Nunani allani ilinniarneq praktikkernerlu

Universitetimi allami semestereqarninni:

• sulisussanut piumasaqaatigineqartartunik suliatsigut piginnaasaqalissaatit
• ilinniartoqatinnit immikkoorutigilerumaakkannik suliannut atatillugu piginnaasaqalissaatit
• nunani tamalaani attaveqarfigisartagaqalissaatit
• ajornartorsiutinik aaqqeeriaatsinik allanik ilikkagaqassaatit
• kulturit allat paasisimasaqarfigilissavatit immaqalu oqaatsit allat ilikkarlugit
• paasissavat illit nalinginnaasutut isigisatit nunami allami nalinginnaanngilluinnartuusut
• inuunerpit sinnerani eqqaamajumaakkannik kulturimik allamik misigisaqassaatit

Suliffeqarfimmi peqatigiiffimmiluunniit praktikkerninni:

• suliffeqarfimmi (peqatigiiffimmiluunniit) allami kulturerineqartunik paasinnilluinnarnissamut periarfissaqassaatit
• nunani tamalaani atoriaannaasunik misilittagaqalissaatit
• inuussutissarsiornermi naleqquttunik misilittagaqalerlutillu nutaanik piginnaasaqalissaatit
• ilinniartoqatinnit immikkoorutigilerumaakkannik suliannut atatillugu piginnaasaqalissaatit
• nunani tamalaani attaveqarfigisartagaqalissaatit
• ajornartorsiutinik aaqqeeriaatsinik allanik ilikkagaqassaatit
• kulturit allat paasisimasaqarfigilissavatit immaqalu oqaatsit allat ilikkarlugit
• paasissavat illit nalinginnaasutut isigisatit nunami allami nalinginnaanngilluinnartuusut
• inuunerpit sinnerani eqqaamajumaakkannik kulturimik allamik misigisaqassaatit

Universitetimut allamut ilinniariassaguit unnersuussutigerusupparput universitetit Ilisimatusarfiup suleqatigiinnissamik isumaqatigiissuteqarfigisaasa misissuiviginissaat.

Universitetinut taakkununnga qinnuteqarniarnermi Ilisimatusarfik ikiuisinnaavoq, imaassinnaavorlu ilinnut ilinniartuusumut aningaasartuutaasussanik annikillisitsisoqarsinnaassasoq.

Aammattaaq nunani allani ilinniarnissamut periarfissanik atorluaasinnaavutit universiteti ornikkusutat suleqatigiinnissamik isumaqatigiissuteqarfigineqarsimanngippat.

Aaqqissuussinissarli qinnuteqarnissallu piumasaqaateqarfigineqartullu allat iliuuseqarfiginissaat illit nammineq akisussaaffigissavat. Aamma ilinniagaqarnermi aningaasartuutit akilerneqarnissaannik aaqqissuussisariaqarsinnaavutit.

Universitetimi allami semestereqassaguit illit ilinniartutut:

• universitetimi Ilisimatusarfiup suleqatigiinnissamik isumaqatigiissuteqarfigisaani pikkorissarfissarsiussaatit
• fagit pillugit immikkoortortaqarfinni pisortat oqaloqatigissavat (kingusiinnaq instituttit siunnersuisoqatigiivisa fagitit akuerissavaat)
• Nunarsuarmioqataanermut Attaveqatigiinnermullu Immikkoortortamik ilisimatitsissaatit (toqqagassatut siunnersuutigisinnaaniassagatsigit)
• universitetimi nunami allamiittumi ilinnialernissamut akuerisaanissamut qinnuteqassaatit
• universitetimi nunami allamiittumi ilinnialernissamut akuerisaaguit: 'learning agreement' atsiussavat
• pisortaqarfinnit aningaasaliiffigineqarnissannik qinnuteqassaatit (angalanissamut & ineqarnermut akiliutinik taarsiiffigineqarnissamut)
• ilisimatusarfiup avataanit aningaasaliiffigineqarnissat qinnuteqaatigissavat

Praktikkeriassaguit ilinniartutut illit iliuuserisassatit aajuku:

• ilinniakkannut naleqquttumik praktikkerfissarsiorit
• suliffimmik misiliinissaq aamma suliffimmik misiliiffissaq pillugit immikkoortortaqarfinni pisortat oqaloqatigissavat (kingusiinnaq instituttit siunnersuisoqatigiivinit akuerineqassaaq)
• praktikkerfissami praktikkernissannik qinnuteqarit
• qinnuteqaatit praktikkerfissamit akuerineqareerpat: 'learning agreement' atsioruk
• pisortaqarfinnit aningaasaliiffigineqarnissannik qinnuteqarit (angalanissamut & ineqarnermut akiliutinik taarsiiffigineqarnissamut)
• ilisimatusarfiup avataanit aningaasaliiffigineqarnissat qinnuteqaatigiuk

Ilisimatusarfimmi ilinniarnivit ilaatut nunanut allanut ilinniariaruit ukua pinissaannut Nunarsuarmioqataanermut Attaveqatigiinnermullu Immikkoortortamit ikiorneqarsinnaavutit:

