Avataaneersutut Ilisimatusarfimmi ilinniartuuneq

Kikkut qinnuteqarsinnaappat?

Semesterimi ataatsimi avataaneersutut Ilisimatusarfimmi ilinniarnissat kissaatigingukku taava illit:

• Piffissaq ilinniarfiusoq tamakkerlugu ilinniartuussaatit, aamma

• Ilisimatusarfimmi akuerineqarsimasumi ukiut marluk iluitsut ilinniarlutit naammassereersimassuatit

Ilinniartut kandidatinngorniat Erasmus+, Nordplus, UArctic imaluunniit suleqatigiinnissamik isumaaqatigiissut alla aqqutigalugu ilinniariartut salliunneqarsinnaatitaapput.

Ilisimatusarfimmi avataaneersutut ilinnialernissamik akuerisaanissamut qinnuteqarusukkuit taava ukua maliinnassavatit:

Qinigassatut siunnersuutigineqarneq

Peqatigiinnissamik isumaqatigiissuteqarfigisatsinni ilisimatusarfimmi ilinniartuuguit - imaluunniit ilisimatusarfiit ataqatigiissaarluni suleqatigiinnissamik isumaqatigiissuteqarfigigutsigu, taava nunanut allanut tunngatillugu ataqatigiissaarisussi Ilisimatusarfimmi avataaniit ilinnialertussatut qinigassatut siunnersuutigissavaatit.

Qinigassatut siunnersuutigineqarnissamut piffissaliussat:

• Ukiakkut semesterimut (septembarimi ilinnialernissamut): maajip 1-at

• Upernaakkut semesterimut (februaarimi ilinnialernissamut): oktobarip 1-at

Qinnuteqaatitit internettikkut immersukkit

Internettikkut qinnuteqarnissamut immersugassaativut immersukkit:

• Qinnuteqarnissamut immersugassaq (najukkanni ilisimatusarfinnit qinigassatut siunnersuutigineqarnerit tigugutsigu qinnuteqarnissamut immersugassamut innersuussissut nassiutissavarput)

• Kollegiemi initaarnissamut qinnuteqarneq (ilinniartut avataaneersut Namminersorlutik Oqartussat aqqutigalugu kollegiemi inissaminnik qinnuteqassapput. Ilinnialernissamut akuerisaasimanermut allakkap tigunerani qinnuteqartariaatsimut tunngasunik aamma pissarsissaatit)

• Suleqatigiinnissamik isumaqatigiissuteqarfigisatsinni ilisimatusarfimmi - imaluunniit ilisimatusarfiit ataqatigiissaarluni suleqatigiinnissamik isumaqatigiissuteqarfigigutsigu, taava nunanut allanut tunngasunut ataqatigiissaarisuppit Ilisimatusarfimmi tikeraatut ilinnialertussatut qinigaanissanut siunnersuutigissavaatit

Malugiuk: qinnuteqarnermut immersukkavit nassiutinnginnerani – filit ukua kakkiutissagakkit (taamaammat piareersimatikkit):

• Najukkanni ilisimatusarfimmi soraarummeersimanermut uppernarsaatit

• TOEFL imaluunniit IELTS (fagit tuluttut ingerlanneqartut qinnuteqarfigigukkit - malugiuk tuluttut taamaallaat ingerlanneqartunik faginik neqerooratta)

Qinnuteqarnissamut killigititat

Qinnuteqarnissamut killigititat nallinnginnerani internettikkut qinnuteqaatit nassiuguk:

• Ukiakkut semesterimut (septembarimi ilinnialernissamut): maajip 1-at

• Upernaakkut semesterimut (februaarimi ilinnialernissamut): oktobarip 1-at

Internettikkut qinnuteqaativit nassiutereernerata kingorna

Qinnuteqarnissamut killigititaq qaangiutereerpat qinnuteqaatinnut akissut nassiukkumaarparput.

Avataaneersutut ilinnialernissamut akuerisaasimaguit paasissutissat allat pissarsiariumaarpatit.

