilinnialernerlu februaarip 1-iani 2025 aallartissaaq.