Ukiumi 2023-mi SILA piviusunngussava?

Ilisimatusarfiup Kalaallit Nunaanni uumassusilerinermik ilinniarfeqarnissaa 2015-imili takorluugarisarsimavaa.

2017-imiilli Pinngortitaleriffimmik qanimut suleqateqarnikkut annertuunik aningaasaliissuteqartoqarnerup kinguneranik ilinniakkamut attaveqaasersuutit tamarmik ullumikkut piareersimapput.

2017-imi 53 mio. kronit Pikialaarfimmut, illorsuarmut pinngortitamik ilisimatusarfiusumut nutaaliaasunillu laboratorialimmut, auditorialimmut pinngortitamillu ilisimatusarnermi ilinniartitsivilimmut, aningaasaliissutigineqarput. Ullumikkut Kalaallit Nunaanni aningaasaqarnermut inatsit naapertorlugu Pikialaarfimmik ingerlatsisoqarpoq.

Maanna amigaatigineqartutuaapput ilinniakkamik ingerlatsinermut aningaasaliissutissat, aningaasaliissutissat 7,4 mio. kroniusut aningaasaqarnermut inatsimmut qinnutigineqartussat. 2022-mi Aage V. Jensens Fonde tunngaviliinissamut uumassusilerinermik ilinniarfissamik ingerlatsinermut ukiut tallimat tikillugit matussusiisussanik aningaasaliissuteqarpoq - ilinniakkamut aningaasaqarnermut inatsimmi qaqugukkut aningaasaliissuteqarfigineqarnissaa apeqqutaalluni.

Takorluugarput-mi nutartikkami ilaatigut aningaasaliissutit nalunaarsorneqarnerat takusinnaavarsi, aamma sooq SILA aningaasaliiffigineqartariaqarsorigipput atuarsinnaavarsi.