Suliffissarsiaq & praktikki

Praktikophold ved Danmarks faste repræsentation ved NATO (ulloq qinnuteqarfissap killinga: 22 apriili 2025)

Tusarnaallaqqippit aamma nunami tamarmi innuttaasut atugaannut allanngueqataarusuppit?

Tusaanngami siunnersuisutut pingaarnertut oqaloqateqarnernik tapersiisuusunik neqerooruteqartarnissat aamma innuttaasut inuunerminni artornartorsiortunut siunnersuisarnissat suliassarissavatit.

Tusaannga tassaavoq Kalaallit Nunaat tamakkerlugu meeqqanut, inuusuttunut inersimasunullu oqarasuaat 801180, sms 1899 aamma www.tusaannga.gl-mi chat aqqutigalugit siunnersuisarfik. Tusaannga innuttaasunut tarnimikkut atugarliortunut imaluunniit nalinginnaasumik inunnit qanimut avatangiisiminnit imaluunniit najukkaminni inuiaqatigiinnit ikiorserneqarsinnaanngitsutut misigisimasunut, ajornartorsiutitik pillugit arlaannik oqaloqateqarnissaminnik pisariaqartitsisunut neqeroorutaavoq.

Ajornartorsiutit isumagineqartussat assigiinngitsorpassuusinnaapput. Taamaattumik illit siunnersortitut misiginneqataasinnaanissat, pisumut naleqqussallaqqittuunissat, nukittuujunissat aamma pisuni uisakajaarfiusuni eqqarsarluarsinnaanissat pingaaruteqarput.

Oqaloqatiginnittarneq siunnersuisarnerlu misilittagaqarfigigukkit aammattaaq oqaloqatiginneriaatsit pillugit ilisimasaqaruit misilittagaqaruilluunniit iluaqutaassaaq.

Siunnersuisutut imaassaatit:

• Nikerartumik sulisinnaassaatit ilaanni ulluinnarni ullukkut unnuakkullu sulisinnaasassallutit.
• Oqaatsit allattariarsornerillu atorlugit tapersiisuusunik oqaloqatiginnillutillu siunnersuisassaatit.
• Meeqqanik, inuusuttunik inersimasunillu makkunannga ajornartorsiuteqartunik oqaloqatiginnissinnaassaatit; qinngasaarineq, persuttaaneq, perorsaaneq, inooqatigiinnermi ajornartorsiuteqarneq, imminut toqunnissamik eqqarsaateqarneq, kinguaassiuutikkut qaangiiffigitinnerit, atornerluineq il.il.
• Innuttaasut ajornartorsiutiminnik qaanngiiniarlutik iliuuseqarnissamut kaammattuineq.
• Katsorsaanikkut neqeroorutinut allanut innersuussisarnissaq.
• Nalunaarsorsimaffimmut nalunaarsuineq.
• Innuttaasut Alliap katsorsaanissamik neqeroorutaanik peqataallutik katsorsartinnissaminnut soqutiginnittunik oqaloqateqarneq.

Illit makkunannga piginnaasaqartutit atorfinitsikkusuppatsigit:

• Innuttaasut unammillernartumi inissisimasut sullinnissaannut uummatilik aamma inuunerinik pitsaasumik sunniuteqaqataarusuttoq.
• Piffissat suliffiusut nikerartut suliffigissallugit iluarigitit - ullukkut, unnukkut aamma unnuakkut.
• Naliliillaqqissuussuutit, namminersorlutit sulisinnaasutit aamma pisuni uisakajaarfinni eqqissisimasinnaasutit.
• Aalajaatsoq piffissamillu ataqqinnittoq.
• Inunnik sullisserusuttoq aamma inunnik sullissinermut attuumassutilinnik misilittagalik.
• Allallutit oqalullutillu attaveqarnissamut tunngaveqarluartutit, kalaallisut aamma danskisut.
• Peqqissaanermik, perorsaanermik imaluunniit isumaginninnermik ilinniareersimasutit imaluunniit ilinniagaqartutit.

Atorfik sapaatip akunneranut nalunaaquttap akunnerinik 15-it missaannik sivisussusilimmik suliffiusarpoq, pisariaqartitsinerli naapertorlugu nikerarsinnaasarluni, illit ulluinnarni aamma sapaatip akunnerata naanerani ullukkut, unnukkut unnuakkullu sulisassaatit.

Tusaannga aamma atorfik pillugu paasissutissat sukumiinerusut Mette Lange-Nielsen oqarasuaataanut saaffigineratigut pissarsiarisinnaavatit +299 346023 imaluunniit mailianut uunga allaffigalugu: mlan@nanoq.gl oqarasuaataanut saaffigalugu +299 346010 imaluunniit mailinut allaffigalugu eljo@nanoq.gl paasissutissat pissarsiarisinnaavatit.

Qinnuteqarnissamut piffissarititaq 1. maj nal. 12.00.

UArctic is looking for two interns for fall 2025 at its International Secretariat & Thematic Networks offices (application deadline: 7 May 2025)

Inuit Innarluutillit Oqaaseqartartoqarfiat Tilioq Sisimiuniittoq, 2025-mi ukiaanerani semesterimi Tiliup allattoqarfiani savituumi nutaaliortuusumilu suleqataajumasumik suliffimmik misiliisussamik ujartuivoq (ulloq qinnuteqarfissap killinga: maajip 15-iat 2025)