Kunngit nikinnerat

Ataqqinartorsuaq Dronning Margrethe,

Ataqqinartorsuup tupinnavissumik ukiuni 52-ini kunngeqarfik Danmarkimi immikkuullarilluinnartumik dronningiusimaneranut Ilisimatusarfiup qamannga pisumit qutsavigerusuppaa.

Kalaallit Nunaannut tunniusimanera asanninneralu tamatsinnut isumassarsiorfiullunilu ataasiussutsimik tunniussaqarsimavoq.

Tamassumunnga atatillugu Ataqqinartorsuup Kalaallit Nunaannut naggammik angalanermini Ilisimatusarfimmut pulaarnera eqqaamajuaannagassatsinnik tulluusimaarutigeqaarput.

Tamanna tulluusimaarutigiuarlugulu nuannaarutigiuassavarput.

Tamanna ilutigalugu Ataqqinartorsuaq Kunngi Frederik X-at aamma Ataqqinartorsuaq Dronning Mary kunngeqarfik Danmarkimi kunnginngorneranut dronninginngorneranullu qamannga pisumit pilluaqqungaarusuppagut.

Ataqqinnittumik inuulluaqqusillunga,

Gitte Adler Reimer, rektori