Allaaserisanik nassiussinissamut kajumissaarut Gerningsstedet Grønland - fiktion & virkelighed

Kalaallit Nunaanni piviusumik aamma oqaluttualiani pinerluttuliortarnerit Gerningsstedet Grønland - fiktion og virkelighed-imi misissorneqarput. Kalaallit Nunaanni ilisimatusarnerit katersorneqarnissaat sammisami siunertarineqarpoq, pingaartumik Ilisimatusarfimmi. Katersorneqartussat tassaapput pinerluttuliortarnermut tunngasut assigiinngisitaartut nunatsinni inuiannut kulturiannullu aamma taakkua atuakkiani, oqaluttualiani tusagassiuutinilu saqqummersinneqartarnerinut attuumassuteqartut.

Nassiunneqartut assigiinngitsunik sammiveqarnikkut Kalaallit Nunaanni pinerluttuliortarneq qaammarsaavigissavaat, assersuutigalugu pineqaatissinneqarsimasunut inissiisarfimmi inuunermut, inatsisinut, inatsisinik unioqqutitsinermut qisuariarnernut, nunatsinni, Danmarkimi aamma nunani allani tusagassiuutitigut meeqqanik innarliisarneq pillugu saqqummiussisarnermut, Kalaallit Nunaat pillugu true-crime-podcastinut (tusarnaagassiat pinerluttulersaarutit), aamma pinerluttuliortarnerit saqqummersinneqarnerisa tv-kkut oqaluttualiani aamma atuakkani pinerluttulersaarusiani takutitassanngortinneqartarnerisa imaluunniit tusartitassanngortinneqartarnerisa sunniuteqartarnerannut tunngasut. Aammattaaq inuit pisinnaatitaaffiannut, inuiannut, kulturikkut kingornussanut, oqaatsinik atuinermut aamma oqaatsitigut ileqqunut il.il. pinerluttuliornernut tunngasut Kalaallit Nunaannut attuumassuteqartut saqqummersitami uani Grønlands Kultur- og Samfundsforskning-imi allaatigisani sammisarineqarsiinnaapput.

Sammisaq Gerningsstedet Grønland - fiktion og virkelighed ilisimatusartoqatigiinnut "Arktisk kriminalitet"-imut attuumassuteqarluni suliarineqarpoq, Grønlands Kultur- og Samfundsforskning-imilu aaqqissuisoqarfik suleqatigalugu ilisimatusartoqatigiinnit aaqqissorneqarluni.

• Nassiussat tamarmik naliliisartunit nalilersorneqassapput.
• Atuakkianik tigusiffimmut innersuussiffik minillugu, allaatigisat ataasiakkaat quppernernik 15-inik, tamarmik immikkut toortaanernik 2400-nik imalittut takissuseqassapput.
• Allannissamut ilitsersuut uani pissarsiarineqarsinnaavoq.
• Allaatigisat kalaallisut, qallunaatut tuluttulluunniit allanneqassapput mailimullu uunga nassiunneqarlutik flni@uni.gl.
• Eqikkakkanik (abstract) nassiussivissatut piffissaliussaq: oktobarip 1-at 2024 (oqaatsit 300-t tikillugit).
• Allaatigisanik nassiussivissatut piffissaliussaq: februaarip 1-at 2025.

Grønlandsk Kultur- og Samfundsforskning Ilisimatusarfiup ilisimatusaatitigut atuagassiaraa qarasaasiatigullu ugguuna saqqummersinneqartarluni.