Quppersagaq

Ilinniaqatitit allalluunniit aaqqiagiinngissuteqarfigigukkit ilinniarfinni immikkoortortami pisortamut saaffiginnissinnaavutit.

Ilinniartunik siunnersuisartoq akunnermiliuttuusinnaallunilu aaqqiagiinngissutinik aaqqiiniartuusinnaavoq.

Aaqqiagiinngissut eqqortumik suliarineqarpat tamanna suleqatigiinneq, suleqatigeeriaatsit aaqqiagiinngissutinillu iliuuseqarfiginneriaatsit pillugit paasisaqarfigilluarsinnaavat.

Ajortissimasut aamma illuni amigaataasut pillugit, printerini aamma fotokopimaskiinani Johnimut (john@uni.gl) nalunaarutigineqartassapput, eqqaamallugu kopimaskinap/printerip taaguutaa ilanngutissagakku.

PC sumiiffimmi ajortissimappat IT-mik ikiusartunut nalunaarutigineqartassapput.
Allagit uunga: ikiuut@uni.gl.

Sianerit uunga: 385616 (nal. 8-16).

Atuaruk: "ajutoornermi nalunaarutit".

Qaammatikkaartumik akissarsiavit allagartaat aamma ilinniagaqarnersiutini qiornerit sinneruttut misissorsinnaavatit uani www.sullissivik.gl.

Studenterrådi Pitaq quleriinni allermi elevartorip eqqaani allagarsiiveqarpoq.

Tassani takusinnaavatit studenterrådimit piffissami aggersumi aaqqissuunneqartut ingerlanniakkat.

Illit aammattaaq pappiaqqamut allallugu studenterrådip ingerlassinnaasaanut siunnersuuteqarsinnaavutit, taanna allagarsiivimmi boksimut ikissavat.

Allagarsiussat allat Ilisimatusarfimmi aamma avataani pisussat pillugit saaffiginnittarfiup qanittuani allagarsiivimmi allami malinnaaffigisinnaavatit.

Ilinniartutut periarfissaqarputit allatannik anillatsitsinissamut kopimaskiinat Ilisimatusarfimmi assigiinngitsuni inissisimasut atorlugit.

Taamaattorli malugiuk allaffik/allaffeqarfik immikkut printereqarmata/kopimaskiinaqarmata.

Allakkannik anillatsitsisinnaavutit uku arlaat aqqutigalugit:

• uni.gl / login / print / printerkode pigisat atorlugu iseriarlutit.
• USB printerimut/kopimaskiinamut ikkullugu.

Akigitinneqartut kopi/print qernertoq-qaqortoq ataaseq 10 øre kopi/print qalipaatillugu ataaseq 40 øre.

Saaffiginnittarfimmi kopeerinermut kontunnut minnerpaamik 50 koruuninik akiliissaatit.

Allattanik anillatsitsiniarlutit nammineq printeri immikkut mailikkut tigusimasat atussavat uunga "uniprint" siullerpaamik anillatsitsininni.

Printerinermut kortit immeqqinniarukku taamatuttaaq saaffiginnittarfimmut saaffiginnissaatit.

Matu isertarfik ullut tamaasa ammasarpoq nal. 7.30-16.00.

Kantiina ullut tamaasa ammasarpoq nal. 8.00-15.00.

Atuagaateqarfik ullut tamaasa ammasarpoq nal. 9.00-16.00.

Ilinniarnerup aallartinnerani angalanissamut akiliunneqassaatit illoqarfik angerlarsimaffigisat tassaanngippat Nuuk. Angalanermut akiliunneqarnissamut piumasaqaataavoq ilinniarnersiuteqarnissat aamma ilinniarninni qiukkanik arfineq marlunnik suli sinneqarnerit.

Qinnuteqarnermut immersugassaq aallarnissat sapaatit akunnerinik sisamanik sioqqullugu elektroniskiusumik immersussavat.

Link uunga ikkuguk.

Akiliunneqarluni angalaneq pillugu malittarisassat sukumiinerusumik paasisaqarfigisinnaavatit intranetimi Ilinniarneq Sullissinerup iluani.

Ataatsimoortumik atuartitsineq tassaavoq universitetimi atuartitseriaaseq "nalinginnaasoq", tassani ilinniartitsisup allassimasoq aallaavigisarpaa taanna sammineqartarpoq allanneqarsimasunut allanut naleqqersuullugu.

Naatsorsuutigineqarpoq illit ataatsimoortumik atuartitsinernut piareersarsimallutik peqataasarnissat, taamaaliornikkut ilinniarnerit sapinngisamik annertunerpaamik pissarsiaqarfigissagakku.

Ilisimatusarfiup telefoniata normua pingaarneq tassaavoq 38 56 00.

Ilinniartunut sullissivik uunga attavigigisinnaavat studieadm@uni.gl.

Misilitsinnernut tunngasunik uunga attaveqarsinnaavutit eksamenskontor@uni.gl.

Immikkuualuttut amerlanerit pissarsiarineqarsinnaapput uani.

Ilisimatusarfimmi ilinniartutut ilinniartoqatinnut atuakkat atorunnaakkatit tuniniarsinnaavatit ugguuna.

Ilinniartutut atuakkat ilinniarnermut atugassat nammineq pisiarineqartussaapput, taamaattorli atuakkanik pisinermut tapinik taaneqartartumik tapiiffigineqassaatit semesterimut ataatsimut 1.100 kr.-nik.

Ilinniakkamut immikkoortortaqarfimmi aqutsisup ilinniarnerup ingerlanerani atuakkat atorneqartussat allattorsimaffiat ilinniartunut piariissavai ilinniarnerup aallartinnissaa sioqqutingaatsiarlugu.

Atuakkamik pissarsiniarninni ajornartorsiuteqaruit, tamanna illit nammineq akisussaaffigigit aallaaviuvoq, taava tamatigut atuagaateqarfimmut ilitsersorneqarnissannut/ikiorneqarnissannut saaffiginnissinnaavutit.

Ilinniartitaanerit ilaat atuariartortussaatitaanermut maleruaqqusaqarput, taakkua pillugu ilisimatinneqassaatit atuarnerit aallartippat.

Taamaattorli eqqaamajuk atuarnermi peqataasarnerit guultitut naleqarput ilinniarninni ajunngitsumik ingerlassaguit, taamaattumik sapinngisamik sunut tamanut atuariartortassaatit.

Ilinniarnerpit ingerlanerani fagini atuagassatit amerlaqimmata, sapinngisamik pitsaanerpaamik atuariaaseqarnissat pingaaruteqarpoq.

Ilinnut iluaqutaasinnaavoq paasissallugu atuagassat sorleq qaasiortumik atuassanerlugu, kiisalu atuagassat sorleq sukumiinerusumik atuartariaqarnerlugu.

• Pilertortumik atuarneq: Ilinnut iluaqutaassaaq allanneqarsimasut atuareersimasatit pappiaqqamik qallertarukkit. Taamaalioruit taava isitit atuareersimasannut uteqqiassanngillat taamaattumillu atuagassatit pilertornerusumik atuarsinnaassavatit.
• Atuagassanik atuarnissat pilersaarusioruk: Allanneqarsimasoq atuagassat atuarlugu aallartikkuit, ikiuutaalluarsinnaasut pingaaruteqartut tassaapput aallarniut aamma ujarliutit (imarisai) allassimasut. Tassani pingaaruteqarportaaq ukkussilluarnissat aamma taamaalillutit ajornannginnerusumik eqqaamasaqarsinnaassaatit, illit nammineq eqqarsaatigigukku sooq taannarpiaq atuarnerlugu.

Universitetimi arlalinnik sumiiffissaqarpoq tassani gruppini suleqatigiissinnaallusi imaluunniit illit nammineq kisimiillutit atuarsinnaallutit.

Atuagaqateqarfimmi ilinniarnissamut aamma atuarnissamut 1. salimi periarfissaqarpoq.

Taakkua nammineq piumassuseq tunngavigalugu atorneqarsinnaapput siulliit siulliullutik periuseq atorlugu. Studiekortimik peqaruit aammattaaq atuagaateqarfik ammasarfiisa atavaatigut atorsinnaavoq studiekort "matuersaatitut" atorlugu.

Eqqaamallugu atuinissi kingornatigut torersaasassagassi.

Ilinniartitaanerit amerlanerit semesterinut tamanut atuartitsinissamut pilersaarummik taaneqartartumik suliaqartarput, tassani ilinniartoq pitsaasumik takussutissinneqarpoq semesterimi sammineqartussat pillugit, tassunga ilanngunneqartarput ilinniartitsisussat, fagit suuneri aamma ilinniagaq pillugu paasissutissat tamatumunnga attuumassuteqartut.

Atuagaateqarfik pillugu paasissutissat tamarmik uani pigineqartut takusinnaavatit.