Avataaneersutut Ilisimatusarfimmi ilinnialernissamut akuerisaaguit, nunani avannarlerni innuttaassuseqanngikkuillu taava nunatsinniikkallarnissamut akuersissummik qinnuteqassaatit (EU-mi innuttaasut qaammatit pingasut sinnerlugit Kalaallit Nunaanniittussanut tamanna aamma atuuppoq).

Peqqissutsimut angalanermullu tamakkiisumik sillimmasiinissat aammattaaq innersuussutigaarput.

Oqaatsinut piumasaqaatit

Ilinniartutut tikeraarnissamut qinnuteqaateqaruit fagillu tuluttut ingerlanneqartut tigorusukkukkit (fagit tuluttut ingerlanneqartut neqeroorutivut ikittunnguit) - taava nunanut allanut ataqatigiissaarisuppit pisortatigoortumik allagaqarnikkut ilinniagartuutut tuluttut piginnaassuseqarnerit uppernarsassavaa.

TOEFL imaluunniit IELTS naammaginartumik angusiffigisimasaq aamma akuerineqartarpoq.

Avataaneersutut ilinniarnissamut qinnuteqaruit fagillu qallunaatut aamma kalaallisut ingerlanneqartut tigorusukkukkit - taava nunat avannarliit ilaanni naalagaaffimmi innuttaassuseqassaatit, imaluunniit ilinniagartuutut qaffasissusilimmik oqaatsit atorsinnaagitit uppernarsarsinnaassavat.

Ilinniarnermut akitsuutsit & aningaasalersuineq

Ilisimatusarfimmi avataaneersutut ilinniartuuneq akeqanngilaq.

Avataaneersutut ilinniartutut nammineq inuttut aningaasartuutit kiisalu angalanermut aningaasartuutit soorunami nammineq akisussaaffigineqassapput.

Nunat Avannarliit ilaanni imaluunniit Euroapami ilinniartuuguit, taava ukunannga tapiissutinik pissarsisinnaatitaavutit:

• Erasmus+

• Nordplus

• UArctic (North2North)

Najukkanni ilisimatusarfinni nunanut allanut tunngasunut ataqatigiissaarisorsi aperiuk tapiiffigineqarsinnaatitaanersutit.

Najukkanni ilisimatusarfiit Ilisimatusarfimmik suleqatigiinnissamik isumaqatigiissuteqarnersoq aamma atuarsinnaavat.

Fagit tuluttut ingerlanneqartut

Ilisimatusarfik faginik ikittunnguanik tuluttut ingerlanneqartunik faginik neqerooruteqarpoq.

Semesteri apeqqutaalluni tuluttut fageqarnikkut 30 ECTS-inik pissarsinissaq periarfissaasinnaavoq.

Fagit tuluttut ingerlanneqartunik tamakkiisumik takussutissiaq quppernermi uani takusinnaavat.

Qallunaatut kalaallisullu fagit

Ilisimatusarfimmi ilinniakkani tamani fagit qallunaatut kalaallisullu ingerlanneqartartut neqeroorutigaagut - fagit imarisaat pillugit paasissutissanik pissarsineruniarlutit ilinniakkat aaqqissuussaaneri takukkit.

Kalaallisut ilinniarit

Ilisimatusarfik kalaallit oqaasiinik ilinniartitsinermik neqerooruteqanngilaq.

Kisianni kalaallisut ilinniartitsinissamik neqeroortoqartarpoq:

• Oqaatsuit

• Ilikkarit - Bente Meilvangimit ilinniartinneqarneq

• Lær grønlandsk - Per Langgårdip oqaatsinik ilisimatusaatitigut kalaallisut ilinniarnermut periusia

Semesterit, fagit & soraarummeernerit

Ilisimatusarfimmi marlunnik semestereqarpoq:

• Ukiakkut semesteri: septembarip aallartinnerani aallartittarpoq - januaarip naanerani naasarpoq

• Upernaakkut semesteri: februaarip aallartinnerani aallartittarpoq - juunip naanerani naasarpoq

Semesteri ataaseq sapaatit akunnerit 14-it missaannik sivisussuseqartarpoq - kingorna soraarummeernerit ingerlanneqartarput.

