Ilisimatuutut misissuinerit (allaffeqarfik)

Ilisimatusarfimmi ilisimatuutut misissuinerni suliniutinik ataqatigiissaarinerit ilisimatusarnermut allaffeqarfitta isumagisarpai - ilisimatusartuvullu sapinngisamik sutigut tamatigut ikiortarpai.

Tamatuma saniatigut ilisimatusarnermut allaffeqarfitta ukua ilaatigut aamma suliarisarpai:

• Ilisimatusaatigalugu suliniutinut aningaasaliisussarsiorneq aamma legatinut tunngasut
• Ph.d.-tut ilinniarfik
• Avataaniit ilisimatusartutsinnut programmerput

Ilisimatusarfiup 2001-imiilli ukiuni pingasuni ph.d.-tut ilinniarnissaq neqeroorutigisinnaasimavaa suliassaqarfiit ukua iluanni:

• Issittoq pillugu ilisimatusarneq - persorsaaneq ilinniartitaanerlu pillugit ilisimatusaatit
• Issittoq pillugu ilisimatusarneq - peqqissaanermi inuiaqatigiinnilu pissutsit
• Issittoq pillugu ilisimatusarneq - kulturimi, oqaatsini inuiaqatigiinnilu pissutsit

Ilisimatusarfimmi ph.d.-nngorniarfiit siuarsarneqarnerisa ilaattut maanna ph.d.-nngorniat ph.d.-nngorniartussallu attaveqatigiittarfiannik pilersitsisoqarnikuuvoq, tassuuna suliatigut ilisimasaminnik aammattaaq pisortatigoortuunngitsunik ilisimasaminnik ilinnialinnginnerminni ph.d.-nngorniarnerminnilu akunnerminni avitseqatigiissinnaapput.

Attaveqatigiittarfik taanna sulisunut kandidatitullu ilinniartunut ammavoq, Ilisimatusarfimmilu ph.d.-nngorniarnissaminnut piukkunnaatillit aamma tikilluaqqusaapput.

Ilisimatusarfimmi ph.d.-tut ilinniarfik pillugu atuarnerugit.

Visiting scholar: a non-salaried researcher from another institution who visits Ilisimatusarfik to research or participate in research pertaining to Greenland or the Arctic

Ilisimatusarfik - University of Greenland - is happy to welcome international researchers in Ilisimatusarfiks fields of research.

There is, however, an expectation that visiting scholars at Ilisimatusarfik contribute to Ilisimatusarfik, by disseminating their knowledge and research to the benefit of either students and researchers at Ilisimatusarfik or Greenlandic society.

Visiting scholars are therefore expected to participate in knowledge-disseminating activities, be part of a research project connected to Ilisimatusarfik, or pay a bench fee to be acknowledged as visiting scholars at Ilisimatusarfik.

Read more about Ilisimatusarfik's Visiting scholar program.

Ilisimatusartutut avataaneersutut imaluunniit ilisimatusartutut atorfeqanngitsutut (tamassumunnga ilanngullugit ilisimatusartutut ikiortaasutut aamma soraarnertut) Ilisimatusarfik ilisimatusarnermi suleqatiginissaa kissaatigigukku attaveqannginninni eqqarsaatersuutigisariaqakkatit ataani allassimapput.

Ilisimatusarnermi suleqateqarusunnitsinnut Ilisimatusarfimmi aalajangiisuusartut pingaarnerit marluupput. Ilisimatusarnermi suleqatigiinneq Ilisimatusarfimmut atassaaq aamma piginnaanngorsaqqitsitseqataassaaq.

Ilisimatusarfimmut atassaaq

• Malittarisaq pingaarneq malillugu suliniutip oqaasertaanut sunniuteqarsimagaangatta Ilisimatusarfik ilisimatusarnermi taamaallaat suleqateqartarpoq, tassa imatut paasillugu Ilisimatusarfiup/Kalaallit Nunaata suleqatitut "takutitsiniutaannartut" ilanngunneqarnissaanut aarlerinartoqanngikkaangat.
• Ilisimatusarnermi suleqatigiinneq pillugu qinnuteqarnissamut piffissaliussap sioqqutilaarlugu Ilisimatusarfik attavigineqarpat, imaluunniit suliniummut ilusilersorlugu naammasseriikkamut suleqatigisassamik amigaateqartoqarnera peqqutigalugu attaveqartoqarpat, taava suleqatigiinnermut Ilisimatusarfiup ilanngunnissaa ilimananngilaq.