Studiekortimik atuuttumik peqaruit atuagaateqarfiup ammarsarfiata avataani tamatigut atorsinnaavat. Atugaateqarfimmut matu ammassavat kortit atorlugu torsuusami saamiup tungaaniittumi. Eqqaamajuk tamanna qimatsinnagu atukkatit torersaqqaartussaagakkit.

Naatsorsuutiginngisannik studiekortissat sivisuallaamik utaqqigukku, taava atuagaateqarfimmi atuakkanik atorniarnissamut allagartamik utaqqiisaasumik tunineqarsinnaavutit.

Atuagaateqarfimmiippoq ini atuakkanik atuarfissiaq tassani aviisinik aamma atuagassianik atuarsinnaavutit. Tassaniipput aammattaaq suliaqarfiusinnaasut immikkoortut, tassani illit PC-t atorlugu sulisinnaavutit.

Tamakkua saniatigut Ilisimatusarfiup atuagaateqarfiannut atuakkamik pisisoqarnissaanik siunnersuuteqarsinnaavutit atuagaq atuagaateqarfimmi pigineqanngippat.

AG aamma Sermitsiaq atuagaateqarfimmi 1. salimi atuakkanut ilioraaffimmiipput.

Atuagassiat nutaajunerpaat ilisivinni uingasuniipput atuagaateqarfimmi 1. salimi.

Normut pisoqaanerit atuagaasivinni majuartarfiit talerpiata tungaani inissinneqarsimapput.

Taamaattorli Ilisimatusarfiup atuagassiaatai annillugit atorniarneqarsinnaanngillat.

Inassutigaarput scanneri/kopimaskina atussagit.

Bachelorinngorniartumut suliassiissut specialiliorluniluunniit allaaserinninneq aallartippat ilinniartoq siunnersuisunilu isumaqatigiissuteqassapput una immersugassaq immersorlugu.

Immersugaq immikkoortortami aqutsisumut nassiunneqassaaq.

Bachelorinngorniartumut suliassiissummik specialimillu allaaserinninnermi tunniussivissaq kingulleq januaarip qiteqqunnerani maajillu qiteqqunnerani pissaaq.

Tunniussivissap tullia unaavoq: januaarip 15-iat 2025. Kingorna februaarimi allagartartaartoqassalluni.

Bussit ingerlaartut Ilisimatusarfiup eqqaanut unittartut tassaapput:

• Angalasoq 2 (minutsikkaat: ’10, ’30, ’50)
• Angalasoq 3 (minutsikkaat: 08:04 aamma 09.14 kingornatigut nal. akunnerit tamaasa 18:14 tikillugu)

Bussit ingerlaarfii tamaasa takusinnaavatit uani.

Ilinniarnerup aallartinnginnerani e-mailikkut allagarsiffissannik tunineqareersimassaatit kiisalu tassunga isissutissaq allat ilisimasassarinngisaat illit atuutilersissavat.

Isissutissat puigorukku ikiortissinnaavutit uunga: ikiuut@uni.gl allallutit.

Pisussaavutit akuttunngitsumik e-mailit atuartassallugu.

ECTS (European Credit Transfer System), tassaavoq naatsorsueriaaseq ilinniakkamik ingerlaqqinnissamut atorneqartartoq EU-mi ilinniakkanik ingerlaqqiffiusunik ilinniarnermi naammassisimasanik nuussinermut atorneqartartoq.

ECTS-point tassaavoq uuttuut tassani taamaallaat suliap annertussusiaq taaneqartarluni, imaanngitsoq ilinniarnerup ingerlasimanerata qanoq ajornartigisimanera/nalunartigisimanera.

Fagit imaluunniit kursusit ataasiakkaat ilinniagaqarnermi ingerlanneqartut pointinik kisitsisitalerneqartarput, tassani ilisarnaaserneqarpoq ilinniartup suliaqarnissaata annertussusia ilinniarnermi ingerlanneqartunut ataasiakkaanut naammassinninnissamut tunngatillugu.

Ilinniartutut ECTS-pointit tunniunneqartarput kursusinut ataasiakkaanut naammassineqarsimasunut aamma soraarummeernernut angusiffiusimasunut.

Semesteri ataaseq tamakkerlugu ilinniarsimasaq ECTS-pointinik 30-nik naleqarpoq.

Ilinniarnerpit nalaani qitornartaarnermut atatillugu marlunnik periarfissaqarputit:

• Ernininnut atatillugu atuanngiffeqarsinnaavutit kommunimut erninermut atatillugu aningaasarsiaqarlutit, kisianni piffissami tassani ilinniagaqarnersiuteqassanngilatit immaqalu kollegiemi najugaqarsinnaassallutit. Toqqarukku illoqarfimmut angerlarsimaffigisannut uterlutit erninermut atatillugu atuanngiffeqarniarlutit, angalanermut akiliunneqarnissamut pisinnaatitaaffeqarputit.
• Ilaannakortumik ilinniarnerit ingerlatiinnarsinnaavat ilinniakkanni (minnerpaamik semesterimi ataatsimi 20 ECTS), taava taamaalillutit ilinniagaqarnersiutitit pigiinnassavatit aamma kollegiemi ineqarnerit.

Arlaat toqqarnerit apeqqutaatinnagu immersugassaq immersussavat uani.

Ilinniartutut feeriarnermut uppernarsaat pisariaqartikkukku immersugassaq una immersoriarlugu ilinniartunut sullissivimmut uunga nassiutissavat atsiortillugulu: studieadm@uni.gl.

Ilinniartut studieordninngi malillugu holdinut ilannguffissaannut ilannguttarpagut- immikkut toqqakkat "Valgfag" minillugit.

Taakku nammineerlutit ilannguffigissavatit. Illit nammineq akisussaaffigaat holdinut eqqortunut ilanngussimanerlutit qulakkiissallugu.

Aaqqitassaqarpat ilinniakkannut ataqatigiissaarisumut, immaqaluunniit studieadm@uni.gl - imut saaffiginnissaatit.

Pingaaruteqarpoq Lectiomi paasissutissat eqqortuunissaat, taakkuummata soraarummeernernut ilannguttussanik nalunaarsuigaangatta malittakkagut.

Illit ilinniartutut sumiiffimmut ilisiffigineqartussamut angalanerit akilerneqarsinnaavoq.

Atuaruk: angalanissamut immersuiffissaq immersoruk.

Ilaquttat qanigisat tassaapput: angajoqqaat, anaa/aataa, qatanngutit aamma nammineq qitornat. Soraarummeertussaaguit taava periarfissaqarputit taakkua piffissamut allamut kinguartinnissaannut, taamaattoqartillugu soraarummeernermik misiliisimasutut ilanngunneqassanngillat.

Ilinniagaqarnermi taarsigassarsianik qinnuteqaateqarsinnaavutit immersugassaq immersorlugu uani www.sullisivik.gl.

Taamaanngippat ilinniagaqarnersiuteqartitsivik attaveqarfigisinnaavat: usf@nanoq.gl.

Ingerlaqqiffiusumik ilinniarfinni tamani aallaavigineqarpoq ilinniarnersiuteqarnissamut pisinnaatitaaffeqarnissaq ilinniarnerup nalinginnaasumik naammassiffissaata sivisoqataanik "ukioq kinguaattoorfik" ilanngullugu.

Ilinniarnersiutit siumoortumik tunniunneqartarput maannakkut qaammammut 4.873 kr.

Qiortakkanik aaqqissuussineq ajornanngitsuuvoq illit nammineq ilinniagaqarnersiutinik aqutsininnut atorsinnaasat.

Qiortakkanik aaqqissuussinermi killissarititaapput ilinniartumut ataatsimut 82-it, qiorneq ataaseq tassaavoq qaammammi ataatsimi ilinniagaqarnersiutit. Taamaattorli tamatuma kingunerissanngilaa ilinniarnermi, ukiunik sisamanik sivisussusilimmi qiornerit 82-it atussagitit.

Ilinniagaqarnersiutinik pisartagaqarsinnaavutit ilinniarnerup sivisussusissaatut naatsorsuussamut + qaammatit aqqaneq marluk ("ukioq kinguaattoorfik").

Namminersorlutik Oqartussat ilinniagaqarnersiutit pillugit nalunaarutaat nassaarissavat uani: ilinniagaqarnersiutit pillugit nalunaarut.

Ilinniakkat aallartereerlugu paasilerpiuk ilinnut tulluutinngitsoq, allamillu pilerigisaqarlutit?

Ilinniakkamut allamut nuukkusukkuit nalinginnaasumik www.sullissivik.gl aqqutigalugu qinnuteqassaatit.

Taava qinnuteqaatit immikkoortortami pisortamiit nalilersorneqassaaq.

Akuerisaassaguit soraarummeernerillu naammassereersimagukkit angusiffigisavit ilinniakkamut nutaamut nuunnissaanut qinnuteqarsinnaavutit.

