Ilinniarfitsinnik nittarsaassinermi annertuumik saqqummiussineq

Decembarip aallaqqaataanit 2024 martsip aallaqqaataata 2025 tungaanut piffissaq qilanaaraarput, piffissamimi tassani Ilisimatusarfimmi ilinniakkanik nittarsaassineq aallutingaatsiassavarput.

Tamanna Kalaallit Nunaanni ilinniakkanut qinnuteqarnerup ilaattut ingerlanneqassaaq - suliniutinillu pissanganartorpassuarnik pilersaarusiorsimavugut!

Piffissap taassuma ingerlanerani video nittarsaassissut kusanartoq paasissutissartaqartorlu siammartissavarput, taanna Ilisimatusarfimmi ilinniakkanik tamanik kusanartumik tamakkiisumillu takussutissiissaaq.

Video taanna nittartakkatta saqqaaniikkumaarpoq (qulaani allassimasumi video aammattaaq takusinnaavat) - tamaangali killinngilaq!

Inuit attaveqatigiittarfianni - YouTubemi, Facebookimi Instagramimilu -quppernitsinni video amerlanerpaanit takuneqarsinnaanerussammat pilerisaarutitut aamma ikkunneqarumaarpoq.

Suli naammassinngilagut!

Sapaatit akunnerit tamaasa ilinniagaq aalajangersimasoq pullavigisassavarput Facebookikkullu aamma Instagramikkut sammillugu.

Taakkunani ilinniakkat tamarmik immikkut iluaqutissartaat, imarisaat periarfissiissutaallu pissanganaqisut erseqqissarsinnaavagut.

Taamaammat nittartakkatta aamma inuit attaveqatigiittarfianni quppernitta malinnaaviginissaannut peqqutissatsialaqarpoq - tamanut tulluuttunik peqartarumaarpoq!

Neqeroorutigisagut pitsaaqisut takutinnissaat pissangagingaarparput - neriuppugullu ukiup ilinniarfiusussap tullissaanut amerlasuunik qinnuteqartitsiumaartoq.