Aliasuuteqartunut siunnersortitut diplomimik ingerlatsivik
Siunertaq
Moduli suliassaqarfinni naleqquttuni ilinniartunut, peruluttut qanigisaannik aamma toqukkut qimagaasunik siunnersuisarnermi piginnaasaminnik ineriartortitseeqqikkusuttunut saaffiginnippoq.
Aliasunnermut tunngasunut suliassaqarfiup oqaluttuarisaanikkut ineriartornera modulimi aallaavigineqarpoq aammattaaq aliasunnerup iluani taaguutit, nassuiaatit ilisimasallu suleriaatsinut allanut attuumassuteqartut paasissutissiarineqassapput.
Kalaallit Nunaannut ataqatigiissillugu aliasunnermi pissusissamisoortumik assigiinngitsunillu tamanik qisuariaatigineqartartut, taakkualu ineriartorsimanerisa isiginiarnerisigut, aallunneqassapput - tassa imaappoq meeqqaniit utoqqarnut ukiut tamaasa akimorlugit.
Ilinniartut suliffiini ilisimasanut tunngatillugu attaveqateqartarnerat, paasissutissiortarnerat tunngavissiisarnerat sulissutigineqassapput.
Qanigisaasunik qimagaasunillu siunnersuinermik suliassaqarfiup iluani ilinniartut suliassanik ineriartortitsinissamut sammiveqartunik isumaginnissinnaanngornissaminnut piareersarneqassapput.
Ilinniaqqiffik una paasisaqarfiginerorusukkukku Ilinniarneq pillugu Siunnersuisarfik imaluunniit immikkoortortaqarfiup pisortaa Anna Kleist Egede attavigisinnaavat.
Ilisimatusarfiup Peqqissaanermik Pinngortitamillu Ilisimatusarfiata aamma Det Nationale Sorgcenterip qanimut suleqatiginerisigut aliasuuteqartunut siunnersortitut ilinniagaq ineriartortinneqarsimallunilu nunatsinni pissutsinut tulluarsagaavoq.
Aliasuuteqartunut siunnersortitut ilinniagaq Kalaallit Nunaanneersunit Danmarkimeersunillu qanimut suleqatigisanik ilinniartitsisoqarnikkut aamma ingerlanneqartarpoq.
Aliasuuteqartunut Siunnersortitut Ilinniagaq Danmarkimi professionshøjskolit arlallit suleqatiginerisigut Det Nationale Sorgcenterip ineriartortissimallugulu neqeroorutigaa.
FACEBOOK
LINKEDIN
Assiliuk - linki
