Ilisimatusarfiup issittumi atugarissaarneq pillugu ilisimatusarfia

Pillugu

ICAV-ip siunertaraa atugarissaarnermi ilisimatusarnermut periaatsinillu ineriartortitsinermut tunngavissiinissaq atugarissaarnermut tunngasunik suliaqartartut qanimut suleqatigalugit.

Ilisimatusarfimmi tamatumani ilisimatuut, ilinniartut specialeqartut suliniuteqarfiillu ataatsimoorlutik suleqatigiipput - peqatigiiffiit, ilinniakkat, kommunit, aqutsisoqarfiit immikkoortortallu qanimut suleqatigalugit.

ICAV-imi ilisimatuut ph.d.-llu attaveqatigiittarput, immikkut misissuivigisanik katersuiffeqarlunilu klubbeqarluni - soorluttaaq atuakkanik saqqummersitsiniarnermi ilisimatusarfigisanillu specialenillu issittumi atugarissaarnermut tunngasunik ingerlatitseqqiiniarnermi ikiuisarluta.

Atugarissaarneq pillugu ilisimatuutut misissuinernik Ilisimatusarfimmiititsinikkut Kalaallit Nunaanni suliatsigut siammasissumik piujuartitsiviusumik ilisimatuunngornissamut ilinniakkat aqqutigalugit atugarissaarnermik misissuiviusumik ilisimatusarnermi avatangiiseqartitsinissaq atugarissaarnerlu pillugu suliffeqarfinnut ilisimatuut attaveqatigiiffigisaannut aalajangersimasumik tunngavissiinissaq qulakkeerneqassaaq.

Sumut?

ICAV suliaqarfiit immikkoortortallu peqatigiissillugit Ilisimatusarfimmit ilisimatuutut misissuivigineqartunik atugarissaarnermut tunngasunik katersuillunilu nalimmassaassaaq.

ICAV qinnuteqaatinik atugarissaarnermut tunngasunik ineriartortitsissaaq.

ICAV kattusimaffiussaaq Ilisimatusarfiup avataani ilisimatuutut misissuinerit Ilisimatusarfimmiilernissaannut ikiuisartussaq, aammattaaq Ilisimatusarfimmi ilisimatuutut misissuinernik ilinniartunillu atugarissaartitsisussaq.

ICAV specialeliassanik soqutiginartunik neqerooruteqartassaaq.

ICAV atugarissaarnermut tunngassuteqarunik ilisimatuutut misissuinernik specialinillu saqqummiussinermi ikiuutaasassaaq.

Ilisimatuut oqallittarfiat

ICAV aalajangersimasumik ataatsimiisitsisarnikkut / suliniutinik saqqummiussisarnikkut suliaqarfinnik assigiinngitsunik attaveqatigiilersitsisassaaq. Ilisimatusarfik tamanna ataatsimiinnerni oqallitsitsisassaaq / najoqqutassanik neqerooruteqartassaaq, suliniuteqarfinnillu Ilisimatusarfiup avataaneersunik taakku tapiiffigineqarsinnaassapput (ass. saqqummiussinissamut periarfissat, specialinik neqerooruteqarneq il.il.).

Ilinniartunik peqataatitsineq

ICAV specialinik / praktikkerfissanik katersuiffiliussaaq tamatuminngalu ingerlatsissalluni, suliniuteqarfiillu ilisimatuullu Ilisimatusarfimmilu ilinniartitsisut soqutigisaqaqatillu avataaneersut (suliffeqarfiit, kommunit, peqatigiiffiit il.il.) specialiliarineqarsinnaasunik praktikkerfissanilluunniit tassunga neqerooruteqarsinnaassallutik. Specialinik / praktikkerfissanik katersuiffik nittartakkami takuneqarsinnaavoq ingerlaavartumillu nutarterneqartassalluni. Ilisimatusarfik tamanna specialinik katersuiffik pillugu ingerlaavartumik ussassaarisassaaq aaqqissuussanut il.il. tunngatillugu soqutigisaqaqatinut e-mailinik nassiussisarnikkut.

