Aqqusinermi angalaarlutik aamma angerlarsimaffeqanngitsunut unnuisarfinni sulisunik pikkorissaaneq

Inunnut inuunerminni inissisimaffitsigut atugarliortunut allanngueqataanissannut piareersimavit?

Pikkorissaanitsinni nutaami ukiuni 10-ni ilisimatusarnermit misilittakkat aamma isumaginninnermik suliaqarnerup inunnillu perorsaanerup iluanni periuseq teoriilu nutaat kingulliit ataqatigiissinneqarput, taakkunanilu inuit angerlarsimaffeqannginnermik eqqugaasimasut toqqaannaq paasissutissiissutigisimasaat aallaavigineqarput.

Pikkorissarneq ilinnut, inuit inuunerminni inissisimaffitsigut atugarliortut pillugit - soorlu aqqusinermi angalaaqatigiinni, angerlarsimaffeqanngitsut unnuisarfianni, kialaartarfinni, sakialluummik tunillatsissimanermik paasiniaanerni - suliaqartumut tulluuppoq.

Pikkorissaaneq kikkunnut saaffiginnippa?

• Isumaginninnikkut sullissivinni sulisunut inunnik atugarliortunik sullissisunut.
• Sulisunut sakialluummik tunillatsissimanermik paasiniaanermik suliaqartunut.
• Angerlarsimaffeqanngitsut kialaartarfianni sulisunut / nammineq kajumissutsiminnik sulisunut.
• Aqqusinermi angalaarlutik aamma angerlarsimaffeqanngitsut unnuisarfianni sulisunut.
• Nammineq kajumissutsiminnik angerlarsimaffeqanngitsunik imaluunniit inuusuttut atugarliortunik sullissisunut.

Suut naatsorsuutigisinnaavigit?

• Modulit 4-t isumassarsiorfiulluarsinnaasut illit misilittakkannik ilanngussinermik ingerlatseriaasillit.
• Oqaloqatigiinnerit tunngavigalugit ilinniartitsinerit tigussaasunik assersuutitallit aamma sunniivigeqatigiilluni oqallinnertaqartut.
• Inuiaqatigiinni ajornartorsiutit, attaveqateqarneq, pisinnaatitaaffiit aamma pisussaatitaaffiit aallunneqassapput.

Pikkorissarnermi, teoriit suleriaatsillu naapiffigisaanni, peqataagit - inuiaqatigiinnilu unamminartut arlariiaanik sammivillit isumaginissaannut piareersimanerulerlutit.

Allanngueqataagit - ullumikkut allatsigit, aaqqiissuteqataagillu.

Oqaatsit

• Ilinniartitsineq qallunaatut ingerlanneqassaaq - kalaallisullu oqaluttaasoqarumaarpoq.

Ingerlarnga

• Ilinniartitsineq modulinut 4-nut agguarneqarsimavoq, moduli ataaseq ullunik 3-nik sivisussuseqarpoq - ilinniartinneqarneq katillugit ullunik 12-inik sivisussuseqassaaq. 

Akia

• Pikkorissarneq akeqanngilaq - nerisaqartitsinerlu Ilisimatusarfiup Issittumi Atugarissaarneq Pillugu Ilisimatusarfianit akilerneqarumaarpoq.
• Kisianni: angalanermut najugaqarnermullu kiisalu pikkorissarnerup nalaani ilaatigut ullormusiat illit nammineq akilissavatit, sulisitsisuilluunniit akilissavai.  

Ullut ilinniarfiusussat

• Modul 1: 13 - 15 februari 2025
• Modul 2: 20 - 22 marsi 2025
• Modul 3: 10 12 apriili 2025
• Modul 4: 8 - 10 maaji 2025

Pikkorissaaneq Nuummi ingerlanneqassaaq.

Peqataaniarluni allatsinneq

Pikkorissaqatigiinni holdini tamani 20-t inissaqartinneqarput - taamaammat ullumikkut allatsereerit.

Matuma ataani allatsinnissamut immersugassap immersorneratigut allatsissaatit.