Fagit ataasiakkaarlugit ilinniarneq

bacheloritut

kandidatitut

Ilisimatusarfimmi ilinniakkani fagit ataasiakkaarlugit ilinniarniarluni qinnuteqarnissamut periarfissaqarpoq.

Faginili ataasiakkaani ilinniartutut peqataanermut akiliuteqassaatit, tamanna ilinniartinneqarnermut kiisalu fagimi ataatsimi pingasoriarluni misiliilluni soraarummeersinnaanermut akiliutaassaaq.

Peqataanermut akiliutini ilinniarnermi atortut, inissisimaneq aamma angalaneq ilaatinneqanngillat.

Semesterimi / semesterini akilikkanni ilinniartinneqarnermut malinnaanissannut akiliutit pisinnaatissavaatit - aammattaaq fagimi ilinniartitaanerup taamaatereernerani soraarummeernissamut pisinnaatissavaatit.

Fagip ataatsip akia ECTS-pointit amerlassusaat soraarummeernermi fagip pissarsisitsissutigisartagai naapertorlugit naatsorsorneqartarpoq.

1 ECTS-point DKK 500-nik akeqarpoq.

Fagit ataasiakkaarlugit ilinnialernissamut akuerisaanissamik qinnuteqarnissamut killissarititaasut tassaapput:

• Ukiakkut semesterimut juunip 1-at
• Upernaakkut semesterimut decembarip 1-at

Piffissaq ilinniarfiusartoq tamakkerlugu ilinniartutut qinnuteqartarnermi akuerisaanissamut piumasaqaatitai assigai. Immikkulli akuerisaanissamut aamma periarfissaqarpoq.

Malugiuk faginut tamanut akuerisaanissamut qinnuteqarsinnaannginnavit - fagit ilaanni fagit aalajangersimasut angusiffigineqarsimanissaat piumasaqaataammata. Fagit ataasiakkaat aamma ilinniakkanut ilinniakkat aaqqissugaaneranni ilaatigut piumasaqaatit pillugit atuarnerusinnaavutit.

Fagimi ataatsimi ataasiakkaaniluunniit amerlanerusuni ilinnialernissamut akuerisaaneq bacheloritut imaluunniit kandidatitut inaarutaasumik soraarummeernissamut pisinnaatitsinngilaq.

Aammattaaq maluginiaqquneqarpoq nalunaaquttap akunneri ilinniartitsiviusut inissinneqartarnerinut tunngatillugu piffissaq ilinniarfiusoq tamakkerlugu ilinniartut salliunneqartarmata.

Aammattaaq malugeqqussavarput fagit ataasiakkaarlugit ilinniartutut ilinniagaqarnersiuteqarnissannut pisinnaatinneqannginnavit.

Najoqqutassat makkua 2024-mi februarip 1-anit atuutilissapput.

Qinnuigissavatsigit uuma ataani qinnuteqaatit immersoqqullugu.