Ilinniartut specialeklubbimi ilinniartunik allanik naapeqateqarnissamut periarfissaqassapput. Qaammammut ataasiarluni specialiklubbertitsisoqartassaaq.

Sammisassatut neqeroorutigineqartussat ilaat ilisimatuutut misissuilluni suliniuteqarfinnit atassuteqarfigisaneersuupput. Sammineqartussat tamarmik nalaanni allassimasarpoq ilinniartup kina specialiornermini / praktikkernermini siunnersortigissaneraa.

Ilisimatusarfimmi tamatumani specialilioraanni ilisimatusarfiup isumasioqatigiissitsinerisa ilaanni specialiliamik saqqummiussinissamut periarfissaqartassaaq. Aammattaaq ilinniartoq specialiliornermini paasisaminik inunnut amerlanerusunut qanoq ingerlatitseqqiisinnaaneranik isumassarsioqataasinnaavugut (ass. allaaserisaq, podcastit il.il. aqqutigalugit).

Atugarissaarneq?

Atugarissaarneq suua?

Kalaallit Nunaanni atugarissaarneq aaqqissuussarlu pisortanit aningaasaliiffigineqartoq innuttaasunik ilinniartitsiviusoq, peqqissaanikkut sullinneqarnissamut periarfissaqartitsisoq innuttaasunillu imminut isumagisinnaanngitsunik qitiutitsisoq assigiissinneqarsinnaapput.

Taakku eqqarsaatigalugit Kalaallit Nunaanni atugarissaarneq Skandinaviamiut atugarissaarnerannut assinguvoq. Taamaakkaluartorli qanoq atugarissaartoqartiginera eqqarsaatigalugu assigiinngissuteqangaatsiarpoq atugarissaarnermillu paasinnittaatsit assigiinngissuteqangaatsiarlutik.

Naalakkersuisunut siulittaasuusimasup Kim Kielsenip 2020-mi maajip aallaqqaataani oqalugiaatimini Kalaallit Nunaanniittut tamarmik atugarissaarnerulernissaat kissaatiginerarpaa - 2021-milu inatsisartunut qinersisoqarmat Folketingimut ilaasortaq Aaja Chemnitz Larsen oqarpoq kalaallit atugarissaarnerusoqarnissaa pillugu qinersisimasut. Nuummi Kofoeds Skolep Folketingip Kalaallit Nunaannut ataatsimiititaliaanik ataatsimeeqateqarnerani Aki Mathildap atugarissaarneq innuttaasut utoqqaat ulluinnarminni kalaaliminertorsinnaanerannut atassuserpaa.

ICAV-mi Issittumi atugarissaarnermik nassuiaaneq pillugu ilisimatuutut misissuineq oqallinnerlu oqaluuserisassanngortinneqarput. Oqaaseq atugarissaarneq qanoq paasisarneripput oqaluttuarisaanermillu qanoq sunnertissimanersoq politikkimilu qanoq atugaanersoq ilisimatuutut misissuivigissavarput.

Taamaattumik atugarissaarneq pillugu ilisimatuutut misissuineq siammasissuussaaq naalagaaffimmilu atugarissaarfiusumi inuillu ulluinnarni inuuneranni assigiinngitsorpassuarnik nassuiaateqarsinnaalluni. Assersuutigalugu utoqqaat peqqissusiat, innarluuteqarneq suliffeqarfinnilu peqataatitsineq pillugu ilisimatuutut misissuinerit atugarissaarnermut tunngassuteqarput, taakkulu assigiinngitsunik nassuiaateqarsinnaapput, inuiaqatigiit qanoq aaqqissugaannerannik ulluinnarnilu inooriaatsinik paasisaqarfiusinnaallutik.

Projektit & suleqatigiinneq

Suliniutit

• Den grønlandske hjemløsetælling 2022 
• Street-level social work in two Arctic Cities
• Spiralilersuineq
• Ilaassaagut

Suliniutit taakkununnga atassutillit

• NorValue 
• Issittumi Utoqqalineq 
• KI-Camps
• LocalArctic: Contextualizing sustainable tourism through a local Arctic project funding program for sustainable event planning in Greenland