• allakkiaq pisortatigoortoq nunami allamiinninni aningaasatigut tapiiffigineqarninnut nassuiaataasoq
• sillimmasiinermi allagartaq annertusisaq
• ilinniagaqarnersiutinut qaammammoortumik ilassutit (aatsaat nunanut Naalagaaffeqatigiinnerup avataaniittunut ilinniariaraanni)

Aningaasaliissutit pisortatigoortut

Ilisimatusarfimmi ilinniartutut ukununnga pisinnaatitaavutit:

• nunami allami ilinniariarninnut praktikkeriarninnulluunniit atatillugu 'ilinniagaqarnersiutisinissamut'
• 'ilinniagaqarnersiutinut' qaammammoortumik ilassuteqarnissamut
• angalanermik akiliutsinnissamik qinnuteqarnissamut
• nunami allamiitilluni aningaasartuutinik taarsiiffigitinnissamik qinnuteqarnissamut

'Ilinniagaqarnersiutisinissamulli' pisinnaatitaaqqaartariaqarputit, immikkoortortamilu pisortarisat nunami allamiinnissavit tamakkiisumik akilerneqarnissaanik akuersereeqqaartariaqarpoq - tassa imaappoq, nunami allami ilinniarnerit Ilisimatusarfimmi ilinniarnissaraluavit ilaanut taartaasinnaavoq.

Tamatuma saniatigut taarsersugassaanngitsunik ilinniagaqarnermi Ilisimatusarfimmeersunit tapiissutisinissamut periarfissaqarsinnaavutit, ilaatigut uku:

• Erasmus+ aqqutigalugu ilinniagaqarnersiutit tapiissutit (Ilisimatusarfik Erasmus+imik suleqateqarnissamik isumaqatigiissuteqarpat)
• Nordplus aqqutigalugu ilinniagaqarnersiutit tapiissutit (Ilisimatusarfik Nordplusimik suleqateqarnissamik isumaqatigiissuteqarpat)
• UArctic aqqutigalugu ilinniagaqarnersiutit tapiissutit (Ilisimatusarfik UArcticimik suleqateqarnissamik isumaqatigiissuteqarpat)

Malugiuk: Ilisimatusarfimmi ilinniartut tamarmiunngitsoq ilinniagaqarnersiutinut tapiissutisisinnaapput. Ilisimatusarfimmi ilinniartut nunani allani praktikkerusuttut amerlanerulersimanerat - ilinniagaqarnersiutinullu tapiissutigineqarsinnaasut killeqarnerat - tamatumunnga pissutaapput.

Qinnuteqaqqaartuusut tapiissuteqarfigineqartarput.

Aningaasaliissutit Ilisimatusarfiup avataaneersut

Pisortatigoortumik aningaasaliiffigineqarnissamik ilinniagaqarnersiutinullu tapiissutisinissamik qinnuteqarnerup saniatigut nunanut allanut ilinniariarnermut praktikkeriarnermullu atatillugu aningaasaliiffigineqarnissamik allanuttaaq qinnuteqarsinnaavutit.

Tapiissutigineqartartut allat pillugit uani atuarit.

Angalaniaraanni pilersaarusiungaatsiartariaqartarpoq - taamaattumik ilinniartutut pilersaarusiornerup qanoq aallartinneqarsinnaaneranik innersuussutit aajuku:

Nunami allami ilinniarnerit februaarimi aallartissappat:

• Nunarsuarmioqataanermut Attaveqatigiinnermullu Immikkoortortamut attaveqaqqaarneq: Maajip aallartinnerani
• faginik angusimasanik ilinniakkamut nuussinissamut imaluunniit suliffimmik misiliinissamut qinnuteqarneq: juulip qiteqqunnerani
• qinnuteqaat universitetimut / praktikkerfissamut nassiunneqassaaq: Nalinginnaasumik aggustimi

Nunami allami ilinniarnerit septembarimi aallartissappat:

• Nunarsuarmioqataanermut Attaveqatigiinnermullu Immikkoortortamut attaveqaqqaarneq: Decembarip aallartinnerani
• faginik angusimasanik ilinniakkamut nuussinissamut imaluunniit suliffimmik misiliinissamut qinnuteqarneq: februaarip qiteqqunnerani
• qinnuteqaat universitetimut / praktikkerfissamut nassiunneqassaaq: Nalinginnaasumik marsimiit

Nunanut allanut ilinniariarnernut tamanut tunngatillugu innersuussutigineqarpoq Danmarkimi Udenrigsministeriap angalanermi ilitsersuussutaanik misissuinissaq.

Download: Danmarkimi Udenrigsministeriap app Rejseklar.

Ilisimatusarfimmi ilinniartut 2016-imiilli nunami allamiiffii - nunarsuarmioqataanermut allaffik aqqutigalugu:

Matumani ilinniartut nunanut allanut ilinniariarnerminni praktikkeriarnerminnilu misigisalikkersaarutaat atuarsinnaavatit - immaqalu illit nammineq ilisimatusarfimmi ilinniartuuninni nunanut allanukarnissannut isumassarsiorfigalugit.