Institutråd soraarummeerfinnik angusiffigeriikkanik nuutanik (merit) akuersisinnaavoq, tassa ilinniakkanik aaqqissuussinerni Ilisimatusarfimmi imaluunniit universitetini allani siusinnerusukkut soraarummeernermi angusiffiusimasunik.

Immersugassaq uani nassaarisinnaavat.

Immersugassaq immersoriarlugu immikkoortortami pisortamut tunniutissavat, nalilersorneqarnissaanut taava suliaq aallartissaaq.

Ilisimatusarfimmut tunngasoq nanissavat uani.

Ilisimatusarfimmi initigut killiussat pigineqareerput ilinniarnermi avatangiisit pitsaasut pilersissallugit.

Illit ilinniartutut aallartitseqataasussanut ilaassaatit ilinniartut avatangiisianni tassani ingerlatsisoqarnissaanik qulakkeerinninnermut.

Ilinniartut allat peqatigalugit atuarnermi- ilinniaqatigiinnermi pilersitsigit, avataaneersunit oqalugiartussanik imaluunniit oqallinnermi peqataasussanik ujartuigit.

Aallartinniakkat (tamangajammik) atorsinnaapput, taamaattorli ingerlatsinerit/aaqqissuussinerit annertunerusut pillugit Pitaq attaveqarfigiuk.

Ilinniakkat ilaanni ilinniarnermik ataaqatigiissaarisoqarneq atorneqarpoq, taanna ilinniartut qaninnerpaatut attaveqarfigaat.

Ilinniarnermik ataqatigiissaarisoq "illumi ataatsimiinnernik" aaqqissuussisarpoq aamma ilisimalluarpai ilinniarnermi skemani aaqqissuussineq, soraarummeernissamut pilersaarut il.il.

Paasissutissat ilinniakkannut tunngasut takukkit.

Ilinniarnersiutinik pisartagaqarnissamut piumasaqaataavoq ilinniakkamik ingerlatsinermut piumasaqaatinik illit naammassinninnissat. Ingerlaqqiffiusumik ilinniakkani semesterimi ataatsimi ECTS 30-t naatsorsuussaapput. Fagitit tamaasa angusaqarfiginngikkukkit imaluunniit soraarummeerneq pinngitsoorukku, taava ilinniakkamik ingerlatsininni kinguaattoorsinnaavutit.

Illit ilinniakkami ingerlatanni qaammatinik 12-inik kinguaattooruit – taakkua assigaat 60 ECTS-point - taava ilinniagaqarnersiuteqarnissat annaassavat.

Taamatuttaaq kollegiemi ineqarnerit annaasinnaavat, ilinniakkami ingerlatanni ingerlatsinngitsutut ilinniarfiup isigippatit.

Februarimi aamma augustimi ilinniarninni siumukarnerit misissorneqartarpoq, tassa imaappoq qiornerit qanoq amerlatigisut atorsimaneritit, taakkununnga sanilliunneqartarput ECTS-pointit qanoq amerlatigisut angusimaneritit.

Ilinniartuunermut uppernarsaat pisariaqartikkukku immersugassaq una immersoriarlugu ilinniartunut sullissivimmut uunga nassiutissavat atsiortillugulu: studieadm@uni.gl.

ECTS-inik katersorneqarsimasunik takussutissaq semesterit naanerini ilinniartunut nassiunneqartassaaq. Taanna oqartussaasunut tamatuminnga ujartuisunut takutissinnaavat.

Ilinniartitaanerup aaqqissugaanera tassaavoq maleruagassat tunngaviat, tassani allanneqarput fagit suut atuassagitit, tulleriinneri qanoq ingerlassanersut aamma qanoq soraarummeernerit ingerlatissanerit.

Isumassarsiatsialaavoq ilinniartitaanerup aaqqissuunnera ilinniarnerpit aallartinnerani atuassallugu aammattaaq akuttunngitsumik taanna uteqqiaffigisassallugu, taamaalillutit illit nammineq ilinniakkannik ingerlaninni siuariartornerit malinnaaffigissagakku.

Ilinniakkanut tamanut ilinniartitaanerup aaqqissugaanera nittartakkami uni.gl-imi nanisinnaavaat imaluunniit intranetimi.

Ilaannikkut ilinniartut namminneq aaqqissuussiniarlutik aallartitsisarput. Imaassinnaavoq ILLIT aaqqissuussinissamik isumassarsisimasutit piviusunngortikkusutannik! Taamaattoqarpat taava studenterrådip Pitap ataatsimiinneranut peqataasinnaavutit, tassanilu illit isumassarsiatit saqqummiussinnaavatit.

Eqqaamajuk Studenterrådi Pitaq pingasunngornerit tamaasa nalunaaqutaq 12 ataatsimiittarmat quleriit pingajuanni allaffimmi imaluunniit Pitarfimmi. Ataatsimiinnerit ilinniartunut tamanut ammapput.

Ilinniarnerpit nalaani ikiorneqarnissat, siunnersorneqarnissat imaluunniit ilitsersorneqarnissat pisariaqartikkukku ilinniartunik ilitsersuisoq Augustine Berthelsen attavigisinnaavat: studievejleder@uni.gl.

Ilinniartunik ilitsersuisoq aamma periarfissaqarpoq ilinniartunik siunnersuiffimmut tarnip pissusaanik ilisimasalimmut innersuussissalluni.

Aamma illit nammineq inniminniisinnaavutit ugguuna.

Ilisimatusarfimmi sikaaveqarpoq 56 missaannik amerlassusilinnik ilinniartunit atorneqarsinnaasunik, pedelimit kode pissarsiaralugu atuisoqarsinnaavoq.

Paasissutissanik immersuereernerup kingornatigut kodemik pissarsisoqassaaq.

Sikaaviit ukiumi ilinniarfiusumi ataatsimi atorneqarsinnaapput, tassa imaappoq septemberimit julimut, tamatuma kingornatigut sikaavik imaaqqinneqassaaq.

Ilinniartunut sullisisunut ilinniartitaanermut tunngatillugu pissutsinut tamanut tunngasumik saaffiginnissinnaavutit soorlu ilinniagaqarnersiutit, angalanerit, unikkallarneq, peqataannginnissaq, ECTS aamma ilinniarnermi siuariartorneq il.il.

Ilinniartunut sullissisut ilinniarfeqarfimmi Ilimmarfimmi aamma Ilinniarfissuarmi pissarsiarisinnaavatit – aamma attaveqarfigisinnaavatsigut ugguuna: studieadm@uni.gl.

Ilinniartunut sullissivik ammasarpoq ataasinngornermit – tallimanngornermut nal. 08.00 - 16.00.

Kikkut tamarmik periarfissaqassapput ilinniagaqarlutik naammassinninnissamut, aamma piginnaasamikkut timikkullu akornuteqaraluarunilluunniit.

Soorlu assersuutigalugit naqinnernik ilisarinnissinnaanikkut ajornartorsiutillit (dysleksi) aamma tusaasamikkut isigisamikkullu akornutillit.

Tamakku eqqarsaatigalugit ikiorsiissutinik Ilisimatusarfimmi periarfissaqartitsivugut ataani misissuataarneqarsinnaasunik:

• IPIS aqqutigalugu siunnersorneqarnissamut qinnuteqarsinnaavutit. Taanna aqqutigalugu immikkut atortorissaaruteqarnissannik kommunimut aningaasatigut tapiissutinik qinnuteqarsinnaavutit.
• Soraarummeernerpit sivitsorneqarnissaa qinnutigisinnaavat. Qinnuteqaatit takussutissanik uppernarsaatinik ilallugu studieadm@uni.gl-imut nassiutissavat. Qinnuteqarnermi immersugassaq ataaniittoq takuuk.
• Allattariarsornermi misilitsinnerni immikkut atortoqarnissat kiisalu oqaluttariarsornermi misilitsinnerni immikkut piareersarnissat qinnuteqaatigisinnaavatit.

Ilanngullugittaaq ilisimassavatit IT atorlugu atortorissaarutit immaqa iluaqutigisinnaasatit. Ilaat ukunani nassaarisinnaavatit:

• Kalaallisut allassimasunut atuffat
• Danskisut allassimasunut atuffat
• Tuluttut allassimasunut atuffat
• Microsoft wordikkut atuffassissummut ilitsersuut

Amerlanerulernissaat sulissutigineqarpoq.

Aammattaaq Ilinniartunut siunnersorti piareersimajuaannarpoq saaffigineqaruni periarfissannik nassuiaassinissaminut. 

