Saaq

Ilisimatuutut misissuinerit

Spiralilersuisimaneq pillugu nakerisarsiornani qulaajaaneq

Piffissami 1960-imiit 1991-imut Kalaallit Nunaanni aamma Danmarkimi efterskolini allatsissimasunut kalaallinut niviarsiaqqanut naartunaveersaasersuisimaneq pillugu arlaannaanulluunniit attuumassuteqanngitsumik misissuineq

Spiralilersuisimaneq pillugu nakerisarsiornani qulaajaaneq

Suliaq pillugu

Ilisimatusartorpaaluit niviarsiaqqanik arnanillu 1960-ikkunni naartunaveersaatinik spiralilersuisimaneq pillugu maanna qulaajaaleruttorput. Ilisimatusartut misissuivigissavaat inuit qanoq amerlatigisut eqqugaasimanersut, aalajangiussamut suut tunngaviunersut arnallu eqqugaasut qanoq misigissaqarsimanersut.

Danskit naalakkersuisuisa maanilu Naalakkersuisut spiralilersuisimanermik allatigullu 1960-imiit 1991 ilanngullugu Kalaallit Nunaanni naartunaveersaartitsinermik nakerisarsiunngitsumik qulaajaasitsineq isumaqatigiillutik aallartisarpaat.

Maanna ilisimatusartut misissuivigissavaat inuit qanoq amerlatigisut eqqugaasimanersut, aalajangiussamut suut tunngaviunersut arnallu eqqugaasut qanoq misigisaqarsimanersut.

Suliniut Ilisimatusarfiup issittumi atugarissaarneq pillugu ilisimatusarfianit siulersorneqarpoq Syddansk Universitetimi Center for Folkesundhed i Grønland suleqatigalugu.

Naatsorsuutigineqarpoq qulaajaaneq naammassissasoq 2025-imi maajip naanerani.

Pissut

Misissuinermik suliaqartut

Tenna Jensen, Ilisimatusarfimmi Issittumi Atugarissaarnermik Ilisimatusarfimmi aqutsisoq kiisalu Center for Folkesundhed i Grønland, Syddansk Universitetimi ilisimatusartuuneq (ilisimatooqatigiit aqutsisuat)
Bonnie Jensen, Ilisimatusarfimmi ilinniartitsisoq
Gitte Adler Reimer, Ilisimatusarfimmi rektori
Inge Høst Seiding, Ilisimatusarfimmi instituttimi aqutsisoq
Ingelise Olesen, Ilisimatusarfimmi ilisimatusarnermik ataqatigiissaarisoq
Janne Rothmar Herrmann, Københavns Universitetimi professori
Kirsten Nystrup, Center for Folkesundhed i Grønland, Syddansk Universitetimi immikkut siunnersorti
Maja Christiansen, Center for Folkesundhed i Grønland, Syddansk Universitetimi immikkut siunnersorti
Mette Seidelin, ilisimatuujuneq, Rigsarkivet
Naja Carina Steenholdt, Center for Folkesundhed i Grønland, Syddansk Universitetimi ilisimatooq
Qulaajaaneq aallartippat Ilisimatusarfimmi atorfinitsinneqartussaq ilisimatusarnermi ikiorti

Arlaannaannulluunniit attuumassuteqanngitsumik misissuisut makku qulaajassavaat

1960-ikkunni aallartittumik naartunaveersaartitsinermut tunngasunik suliaqarnerup aallartinnerani tunngaviit.
Aalajangiinerup ingerlarnga, spiralinik allanillu naartunaveersaatinik atuilernermut tunngasunik suliaqalernermut aqqutaasut.
Kalaallit Nunaanni aamma Danmarkimi efterskolini allatsissimasunut kalaallinut niviarsiaqqanut suliniutip ingerlanneqarnera.
Kalaallit niviarsiaqqat arnallu tamatuma ingerlanerani qanoq misiginerat nassuiaanernit katersaneersut.
Piffissami tamatumani Kalaallit Nunaanni Danmarkimilu Kalaallit Nunaanniit efterskolertut naartunaveersaartitsinissamik periuserisimasat spiralilersuisimanerillu inatsisitigut, allaffissornikkut aamma peqqinnissakkut ilisimasat tunngaviusimasut.

Suliarisassat allassimaffiat & isumaqatigiinneq

Qulaajaanermi suliassaq uani atuaruk.

Qulaajaaneq pillugu sukumiisumik uani paasisaqarit.

Oqaluttuassannik nassiussigit

Nammineq misigisimasanik allaatigisat ilisimatusartunut qulaajaasunut ukiaru allaatigisanik katersuineq aallartippat tunniunneqarsinnaassapput.

Nammineq misigisimasanik allaatigisanik massakkut tunniusserusuttut Nunatta Nakorsaaneranut suli tunniussisinnaapput. Tunniussisoqarsinnaavoq allaatigisaq nakorsartinnermut naammagittaalliuutitut nassiullugu sullissivik.gl aqqutigalugu - imaluunniit Nunatta Nakorsaaneqarfianut toqqaannartumik attaveqartoqarsinnaavoq mailikkut nun@nanoq.gl-imut allalluni imaluunniit uunga allakkamik nalinginnaasumik nassiussilluni:

Nunatta Nakorsaanera
Postbox 120
3900 Nuuk

Nalunaarutit Nunatta Nakorsaaneqarfianut nassiutereersimagukku taava nassiuteqqittariaqanngilat, pissutigalugu ilisimatooqatigiit nalunaarutit pissarsiarisussaammagit, annertunerusumilli nassuiaarusukkuit nassiussisinnaavutit.

Attavissat

Oktobarip aallaqqaataaniit 2023 oqarasuaatikkut attavigisinnaanngussavatsigut. Telefonip normui piareerpata allakkumaarpagut.

Marlunngornerit sisamanngornerillu tamaasa nal. 10.00-ip aamma 15.00-ip akornanni sianerfigisinnaanngussavatsigut. Normut sianerfigineri akeqanngillat, imaluunniit piffissat ammasarfiit avataasigut oqarasuaatitta nammineerluni akisartuanut nalunaarutit immiussinnaanngussavat.

Paasisaqarnerorusukkuit ilisimatusartunut qulaajaasunut pisortaasoq Tenna Jensen attavigiuk uunga allallutit: teje@uni.gl.

Pisussat