Issittumi Atugarissaarneq Pillugu Ilisimatusarfiup danskit kommunii naapeqatigai

Steven Arnfjordip, Issittumi Atugarissaarneq Pillugu Ilisimatusarfiup pisortaata, apriilip 23-ani Aalborg Kommunemit Københavns Kommunemillu sinniisut ataatsimeeqatigai.

Apeqqutit isumaginninnermut tunngasut pillugit kalaallit kommunii danskillu kommunii qanoq sunniuteqarluarnerusumik suleqatigiissinnaanersut eqqartornissaa ataatsimeeqatigiinnermut siunertaavoq.

Paaseqatigiinnissaq aamma Kalaallit Nunaanni Danmarkimilu inuiaqatigiit iluanni inooqataanikkut ilungersunarsinnaasunut aaqqiissutissatut periarfissat oqaloqatigiinnermi qitiutinneqarput.

Tamassuma saniatigut suleqatigiinneq nukittorsarumallugu isumaginninnermut politikkip iluani ilisimasanik aamma misilittakkanik qanoq pitsaanerusumik avitseqatigiissinnaaneq eqqartorneqarpoq.