Immikkut pisariaqartitsisut soraarummeerneranni periusissat 

• Soraarummeernissamut pineqartumut ilinniartoq immikkut pineqartariaqarnini pillugu ilinniartunik aqutsisoqarfimmit qinnuteqassaq immersuqassaaq una atorlugu. Qinnuteqaat uunga nassiunneqassaaq: eksamenskontor@uni.gl.
  • Qinnuteqarnermi siullermi ilinniartoq ilinniartunik aqutsisoqarfimmi akisussaasumik oqaloqateqatigineqassaaq.
  • Siusinnerusukkut akuerineqareersimasuni oqaloqatigineqaqqinnissaq pisariaqartanngilaq.
  • Qinnuteqarnissamut piffissaliussaq - soraarummeernissaq qaammammik ataatsimik sioqqullugu.

• Ilinniartup pineqartup immikkut pisariaqartitai naapertorlugit ilinniartunik aqutsisoqarfimmi sulisoq immikkoortortami pisortamut innersuussissaaq soraarummeernerup naammaginartumik pissusissamisoortumillu ingerlanneqarnissaanut.
  • Immikkoortortami pisortap qinnuteqaat akuerisinnaavaa itigartilluguluunniit.
• Ilinniartunik kiffartuussiviup aalajangerneq ilinniartumut ilisimatitsissutigissavaa.
• Ilinniartunik kiffartuussiviup soraarummeertitsisussaq ilisimatissavaat ilinniartoq immikkut pisariaqartitsisoq soraarummeertussaq sivisunerusumik piareersarnissamut akuerineqarsimasoq - pingaartumik oqaluttariarsorluni soraarummeernissani pisariaqarpoq ilisimassallugu. Taakkunani soraarummeertitsisup nammineerluni aaqqissuuttarmagit.

Tulleriiaarneri

Ilinniartoq immikkut akuerineqaqqulluni qinnuteqarpoq - Ilinniartunik kiffartuussivimmi suliarineqarsinnalugu Immikkoortortami pisortamut innersuussineq ingerlatinneqassaaq - Immikkoortortami pisortaq akuersissaaq itigartitsilluniluunniit - Ilinniartunik kiffartuussiviup aalajangerneq pillugu pineqartut ilisimatissavai.

Soraarummeernerup sivitsorneqarnissaani periusissat

• Allattariarsorluni misilitsinneq: Soraarummeertut allat soraarummeerutiminnik tunniussinerminni ajoqusersuippata soraarummeernerup sivisussusaa 25% -imik sivitsorneqarsinnaavoq, taassumalu saniatigut aamma soraarummeerneq minutsinik 30-nik sivitsoqqinneqarsinnaalluni. Taassuma saniatigut immikkut atortorissaaruteqarsinnaaneq akuerineqartarpoq.
  • Assersuutigiinnarlugu nal.akunnerini 4-ni misilitsinneq nal.akunnernut 5.30-nut sivitsorneqarsinnaavoq. 
• Allattariarsorluni misilitsinneq piareersarnertalik: Piareersarneq 50 %-imik sivitsorneqarsinnaavoq.
  • Nalinginnaasumik 30 minutsini piareersarneq taamaalilluni 45 minutsinngorlugu sivitsorneqarsinnaalertarpoq. 
• Sap.ak. ingerlanerani soraarummeerneq: Soraarummeerutissap suliarinissaanut piffissaliussaq ullunik marlunnik ilaneqarsinnaavoq.
• Qaammatip ingerlanerani soraarummeerneq: Soraarummeerutissap suliarinissaanut piffissaliussaq sap.akunneranik ataatsimik ilaneqarsinnaavoq.

SUS ingerlanneqartarpoq ilinniartunut ukiumi siullermi ingerlasunut ilinniartitaanermi ilinniartitsisunit ingerlanneqartarluni.

Ilinniartut sinneri SUS-imi oqaloqatigiinnissamik kissaateqarsinnaasut ilinniarnermi ataqatigiissaarisumut saaffiginnissinnaapput.

Uani www.uni.gl ilinniartutut suliffissaasinnaasut, praktikerfissat aamma nunani allaniissinnaaneq pillugit paasiniaasinnaavutit, tamakku quppernerup saqqaani akuttunngitsumik saqqummersinneqartarput.

Ilinniartunik siunnersuisartut suleqatigalugit ilinniartut ilinniakkaminnik ingerlataminni ECTS pointiminnik kinguaattoorsimasut iluarisimaarinninneq pillugu oqaloqatiginiarlugit aggersartarpavut.

Oqaloqatigiinnerni taakkunani ilinniarnermi kinguaattoornermut patsisaasinnaasut qulaajarniartarpavut, kiisalu ataatsimoorluta iliuusissat nassaariniartarlutigik taamaaliornikkut ilinniartut siumut saallutik ingerlaqqissinnaaniassammata.

Semesterit naammaassinerisa kingorna allakkamik nassinneqartarumaarputit ECTS angusiffigisimasatit pillugit.

Kinguaattoorsimaguit ilinniartunik siunnersuisumit aggersarneqassaatit.

Ilinniartunik sullissivimmi ilinniartut ilinniakkaminnik ingerlatsiinnarnissaat assut perusupparput aamma sapinngisatsinnik ilinniakkaminnik naammassinninnissaannut ikiorusullutigik.

Politikki manna Ilisimatusarfimmi ilinniakkani tamani atuuppoq.

Politikki ilinniartunut, ilinniartitsisunut Ilisimatusarfimmilu ilinniartitsinermi peqataasunut allanut isumannaallisaataassaaq.

Ilinniartoq aalajangiisassaaq ilinniartitsineq streamerneqarsinnaassanersoq, immiunneqarsinnaassanersoq, videuliarineqarsinnaassanersoq aamma ilinniartitsineq – ilinniartitsisullu ilinniartitsissutigisai (ass. PowerPointimi takutinneqartut, allattarfissuarmi allattugai il.il.) assilineqarsinnaassanersut.

Ilinniartoq ilinniartitsinermik streameerusukkuni, immiusserusukkuni, videuliorusukkuni, assileerusukkuni taamaaliornissaminut ilinniartitsisumit akueriteqqaartariaqarpoq.

Ilinniartitsineq streamerneqarsinnaappat, immiunneqarsinnaappat, videuliarineqarsinnaappat assilineqarsinnaappat, taava:

• Ilinniartup immiussani allanut ingerlateqqissanngilai – taamaallaalli nammineq atugassarissavai.
• Immiussinermi peqataasut tamarmik saqqummiunneqarnissamut aatsaat akuersippata allanut ingerlateqqinneqaqqusaapput.

Peqataasut akuersisimasut akuersissutiminnik qaqugukkulluunniit atuukkunnaarsitsisinnaapput.

Ilinniartoq ilinniartitsinermik streamiinissamik, immiussinissamik, videuliornissamik assiliinissamillu inerteqqummik unioqqutitsippat – ilinniartoq taamaaliortoq tamanna pillugu ingerlaannaq paasitinneqassaaq.

Ilinniartoq arlaleriarluni unioqqutitsippat rektorimut nalunaarutigineqarsinnaassaaq, taassuma perorsaatissinneqarnissaa siunertaralugu.

Silassorissuusianik atuinerit, assersuutigalugu ChatGPT-mik, allattariarsorluni soraarummeerutissanut aallaavittut atorneqarsinnaapput. Fagimili pineqartumi atorneqaqqusaanngippata ilinniakkap aaqqissugaanerani imaluunniit ilinniartitsinissamut pilersaarummi allassimasinnaavoq.

Ilisimatusarfimmi najuulluni allattariarsorluni oqaluttariarsorluniluunniit misilitsinnerni silassorissuusiat atorneqaqqusaanngillat. Ilisimatusarfimmi najuulluni allattariarsorluni/oqaluttariarsorluni misilitsinnerni ikiuutinik atuiffiusinnaasuni tamanna aammattaaq atuuppoq. Chatterutinik atuineq, tamassumunnga ilanngullugit silassorissuusiap chattimut robottianik atuineq, allanik attaveqateqarnertut isigineqarpoq taamaasillunilu soraarummeernermi peqquserluttuliornertut isigineqarluni.

Silassorissuusiamik atuinermi ilisimatusarnermut tunngasuni suleriaaseqarluarnissamut malittarisassat maleruarneqassapput. Taamaasinikkut allattariarsornikkut suliat kimit pilersitsiffigineqaqqaartutut piginnaatitaaffigineqarneri apeqquserneqarsinnaajunnaartillugit. Silassorissuusiamik atuinermi ima iliussaatit:

Atuinermi immikkut eqqumaffigissavatit

Paasissutissat assersuutigalugu ChatGPT-mut allatatit isertuussassaannginnissaat, aamma paasissutissat allassimasatit silassorissuusiap allanut siammartersinnaagai eqqumaffiginiassavatit. Suliffeqarfimmik imaluunniit ilisimatuutut misissuilluni suleqateqarneq sulianni ilaappat tamanna immikkut eqqumaffiginiarneqarnissaa pingaaruteqarpoq. Paasissutissat allatit taamaallaat tamanut saqqummiunneqareersimasuunissaat imaluunniit tamanut saqqummiunneqaqqusaasuunissaat illit akisussaaffigaat. Silassorissuusiamik atuininnut Ilisimatusarfik akisussaasuutinneqarsinnaanngilaq.