Fagini ilinniartut amerlassusaat 5-init 30-t akornanni nikerarput.

Ilinniakkani tamani fagit qallunaatut kalaallisullu (ikittunnguillu tuluttut) ingerlanneqartunik Ilisimatusarfik neqeroorpoq - fagit imarisaat pillugit paasisaqarnerorusukkuit ilinniakkat aaqqissugaaneri takukkit.

Semesterit tamarmik naggaserneranni fagini tamani soraarummeersitsisoqartarpoq - 100%-imik naleqqiussinertalimmik.

Pingaarnertut piffissat soraarummeerfiusut tassaapput januaari juunilu - naak piffissat taakku sioqqullugit kingornatigulluunniit aamma soraarummeersitsisoqartarsinnaagaluartoq.

ECTS

Ilisimatusarfiup European Credit Transfer System (ECTS) atorpaa.

Ilisimatusarfimmi semesteri iluitsoq 30 ECTS-inik naleqarpoq.

Karakteriliinermi naleqassutsinik tulleriinnilersuineq.

Kalaallit Nunaanni karakteriliinermi naleqassutsinik tulleriinnilersueriaaseq Greenlandic Grading System (GGS) atorneqarpoq.

Karakteriliinermi naleqassutsinik tulleriinnilersueriaaseq Greenlandic Grading System (GGS) pillugu atuarnerugit.

Kollegiami ini

Avataaneersutut ilinniartut Namminersorlutik Oqartussat aqqutigalugit kollegiami inissaminnik qinnuteqartarput.

Ilinnialernissamut akuerisaanermut allakkap tigunerani qinnuteqartariaatsimut tunngasunik aamma pissarsissaatit.

Nuummi najugaqarneq

Nuuk Kalaallit Nunaanni illoqarfiit pingaarnersaraat .. Ilisimatusarfimmilu ilinniartuuninni pisiniarfilerinissamut, caférnissamut, timersornissamut allarpassuarnullu periarfissaqassaatit.

Nuummi inuuneq pillugu ugguuna atuarnerulaarsinnaavutit:

• Sermersooq (kommunip nittartagaa)

• Colourful Nuuk

• greenland.com-imi Nuuk

Inuuniarnermi aningaasartuutit

Ilisimatusarfimmi avataaneersutut ilinniartuuneq akeqanngilaq.

Avataaneersutut ilinniartutut nammineq inuttut aningaasartuutit kiisalu angalanermut aningaasartuutit soorunami nammineq akisussaaffigineqassapput.

Nunat Avannarliit ilaanni imaluunniit Euroapami ilinniartuuguit, taava ukunannga tapiissutinik pissarsisinnaatitaavutit:

• Erasmus+

• Nordplus

• UArctic (North2North)

Najukkanni ilisimatusarfinni nunanut allanut tunngasunut ataqatigiissaarisorsi aperiuk tapiiffigineqarsinnaatitaanersutit.

Najukkanni ilisimatusarfiit Ilisimatusarfimmik suleqatigiinnissamik isumaqatigiissuteqarnersoq aamma misissorsinnaavat.

Nuummi najugaqarnermut ilinniartuunermullu aningaasartuutit qaammammut inummut ataatsimut DKK 5000-it missaanniipput.

Ilisimatusarfimmut bussit

Bussip aqqutai 2, 3 aamma X3 Ilisimatusarfiup eqqaani unittarput.

Bussit unittarfiat "Ilimmarfik / Universitetet"-imik ateqarpoq.

Nuummi bussit ingerlaarfiinut pilersaarutit ugguuna takukkit.

Aamma: bussit sumut killinneri toqqaannartumik ugguuna takukkit.

Avataaneersutut Ilisimatusarfimmi ilinniartut misigisaat uani atuarsinnaavatit.

Nunarsuarmioqataanermut Attaveqatigiinnermullu Immikkoortortaq aqqutigalugu 2016-imiilli avataaneersutut Ilisimatusarfimmi ilinniartut.