Issittumi utoqqaliartorneq pillugu ataatsimeersuarneq

Februaarip 23-anni ilisimatuutut misissuilluni ineriartortitsillunilu suliniuteqarfiusoq Issittumi utoqqaliartorneq Ilisimatusarfimmi naggataarluni ataatsimeersuartitsivoq.

Ataatsimeersuarnermi saqqummiunneqartuni utoqqarnut tunngasunik assigiinngitsunik paasisaqarfiuvoq – utoqqaallu peqqissusiannut ulluinnarnilu inuunerannut, utoqqarnik kiffartuussinermut puiguttornermullu tunngasunik ilaatigut saqqummiussisoqarpoq.

Ataatsimeersuarnermut atatillugu campus Ilimmarfimmi aamma Ældreliv i Grønland-imik qulequtalimmik - plakatinillu ilinniartut suleqataasut sanaavinik - saqqummersitsisoqarpoq.