Silassorissuusiamik atuinermut najoqqutassanik arlaannaanilluunniit unioqqutitsinerit soraarummeernermi peqquserluttuliornertut isigineqassapput. Soraarummeernermi peqquserluttuliornermut kinguneritinneqartartut pillugit ilinniarnermut quppersakkami atuarnerusinnaavutit. Unioqqutitsilluni atuinermi kinguneritinneqarsinnaasoq sakkortunerpaaq tassaasinnaavoq Ilisimatusarfimmiit peersinneqarneq.

Inatsisitigut piumasaqaatitut (§36 takuuk) kandidatitut ilinniarnerup nalaani nunamut allamut ilinniariartoqassaaq - semesterimi ataatsimi ilinniarfimmi allami ilinniarnikkut imaluunniit suliffimmik misiliinikkut.

Kandidatitut ilinniarnermi nunamut allamut ilinniariarnissamut pisussaajunnaarsitaanissamut immikkut akuerineqarnissamut qinnuteqartoqarsinnaavoq. Immikkut akuerineqarnissamik qinnuteqaammut immersugassaq ugguuna nassaarineqarsinnaavoq immersorneqareerpallu ilinniartunik sullissivimmut (studieadm@uni.gl) nassiunneqassaaq.

Periarfissatit najoqqutassallu pillugit paasisaqarnerorusukkuit Nunarsuarmioqataanermut allaffik attavigiuk.

Immikkut akuerineqarnissamut qinnuteqarusukkuit Ilinniartunik Sullissivik attavigiuk.

Ilinniartut kanngunarsagaallutilluunniit ajorsaarneqarsimasut kajumissaarneqarput ikiortissarsiussasut tapersersortissarsiussasullu.

Illit ilinniartutut ilinniartunik siunnersuisartumik ingerlateqqitassaanngitsut pillugit pisussaaffittaqanngitsumik oqaloqateqarnissamut periarfissaqarputit - qanorluunniit nalaataqarsimagaluaruit, aamma nalornigaluaruilluunniit.

Ilinniartunik siunnersuisartunut saaffiginnissutit tamarmik ingerlateqqitassaanngitsuupput, immaqalu peqatigiillusi aaqqiissutissarsisinnaassaasi.

Ullaakkorsiutinik, ulloqeqqasiutinik il.il. assigiinngitsunik neqerooruteqarpoq akisuallaanngitsunik.

Ullut tamaasa ammasarpoq nal. 8.00 - 15.00-ip tungaanut.

Atuaruk.

Fagit ilaat GGS skala atorlugu nalilerneqartarput, allat nalilerneqartarput angusivoq/angusinngilaq.

Allattariarsornermi karakterit ilinniartumut, soraarummeernerup kingornatigut kingusinnerpaamik sapaatit akunneri sisamanngorneranni, saqqummiunneqartarput.

Wiseflow nakkutigiuk tassani karakterit nalilersorneqareerpat takusinnaavat.

Kinguaassiuutitigut innimiilliornikkut suliffinni sulinermilu isumannaallisaanikkut inatsimmik naligiissitaanissamullu inatsimmik unioqqutitsisoqarsinnaavoq, soorluttaaq aamma pinerluttulerinermi inatsimmik unioqqutitsisoqaratarsinnaasoq.

Matumani pineqarsinnaapput oqaatsikkut iliuutsikkulluunniit qaninniarfigineqarnerit kissaatigineqanngitsut, narrujuumminartut, qamuuna annernartut assinginillu akineqanngitsut.

Taakku tassaasinnaapput qaninniarpaluttumik kunissinerit, killissanik qaangiilluni attuualaarinninnerit pattalaarinninnerillu, oqaaseqarnerit, apeqquteqarnerit kajumissaarinerillu, aamma telefonikkut, e-mailikkut allakkatigulluunniit qaninniarluni malersuinerit.

Matumani pineqarputtaaq kannguttaatsumik quiasaarinerit, assinik allanillu pornografiimut tunngasunik takutitsinerit, taakku kissaatigineqanngippata takutitsivigineqartullu mamiatsaatigippagit.

Kinguaassiuutitigut innimiilliorfigineqaruit ilinniarfinni immikkoortortami pisortamut ilinniartunilluunniit sullissivimmut saaffiginnigit.

Kollegiemi ini pillugu apeqqutit tamarmik saaffiginnissutigineqassapput uunga: kafadm@kaf.gl.

Ilinniartunik sullissiviup kollegieni inissanik tunniussisarneq aamma allaffissornikkut suliaqarneq sunniuteqarfigisinnaanngilaa.

Ilinniarneq Sullissinermi Lectio (ilinniartitsinermi allaffissornermi atortoq) Ilisimatusarfimmi aasap ingerlanerani atuutilersittussaavaa.

Paasissutissanik sukumiinerusunik septembarimi atuartitsineq aallartippat malinnaatinneqarumaarputit.

Ilisimatusarfimmit aningaasaateqarfiit ilinniartut legatinik/aningaasaateqarfinnit tapiiffigineqarnissamut qinnuteqaateqarfigisinnaasaat ataatsimoortillugit takussutissiarineqarput.

Takuuk una www.uni.gl.

Ilinniakkat amerlanersaanni sivisunerusumik ilinniartuusimasut ilinnialerlaanut mentoriorusuttut suleqatigineqartarput.

Taakkua ilisimasaannik misilittagaannillu atorluaallutit Ilisimatusarfimmi ilinniarninnik ajornaallisaagit. Sapaatip-akunnerani aallarniutaasumi mentoreqarnermik aaqqissuussaq pillugu paasissutissinneqarnerujumaarputit.

Mentorip suliassai mentorillu ilinnut qanoq iluaqutaasinnaanera uani allattorsimapput:

• Ilinniartutut inuunermut tikilluaqqusineq – ingammik ilinniarnerup aallarteqqammernerani
• Ilinniaqatigiinnik ataqatigiissaarisoq / ilinniaqatigiinnut akisussaasoq (ikinnerpaamik ilinniartut 4-6)
• Saqqummiussisarneq
• Sulianut attaveqatigiinnissamullu tunngasunik aaqqissuussaqarneq
• Ilaatigut opgaveskrivningimi, ilinniakkap qanoq aaqqissuunneqarneranik misissuinermi, legatinik aningaasaliissutisinissamillu qinnuteqarnermi il.il. siunersiueqatigisagaq
• Ilinniartunut tapersersorti

Ilisimatusarfimmi Ilinniakkanik aaqqissuussinerni imaluunniit universitetini allani siusinnerusukkut soraarummeernermi angusiffiusimasunik Ilisimatusarfimmut nuussinermi (merit) Institutråd akuersilluni tunniussisinnaavoq.

Qinnuteqaat immersugaq angusimasallu uppernarsaataat immikkoortortami aqutsisumut tunniunneqassaaq.

Immersugassaq uani nanisinnaavat.

Ilinniartut Office 365 namminneq PC-minnut aamma/imaluunniit Mac-iminnut aasinnaavaat ikkullugulu. Office 365 atortunut tallimanut ikkunneqarsinnaavoq.

Programmi akeqanngilaq Ilisimatusarfimmi ilinniartuunerit tamakkerlugu. Iserit uunga http://portal.office.com. 

Loginissaatit illit brugernavn@uni.gl atorlugu, e-mailadressivit assigaa.

Office-mik allamik ikkutaqarsimaguit Office 365 ikkutsinnagu taanna peeqqaassavat.

Et af værdigrundlagene for Ilisimatusarfik er, at universitetet drives efter høje faglige og etiske standarder, hvor der lægges vægt på troværdighed og evnen til at samarbejde.

De studerende udgør kernen i Ilisimatusarfik’s virke, og der arbejdes kontinuerligt for at opretholde et godt studiemiljø.

Hvis det imod forudsætningerne skulle opstå tilfælde, som du finder uretfærdigt eller utilfredsstillende, har du mulighed for at indgive en klage.

Forud for din klage må du meget gerne overveje om sagen eventuelt kan løses gennem dialog – du er til enhver tid velkommen til at rette henvendelse ved Studieservice, som står til rådighed for at vejlede dig i processen.

Hvis du vælger at indgive en klage, bliver sagen behandlet iht. loven og de til enhver tid gældende procedure. Bemærk, at hvem der har beslutningsbeføjelse i sagen, afhænger af klagegrundlaget.

I denne vejledning finder du en beskrivelse af hvad der skal indgå i klagen og andre opmærksomhedspunkter.

Hvis du gerne vil indgive en klage vedrørende eksaminer, skal du udfylde dette skema.

Hvis du gerne vil indgive en klage om øvrige forhold, skal du udfylde dette skema.

