Siulersuisut nutaat isumasioqatigiinnerat

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik suleqatigalugu juunip 19-iani siulersuisortaatsinnut isumasioqatigiitsitsivugut.

Ullormut oqaluuserisat ilaatigut tassaapput: 

• Ilisimatusarfik pillugu saqqummiussinerit nalinginnaasut
• Ilisimatusarfiup aningaasarnera pillugu saqqummiussineq
• Naalakkersuisoqarfiup saqqummiinera
• Sammisat inatsisinut tunngasut attuumassutillit saqqummiunneqarnerat
• Sulianut tunngasut

Siulersuisut isumasioqatigeereeramik akunnerminni inissitsiterput - tamannalu nutaanik siulersuisortaartitsivoq, matumalu ataani takuneqarsinnaapput.

Siulersuisuni ilaasortat avataaneersut nutaat arfinillit tassaapput:

• Eyjólfur Guðmundsson, Akureyri Universitetimi rektori (siulersuisuni siulersuisoq)
• Kathrine Tveiterås, UiT Norges Arktiske Universitetimi prorektori (siulersuisuni siulersuisup tullia)
• Karsten Høy, Greenland Rubymi pisortaaneq
• Ulunnguaq Markussen, Perorsaanermik Ilinniarfimmi pisortaq
• Aqqalu Sørensen, Pinngortitaleriffimmi ilisimatusartoq
• Kista Høegh-Niclasen, Nuna Advokaterini advokati

Ilaasortat avataaneersut Ilisimatusarfimmi ilinniartut sulisullu qinikkat peqatigalugit nutaatut siulersuisunngortinneqarput.

Ilisimatusarfimmit ilaasortat tassaapput:

• Lars Jørgen Kleist, ilinniartunut sinniisoq
• Jørgen Rosbach, ilinniartunut sinniisoq
• Javier Arnaut, ilisimatusartunut ilinniartitsisunullu sinniisoq
• Kevin Perry, ilisimatusartunut ilinniartitsisunullu sinniisoq
• Maren Mikkelsen-Lennert, allaffimmi illumilu atorfillit sinniisuat

Siulersuisut isumasioqatigiinnerannut pitsaalluinnartumut naalakkersuisoqarfik aamma siulersuisuni ilaasortat nutaat qutsavigaagut - suleqatigiinnissarpullu qilanaaraarput.

Ilisimatusarfiup nittartagaani siulersuisut nutaat pillugit atuarnerusinnaavutit.