Naalagaaffeqatigiinnermik ilisimatuutut misissuineq

Pillugu

Ilisimatusarfiup Perorsaanermik Ilinniarfik, Fróðskaparsetur Føroya, VIA University College aamma UC SYD Naalagaaffeqatigiinnermik ilisimatuutut misissuinissaq pillugu suleqatigiinnissamik isumaqatigiissuteqarfigisimavai.

Anguniagaavoq Naalagaaffeqatigiinnitsinni isumaginninnikkut perorsaanikkullu suliaqarfinni immitsinnut ilinniarfigeqatigiillutalu ilinniaqatigiinnissarput. Nunani taakkunani pingasuni inissiisarnermut tunngatillugu nukittuffigisatsinnik ilisimasatsinnillu immikkut ittunik tamatta immikkut tapiissuteqarsinnaavugut tamattalu peqatigiilluta ilaquttanut ilisarisimanullu inissiisarnermi patajaatsumik ineriartortitsisinnaalluta.

Nalinginnaavoq meeqqat ulloq unnuarlu inissiisarfinniitinneqartartut aamma/imaluunniit ilaqutarsianulluunniit inissinneqartartut inersimasunngoraamik ingerlanerliornerungaatsiartartut – meeqqanit inissinneqarsimanngitsuninngarnit. Taamaattumik ilaquttanut ilisarisimasanullu inissiisarnermut tunngatillugu Danmarki, Savalimmiut Kalaallillu Nunaat maanna sulisaaserineqartunik ataasiakkaanik ineriartortitsisariaqarput.

Savalimmiuni Kalaallillu Nunaanni meeqqat ilaqutaanni ilisarisimasaannilu peroriartortitsisarneq siornatigut ileqqorineqarsimavoq, meeqqat paaqqinnittarfinnut ilaqutarsianulluunniit meeqqap ilaqutarinngisaanut inissinnagit – tamatumunngalu tunngatillugu ilisimasat misilittakkallu tunngavigalugit ineriartortitsiniarnerput iluaqutigilluarsinnaavarput.

Naalagaaffeqatigiinnermik ilisimatuutut misissuinermi pingaarutilittut qitiuvoq ilisimatusaatigalugu suliaq ima qulequtalik: "Kalaallit Nunaat Savalimmiullu isumaginninnikkut perorsaanikkullu tamatta sunik ilinniarfigisinnaavavut?" - tamatumalu kingunerisaanik allaaserisaqarnerup ingerlatitseqqiinerullu saniatigut ilinniusiortoqassaaq oqaatsinut pingasunut nutsikkamik sulinermi atugassatut ilinniakkanilu ingerlaqqiffiusuni atugassatut.

Atassuteqaat