Ilisimatusarfimmit eqqumaffigineqarpoq interneti, videut, mobiltelefonit e-mailillu periaatsit nutaat atorlugit tarnikkut nakuusernissamut periarfissiisartut.

Elektronikkitigut nakkarsaaneq tassaavoq ilinniartumut naleqqutinngitsumik pissusilersortuarneq, taakkua ilinniarnerannut tunngasumik internetikkut nittartakkani, chattertarfinni, videukkut mobiltelefonikkullu nittarsaassineq, ilinniartumik immikkoortitsinissaq, nikanarsaanissaq, sanngiillisitsinissaq sioorasaarinissarluunniit siunertaralugu.

Nakuuserfigineqarnissamik sioorasaarneqaruit – elektronikkitigut nakkarsarneqaruit ilinniarfinni immikkoortortami pisortamut ilinniartunilluunniit sullissivimmut saaffiginnigit.

Atuaruk.

Eqqarsaatigigukku nunami allami semestereqarniarlutit imaluunniit praktikerniarlutit, taava nunanut tamalaanut ataqatigiissaarisorput Mathias mtc@uni.gl saaffigiuk siunnersortinniarlutit aamma ilitsersortinniarlutit.

Illit nammineq napparsimaleruit imaluunniit ilaquttavit qanigisavit napparsimanerani imaluunniit toqukkut qimagunnerani, taava periarfissaqarputit immikkut qiugassanik qinnuteqaateqarnissamut taamaalillutit toqqissillutit ilinniarnersiutitit pigiinnarsinnaavatit, naak pissutsit ilinnut tunngasut/napparsimanermik pissuteqartut pissutigalugit ilinniarninni kinguaattooraluarlutit.

Immersugassaq uani immersussavat uunga studieadm@uni.gl nassiutassat, tassunga ilanngutissavatit nakorsamit allagartaq aamma nammineq allatat tassani sooq qinnuteqaateqarnerlutit naatsumik nassuiaatigissavat.

Ilinniarnerit aallartikkukku piumasaqaataavoq nammineq angallattakkamik qarasaasiaqarnissat. Taanna illit ilinniarnerit tamakkerlugu sulianut atugassatut isigissavat soorunami atuartitsinernut nassartassavat aamma soraarummeernernut.

Atuakkanik, atuagassianik il.il. ujarlissaguit atuagaateqarfimmi PC-qarpoq sisamanik atorneqarsinnaasunik. Taakkua atorlugit atuagaateqarfimmi base ujarlerfigisinnaavat aamma illit ilinniarninnut isumalluutissanik allanik nassarsinnaavutit.

Tamatuma saniatigut inimik allannermut atugassamik peqarpoq PC-qarluni atorsinnaasassinnik assersuutigalugu nammineq PC-t qimattoorsimagukku.

Pimmatiginninneq kikkunnulluunniit ajoqutaasarpoq.

Pimmatigineqarneq atukkatigut annertuumik artukkiisarpoq, pimmatigineqarsimasullu timikkut eqqarsartaatsikkullu imaannaanngitsunik ersiuteqalersinnaasarput.

Taamatuttaaq avatangiisit pimmatiginninnermik akuersaarfiusut sullivimmi avatangiisinik kikkunnut tamanut nuanniillisitsisinnaapput - aamma pimmatigineqanngitsunut ajorsaarneqanngitsunullu.

Pimmatigineqarneq aalajangersimaqqissaartumik allaatigineqarsinnaanngilaq, matumali ataatungaani pissusilersornerit iliuutsillu pimmatiginninnertut misigineqarsinnaasut allaatigineqarput.

Inummik malersuinerit:

• Oqaatissuaassutinik siaruarterineq.
• Inummik (assersuutigalugu taassuma ileqqui tunuliaqutaalu pillugit) taassumaluunniit isumaa inuuneraluunniit pillugu ajuallatsitsineq, nikassaaneq quiassuaatiginninnerluunniit.
• Nilliaffigineqarneq, akerartorneqarneq, saapiloorneqarneq kamariataarfigineqarnerluunniit (puuffigineqarnerluunniit).
• Kissaatiginngisamik iliorfigineqarneq qaninniarpaluttumik sioorasaarerpaluttumilluunniit.

Immikkoortitsineq:

• Ataatsimooqatigiinnit soqutigineqannginneq, ilaatinneqannginneq alarneqarnerluunniit.
• Allanut saaffiginnikkaluarluni tusaanngitsuusaarneqarneq akeqqersimaarfigineqarnerluunniit.
• Inimut ilinniaqatigisat isersimaarfiannut iseraanni oqaluttoqarunnaartarnera.
• Ilinniaqatigisanit aaqatigivallaanngisanit quiassuaatigineqarneq tusangiasaarneqartarnerluunniit.

Ilisimatusarfik pimmatiginnittarnernut akuersaanngilluinnarpoq.

Ilisimatusarfimmi aqutsisut pimmatiginnittoqarsimatillugu akisussaassuseqarlutik akuliunnissamut pisussaaffeqarput.

Pimmatiginninneq inoqatinik akaarinninnginnermut asissuinermullu ersiutaavoq.

Pimmatigineqartut imminut ataqqiunnaarlutillu naleqanngitsutut misigilersinnaapput.

Pimmatigineqartaruit ilinniarfinni immikkoortortami pisortamut ilinniartunilluunniit sullissivimmut saaffiginnigit.

Oqaluuttaatsimut pitsaasumut peqataasinnaavutit ukua najoqqutarinerisigut:

1. Nalinginnaasumik inussiarnersuunermik, qajassuussinermik ikinngutinnersumillu kiinnerarnermik takutitsigit
2. Kinguneqarluartussamik oqaatsit atukkit
   
   • Peqqissaartumik oqaluttaaseqarnikkut akunnitsinni ataqqinninnermik takutitsisarpugut
   • Nipinnik atuinerit qanorlu nipeqarnera eqqarsaatigiuk - aammattaaq tunniusimaffiusunik oqallinnerni
3. Kinguneqarluartussamik timi atorlugu takutitat atukkit
   
   • Oqaatigisatit timivillu takutitai akerleriissinnaveersaakkit

Tassaavoq ilinniartunut ini tassani qasuersaartoqarsinnaavoq, nuannisaarluni, brætspil atorlugit unammiaarluni kaffisuataarluni/tiituataarluni imaluunniit nerrivimmi arsaararluni.

Pitarfik studenterrådimit Pitamit pilersinneqarpoq ilinniartut ataqatigiinnerunissaat aamma anersaartorfeqalaarnissamut periarfissaqarnissaat anguniarlugu.

Ilinniakkamut attuumassutilimmik qaammat ataaseq sinnerlugu sivisussusilimmik suliffimmik misiliinermi, Ilinniagaqarnersiutit pillugit Namminersorlutik Oqartussat nalunaarutaat nr. 9-mi 19. juli 2017-imeersumi § 42 naapertorlugu, ilinniartoq pisinnaatitaaffeqarpoq:

• illoqarfik ilinniarfiusumit illoqarfimmut suliffimmik misiliiffiusumut siumut utimullu akiliunneqarluni angalanissaminut
• unnuinermut aningaasartuutinut pisariaqartinneqartunut tapiiffigineqarnissaminut

Ilinniarnivit nalaani suliffimmik misiliinissamut periarfissatit pillugit paasisaqarnerorusukkuit, semesterit suliffimmik misiliinissamut periarfissaqartitsisunut atatillugu, immikkoortortaqarfinni pisortat attavigissavat.

Kalaallit Nunaanni suliffimmik misiliissaguit - angalanissamut il.il. paasissutissat pillugit studieadm@uni.gl attavigissavat.

Nunami allami suliffimmik misileerusukkuit nunani allani periarfissatit ugguuna atuarsinnaavatit - imaluunniit Nunarsuarmioqataanermut Attaveqatigiinnermullu immikkoortortaqarfik alakkarsinnaavat.

Ilinniartunut Siunnersuisarfimmi tarnip pissusaagut siunnersuineq katsorsaanerlu neqeroorutaapput.

Atuaruk.

Ilisimatusarfiup eqqaani kujammut samminerani quimi pujortartarfimmi taamaallaat pujortartoqaqqusaavoq.

Tassunga anillassaatit inimi allermi atisaajartarfik aqqutigalugu.

Qitornanut tapisiaqarnissamut periarfissaqarputit illit nammineq qitornannik imaluunniit qitornavissiannik pilersuisussatut pisussaaffeqaruit.

Qitornamut ataatsimut qaammammut tapisiaq 1.023 kr. tunniunneqartarpoq.

Qitornamut tapisiaqarnissamut qinnuteqarfissaq immersugassaq uaniippoq.

