Soraarummeernermi oqalutseqarneq iluatsilluartoq

Oqaatsivut tamatsinnut pingaaruteqarput - ingammik ilinniagaqarnermut atatillugu. Ilaannikkulli maani ilinniartut oqaatsit ilitsoqqussarinngisatik atorlugit ilinniagaqartarput.

Maani ilinniartut amerlanersaasa kalaallisut ilitsoqqussaralugit oqaaseraat, ingammilli oqaluttariarsorluni soraarummeernerni soraarummeersitsisoq aamma / imaluunniit censori peqqutaalluni soraarummeernerit danskisut ingerlanneqartariaqartarput.

Ajornartorsiummik tamatuminnga iliuuseqarfiginninnissamut tunngatillugu ilinniartuutivut piumasaqarsimapput - taamaattumillu misiliutitut aaqqiissutigaarput ilinniartut toqqakkat arfinillit aasaanerani atuanngiffeqalernissartik sioqqullugu Isumaginninnermut siunnersortinngorniarfimmit soraarummeernerminni oqalutseqarnissaannik neqeroorfigalugit.

Ilinniartut ilitsoqqussaralugit oqaatsiminnik akornuteqaratik atuisinnaanissaat siunertarineqarpoq - iluatsilluaqaarlu.

Adjunkti Bonnie Jensen oqaluttariarsiorluni soraarummeernerni soraarummeersitsisuuvoq, imalu oqaluttuarpoq:

Ilinniartut misiliummi peqataasut ilaat KNR-imut ima oqaluttuarpoq:

Uaguttaaq ajunngilluinnarsoraarput - pingaaruteqartutullu isigalugu.

Taamaattumik siunissami atuuttuartussamik aaqqiissuteqarnissarput massakkut sulissutigaarput - ilinniartut ilitsoqqussaralugit oqaatsitik atorlugit soraarummeernerminni nukittunerpaaniassammata.