Piginnaanngorsaqqitsitseqataassaaq

• Ilisimatusarnermi suleqatigiinnermi pineqartumi sulisoq suleqataalinngikkaangat malittarisaq pingaarnertut Ilisimatusarfik suleqataalerneq ajorpoq.
• Suliassaqarfiup pisariallip iluani attuumassutilimmik ilisimatusartumik atorfilimmik nassaartoqarsinnaanngippat, atassuteqalerneq assersuutigalugu ph.d.-nngorniap nutaap suliniutaanut attuumassuteqalerneratigut imaluunniit post.doc.-ip atorfinittoq Ilisimatusarfimmilu allatsittoq aqqutigalugu qulakkeerneqarsinnaavoq.
• Tamanna aamma periarfissaanngippat qinigassatut kingullertut suliniut Ilisimatusarfiup ilinniartuutaasa akornanni ilinniartutut ikiortinut atassuserneqarsinnaavoq.

Tamassuma saniatigut aamma ilisimatusarnermi suleqatigiinnerup overheadimik (aningaasartuutinik) aamma ilisimatusarnermi ileqqorissaarnermut najoqqutassiatsinnik atuuttunik naapertuinissaa naatsorsuutigineqarpoq.

Najoqqutassat imaluunniit Ilisimatusarfimmik ilisimatusarnermi suleqateqarneq pillugu apeqqutissaqassaguit ilisimatusarnermut allaffeqarfik attavigiuk.

Kalaallit Nunaanni ilisimatuutut misissuineq imaluunniit ilisimatuutut misissuinermi Kalaallit Nunaanni suliffeqarfinnik allanik suleqateqarnissaq pillugu nalinginnaanerusunik apeqqutissaqaruit Arctic Hub uunga info@arctichub.gl aamma attavigisinnaavat.

Ilisimatusarfik NAPA (Nunani Avannarlerni Piorsarsimassutsikkut Attaveqaat) suleqatigalugu Nunat Avannarliit Siunnersuisoqatigiivisa Issittumi suleqatigiinnermut tapiissuteqartarfiannik aqutsisuussaaq 2022-miit 2024 ilanngullugu.

Suleqatigiinnermut Tapiissuteqartarfimmut siunertaavoq inunnik ataasiakkaanik, peqatigiiffinnik suliniuteqartunillu tapersersuinissaq Issittumi piujuartitsilluni ineriartortitsinermut iluaqutaasussamik – suliniutit nutaanik isumaliorfiusut piujuartitsiniarfiusut ajornartorsiutinullu issittumi atuuttunut aaqqiissutissanik ukkatarinniffiusut aqqutigalugit.

Suliniutit piujuartitsilluni ineriartortitsinermi FN-ip nunarsuarmi anguniagaanik Nunallu Avannarliit Siunnersuisoqatigiivisa 2030-mut takorluugaannik aallaaveqassapput P-nullu sisamanut ukununnga tunngassallutik: Planet, People, Prosperity aamma Partnerships.

Suleqatigiiffiup ukiut tamaasa 10 mil. kr.-inik Issittumi suliniutinut suliniutinullu Issittumut iluaqutaasussanut agguaassisarput – taakkunanngalu 7,5 mil. kr. missaanniittut ammasumik qinnuteqartitsisoqarnerani qinnutigineqarsinnaapput.

Puljemut qinnuteqarnissamut killigitinneqarpoq februaarip 15-iat - uani paasisaqarnerugit qinnuteqarlutillu.

Ilisimatusaatigalugu suliniutini peqqissaanermilu ilisimatusarnerni Kalaallit Nunaanni ingerlanneqartussatut pilersaarusiorneqartuni biomedicinip sammineqarnissaa ileqqorissaarnissamut ataatsimiititaliap nalilersuivigisarpaa.

Nittartagaanni paasisaqarnerugit.

Attavissat: clss@uni.gl.