Ved studierelevante praktikophold over én måneds varighed, har studerende, ifølge § 42 i Selvstyrets bekendtgørelse nr. 9 af 19. juli 2017 om uddannelsesstøtte, ret til:

• en frirejse fra uddannelsesbyen til praktikstedet og retur,
• tilskud til nødvendige opholdsudgifter.

Du kan søge om refundering af opholdsudgifter via denne blanket: Ansøgning om refusion af nødvendige opholdsudgifter, jf. § 42.

• Husk at vedhæfte faktura for huslejen.

Hvis du vil vide mere om denne mulighed skal du kontakte afdelingslederen for din uddannelse og for de praktiske ting rejser mm. ret da henvendelse til studieadm@uni.gl.

Ukioq atuarfiusoq semesterinut marlunnut avinneqarpoq.

Ukiakkut semesteri tassaavoq 1. september juullimi sulinngiffeqarnerup tungaanut.

Januari tassaavoq ilinniakkani amerlanerni soraarummeerfiusartoq.

Upernaakkut semesteri tassaavoq 1. februar aasaanerani sulinngiffiup tungaanut.

Juli aamma august qaammatit sulinngiffeqarfiupput taamaallaat ilinniartitsinermik ilisimatusarfik pinnani, taanna augustip qeqqani aallartittarpoq.

Quleriit pingajuanni ilisiveqarpoq ilinniakkani assigiinngitsuni semesterikkaartumik atuakkanik atugassanik imaqartumik.

Atuakkat atuagassatut imaluunniit kopiigassatut atugassiarineqarput, kisianni ilisivimmit peeqqusaanngillat (soorlu angerlaallugit imaluunniit illumi quleriinnut allanut ingerlallugit) tassami ilinniartunut tamanut atorneqarsinnaassammata.

Atuakkat semesterimut ilitsivimmi amigaataappata taava ilinniartooqatitit aperikkit atuakkamik tigummiaqarnersut.

Sikkilip Ilisimatusarfiup eqqaani aamma iluani inissinnissaanut periarfissaqarpoq.

Illup iluani sikkilinut inissiisarfik ini atisanut nivinngaasarfiup eqqaaniippoq.

Siulersuisut pillugit immikkuualuttut amerlanerit atuarneqarsinnaapput uani.

Download.

Misilitsinnerup angusiffiginissaanut ilinniartoq pingasoriarluni misiliilluni soraarummeersinnaavoq

Nalinginnaasumik Ilinniarfinni ingerlaqqiffiusuni soraarummeerneq censoreqartarnerlu pillugit Namminersorlutik Oqartussat nalunaarutaat 11. januar 2024-meersoq innersuussutigineqarpoq.

Ilinniartoqatigiinni ilinniartinneqarninni malinnaaffigisanni soraarummeernissamut automatiskimik nalunaarsorneqartarputit. Soraarummeersitsinissanik WISEflow-ikkut pilersitsigaangatta paasissutissat ilinniartoqatigiittut nalunaarsorsimasunut tunngasut aallerfigisarpavut.

Soraarummeernissamit nalunaarsorsimajunnaarnissamut periarfissaqanngilatit. Nammineq napparsimanermut imaluunniit qaniginerpaasani napparsimasoqarneranut uppernarsaateqartoqarnerani taamaallaat soraarummeernissamit nalunaarsorsimajunnaartoqarsinnaavoq. Immikkoortoq napparsimalluni soraarummeernermut tunngasoq takuuk.

Ukiuunerani soraarummeernissanut soraarummeernermut pilersaarut WISEflow-ikkut kingusinnerpaamik novembarip 1-ani tamanut saqqummiunneqartarpoq, aasakkullu soraarummeernernut kingusinnerpaamik apriilip 1-ani (paasissutissat ataani allaqqasut takukkit).

Piffissat soraarummeerfiusartut tassaapput:

• Aasaanerani nalinginnaasumik soraarummeersitsinerit: 01/05 - 30/06.
• Ukiuunerani nalinginnaasumik soraarummeersitsinerit: 01/12 - 31/01.

Soraarummeersitseqqiinernik ingerlassinerit:

• Aasaanerani soraarummeernerni: juunimi aggustimilu.
• Ukiuunerani soraarummeernerni: januaarimi februaarimilu.

Ilinniartut ilinniarnertik ingerlarnga malinnaavigisinnaanissaannut pisariaqartinneqarpat piffissat soraarummeerfiusut avataanni soraarummeersitseqqiineq ingerlanneqarsinnaavoq.

Soraarummeeqqinnermut malittarisassat

Ilinniartut soraarummeernernut takkutinngitsoortut imaluunniit ilinniartinneqarnerit ingerlanneqareernerisa kingorna nalinginnaasumik soraarummeernermi angusinngitsut soraarummeeqqittussatut automatiskimik nalunaarsorneqartarput.

Ukiaanerani/ukiuunerani soraarummeernernut soraarummeeqqinneq (aappassaanik misiliineq) kingusinnerpaamik februaarimi ingerlanneqassaaq.

Upernaakkut/aasaanerani soraarummeernernut soraarummeeqqinneq (aappassaanik misiliineq) kingusinnerpaamik aggustimi ingerlanneqassaaq.

Soraarummeerluni pingajussaanik misiliinissamut nalinginnaasumik soraarummeerfissap tullissaanut ilinniartoq nalunaarsorneqartarpoq. Ilinniartut ilinniarnertik ingerlarnga malinnaavigisinnaanissaannut soraarummeernissaq pisariaqarpat soraarummeersitseqqiineq siusinnerusukkut ingerlanneqarsinnaavoq.

Soraarummeernermik pingajussaanik misileereernerup kingorna

Ilinniakkap aaqqissugaanera atuuttoq naapertorlugu fagerisami pinngitsoorneqartussaanngitsumi ilinniartup pingajussaaneerluni soraarummeerluni misiliisinnaanini atorsimappagu ilinniartoqatigiinnut ilanngunnissamut allatsinnissaminut pisinnaatitaaffini annaassavaa ilinniakkaminiillu anisitaassalluni.

Pisuni immikkut ittuni soraarummeernermik misileeqqinnissaq Ilisimatusarfiup akuerisinnaavaa.

Soraarummeernermik misileeqqinnissamut immikkut akuerineqarnissamik ilinniartoq qinnuteqarniaruni, soraarummeernermik misiliinerup kingulliup atorneqareerneranit kingusinnerpaamik ullut 7-t qaangiutsinnagit immersugassaq una immersorsinnarlugu nassiutissavaa. Ulluni 7-ni taakkunani juulip qaammataa ilanngunneqarneq ajorpoq. Qinnuteqaat uunga nassiunneqassaaq studieadm@uni.gl.

Immikkoortortaqarfiup pisortaata innersuussinerata kingorna instituttimi pisortap ilinniartunut sullissivik peqatigalugu soraarummeernermik misiliisitseqqittoqarsinnaanersoq inaarutaasumik aalajangertarpaa.

Napparsimalluni soraarummeernermut malittarisassat

Soraarummeernerup ingerlanneqarnerata nalaani ilinniartup napparsimanini uppernarsarsinnaappagu napparsimalluni soraarummeersitsisoqarsinnaavoq. Napparsimasunik soraarummeersitsisoqarsinnaavoq ilinniartoq: 1) misilitsinnermi napparsimalluni nalunaarsimappat, 2) misilitsinnerup nalaani napparsimalersimappat, 3) napparsimaneq pissutaalluni misilitsinnermut takkutinngitsoorsimappat, imaluunniit 4) nammineq napparsimanera pinngikkaanni immikkut illuinnartumik uppernarsarneqarsinnaasumik pisoqarnerani soraarummeernermut peqataasinnaajunnaarsimappat.

Napparsimanermut uppernarsaat - kingusinnerpaamik soraarummeernerup kingorna ulluinnaat 4-t qaangiutsinnagit - uunga nassiunneqarsimassaaq eksamenskontor@uni.gl.

Immikkoortortaqarfiup pisortaata ilinniartullu akornanni napparsimalluni soraarummeernissaq isumaqatigiissutigineqassaaq, nalinginnaasumillu soraarummeernerup kingorna tamanna piaarnerpaamik neqeroorutigineqassalluni qaammatit pingasut qaangiutsinnagit. Napparsimalluni soraarummeernermi ilinniartut arlallit misilitsissappata tamanna ataatsikkut ingerlanneqassaaq.

Illit pisinnaatitaavutit soraarummeernerpit nalilerneqarnera, soraarummeernermi ingerlaneq imaluunniit soraarummeernermut tunngaviusut pillugit naammagittaalliorsinnaanermut.

Oqaluttariarsornermi aamma allattariarsornermi soraarummeernerit naammagittaalliutigisinnaavatit.

Taamaattorli iluaqutaassaaq illit ilinniartitsisut attaveqarfigeqqaarukku pisortatigoortumik naammagittaalliornissat sioqqullugu.

