Ilisimatusarfiup ilinniarnermut aningaasaliissutai agguaanneqartut

Ilisimatusarfiup ilinniarnermut tapiissuteqartarfia aqqutigalugu DDK 142.000,- agguaanneqaqqammipput.

Aningaasat amerlanerpaartaat angalanernut ataatsimeersuarnernilu peqataanernut atorneqassapput.

Ilisimatusarfimmi bacheloritut, kandidatitut ph.d.-tullu ilinniartut ilinniakkaminni ingerlassaannut tapersersuisunik siunertanut Ilisimatusarfiup ilinniarnermut tapiissuteqartarfianut qinnuteqaatigineqarsinnaapput.

Ilinniarnermut aningaasaliissutit Dudo & Povl Brandts Fondip tunngaviusumik aningaasaataani sinneruttuneersuupput.

Ilisimatusarfiup ilinniarnermut tapiissuteqartarfianut qinnuteqarnissamut piffissaliussap tullia tassaavoq oktobarip 15-iat.