Ilinniartitsisup naliliineq imaluunniit soraarummeernissap tungaanut ingerlasimaneq nalilissallugu tunngavilersuisinnaasariaqarpoq.

Soraarummeerneq pillugu naammagittaalliorneq immikkoortunut pingaarnernut sisamanut agguarneqarsinnaapput.

• Apeqqutit inatsisinut tunngasut – pissutsit Naalakkersuisunit inatsisikkut aalajangersarneqarsimasut.
• Soraarummeertitsinermi tunngaviusut (apeqqutit, suliakkiissutit, ilitsersuineq il.il.).
• Soraarummeernerup ingerlanera.
• Naliliineq (karakteri).

Pingaaruteqarpoq naammagittaalliutinni erseqqissumik paasissutissiissutiginissaa, pissutsit sisamaasut akornanni sorleq naammagittaalliuutiginerlugu.

Nalorniguit pissutsit taakkua arlaat sorleq pinerlugu, taava nangaassuteqarnak Ilinniarneq Sullissineq attaveqarfigisinnaavat.

Soraarummeernermi naliliineq naammagittaalliutiginiarukku, taava tamanna allakkatigut Ilinniarneq Sullissinermut ingerlatinneqassaaq, nalililiineq tigoreerukku sapaatit akunnerisa sisamat ingerlaneranni.

Naammagittaalliuuteqarneq allaganngorlugu uunga studieadm@uni.gl.

Soraarummeerneq aallaavittut ilinniartinneqarnermi oqaatsit atorneqartut atorlugit ingerlanneqartarpoq, oqaatsit taakkua nalinginnaasumik tassaapput qallunaatut aamma kalaallisut.

Illit ilinniartutut oqaatsit allat atorlugit soraarummeernissamut qinnuteqarnissannut periarfissaqarputit, naleqq. ilinniarfinni ingerlaqqiffiusuni soraarummeerneq censoreqartarnerlu pillugit Namminersorlutik Oqartussat nalunaarutaat 11. januar 2024-meersumi §7.

Tassa imaappoq soraarummeerneq qallunaatut ingerlanneqassappat kalaallisut soraarummeernissat qinnutigisinnaavat, aammattaaq paarlattuanik.

Kalaallisut imaluunniit qallunaatut soraarummeernissat kissaatigigukku immersugassaq una immersussavat kingusinnerpaamillu soraarummeernissaq sapaatit akunnerinik 4-nik sioqqullugu uunga nassiullugu eksamenskontor@uni.gl.

Ilinniartitsinerni aamma fagini oqaatsit tuluttut imaluunniit allamiut oqaasii allat atorlugit ingerlanneqartuni, oqaatsinik ilisimasaqassutsip oqaatsit allat atorlugit nalilersorneqarnissaa siunertarineqanngippat, soraarummeerneq oqaatsit taakkua atorlugit ingerlanneqassaaq. Tassa imaappoq soraarummeerneq tuluttut ingerlanneqassappat kalaallisut imaluunniit qallunaatut soraarummeernissat qinnutigisinnaanngilat.

Soraarummeerneq censoreqartarnerlu pillugit nalunaarut ugguuna nanisinnaavat.

Soraarummeernermi uukapaatitsinermut ilaapput peqquserlulluni allanngortitsineq, allat allaaserereersimasaannik assiliineq, nipangiussiinnarneq, soorlu assersuutigalugit paasissutissanik pissarsiffinnik ilanngussinnginneq imaluunniit allatut pineqartup suliai imaluunniit angusai pillugit puupassaarineq.

Ilinniartooqatigisap uukapaatitsineranik ikiuineq maleruaqqusanut ilaatinneqarpoq.

Uukapaatitsiniarluni misiliineq uukapaatitsinertut piviusunngortinneqarsimasutut suliarineqassapput.

Soraarummeernermi uukapaatitsinermik pasitsaassaqarneq soraarummeertitsisumut aamma/imaluunniit censorimut nalunaarutigineqassapput, tamatuma kingornatigut ilinniartoq tusarniaaffigineqassaaq aamma immikkoortortaqarfimmi aqutsisoq peqataatinneqalissalluni.

Soraarummeernermi uukapaatitsineq paasineqarpat aqutsisoq akisussaasuusoq (taanna tassaagajuttarpoq immikkoortortaqarfimmi aqutsisoq) aalajangiissaaq ilinniartumut qanoq ittumik kinguneqartitsinissaq pillugu.

Ilinniarnivit allartinnerani studiekortimik tunineqassaatit taanna Ilisimatusarfimmi ilinniakkamik ingerlatsisutut uppernarsaatitut atussavat.

Ilinniarneq Sullissinerup sapaatit akunnerani aallartiffiusumik assilineqarnissat isumagissavaat aamma allagartaq sapinngisamik piaartumik piareersimaneqassaaq.

Allagartaq atuagaateqarfimmi atuakkanik atorniarnermi atorsinnaavat imaluunniit pisiniarfinni il.il. ilinniartunut akikillisaasartuni atorsinnaavat.

Innersuussutigineqarpoq uffarnermut atortut, unernut tarnutit, cremet assigisaallu tipigissaatitallit tipigissaatillu atorneqannginnissaat, ilinniartut tipigissaatitalinnut sapigallit eqqarsaatigalugit.

Tipigissaatinik sapigaqarneq pillugu ilinniartoqatit oqaloqatiginissaat aqqutissaavoq.

Innersuussutigaarput atorsimasatit atoreerukkit kusarnartumik inisseqqittassagitit - apeqqutaatinnagu sumiissimanerit.

Universiteterput kusanartuuvoq aamma eqqiluitsuulluni aamma taamaattuaannarnissaa anguniassavarput.

Pissutsit "nalinginnaatillugit" aamma piffissap ammasarfiup nalaani Uni iserfigineqarsinnaavoq studiekort atornagu.

Matu isertarfik paarnaarsimappat isersinnaavutit studiekort atorlugu taanna kortlæserimut matup talerpiata tungaaniittumut scannertissavat.

Unnukkut aamma sapaatit akunnerata naanerani illumut isernissat pilersaarutigigukku taava unnukkut passimik peqassaatit.

Ataaniittoq takuuk.

Periarfissaqarputit ukioq ataaseq angullugu ilinniarninnit uninngallarnissamut qinnuteqaateqarnissamut.

NB eqqaamallugu ilinniarnerit ingerlateqqissallugu uternissat qaammatinik pingasunik sioqqullugu nalunaaruteqassagavit.

Immersugassaq aasinnaavat uani.

Eqqarsaatigigukku ilinniarnerit unitsinniarlugu taava uagutsinnit ilinnut inassutigineqassaaq studievejlederi, studiechef imaluunniit illit ilinniarfinni immikkoortortamut pisortaq oqaloqatigissagit.

Immaqa oqaloqatigiinneq ilinnut iluaqutaasinnaavoq kissaatigisannik eqqarsaqqinnissamut.

Illilli tamanna aalajangiutivissimagukku, taava atuarunnaarnermut immersugassamik taaneqartartoq immersussavat, taanna uani nassaarisinnaavat.

Nalinginnaasumik ammasarfiit avataanni aammattaaq sapaatit akunnerata naanerani Ilisimatusarfimmiikkusukkuit, taava "unnukkut passimik" taaneqartartumik peqassaatit.

Taanna saaffiginnittarfimmi sulisup suliarissavaa.

Taanna pigaartut apeqqutigippassuk takutinneqartussaavoq.

Netværk ledningeqanngitsoq toqqaruk ILI mobil.

Atuisutut atit aamma kode isissutissaq atoruk.

Ajutoorpat misileqqiguk una: www.tele.gl imaluunniit www.dmi.dk aqqutigalugu.

Ilaannikkut aammattaaq iluaqutaasinnaavoq wifi attaveeruteriarlugu misileqqillugu.

Nalorniguit IT-mik ikiusartut attaveqarfigikkit ikiuut@uni.gl.

Oqaluttariarsorluni aamma allattariarsorluni soraarummeernernut attuumassuteqartunut tamanut soraarummeernermut programmi Wiseflow Ilisimatusarfiup atortarpaa.

Wiseflow ilaatigut ukununnga atorneqartarpoq:

• Soraarummeernerit ulluinik nalunaarsuinermut
• Oqaluttariarsorluni soraarummeernerit piffissaannik nalunaarsuinermut
• Soraarummiissummi apeqqutinik tunniussinermut
• Soraarummiissutitut suliap tunniunneranut
• Karakteerit nalunaarsornerannut

Wiseflowip ingerlaavartumik misissortarnissaa innersuussutigineqarpoq, pingaartumik piffissap soraarummeerfiusup nalaani, Google Chromep atornissaa aamma innersuussutigineqarpoq.

Ugguuna isersinnaavutit: www.wiseflow.net - Login - Ilisimatusarfik - Edugain - unimailit tamaat allaguk + isissutissaq.