Inuussutissarsiornermi aningaasaqarnermut ilisimatusarneq
bacheloritut
kandidatitut
Aningaasaqarneq aamma aningaasalersuineq soqutigivigit, aamma suliffeqarfinni ingerlatsinerit aningaasaqarnikkut misissueqqissaarfigineri suliarerusuppigit?
Aamma suliffeqarfiup ingerlanneqarnerani siammasissumik isiginnilluni nalilersuisussatut aammalu ineriartortitseqqinnissamut periarfissanik nalilersuisussatut sulisinnaavutit.
Ilinniagaq ilinniarnerlu ingerlanneqartarput inussutissarsiornermik suliaqartut suleqatigilluinnarlugit.
Ilinniarnerit tassaapput bachelorinngorniarneq (ukiut 3) kandidatinngorniarneq (ukiut 2).
Uani "studieordning" ilinniakkap aaqqissuussaanera pillugu paasisaqarnerusinnaavutit.
- Studieordning (bachelori) (2024)
- Studieordning (bachelori) (2016)
- Studieordning (kandidati) (2025)
1.-4. semesterit ingerlaneranni inuutissarsiornermut aningaasaqarnerup tunngavii ilisimatusarnermilu periaatsit modulikkuutaarlugit sammineqassapput.
Modulit tulleriiaaqqissaartariaqanngillat, taamaattoq soorlu aningaasanik aqutsineq ingerlariaqqiffiusoq (Videregående økonomistyring) atuarniaraanni aningaasaqarnermut aqutsineq (økonomistyring) peqqaarsimasariaqarpoq.
Pitsaanerutinneqartarpoq modulit tulleriinneri allanngortinnagit pigaanni. 5. semesterimi ilinniartut suliaqartinneqartarput nunatsinni suliffeqarfik (namminersortoq pisortalluunniit ingerlataat) suleqatigalugu. Tassani 1.-4. semesterini ilinniakkatik tunngavigalugit suliffeqarfinni pissutsit misissussavaat.
5. semesterimut ingerlaqqissagaanni semesterit 14 angusiffigisariaqarput. Saniatigut 1., 2. aamma 6. semesterit ingerlanerini faginik toqqagassaqarpoq assigiinngitsutigut immikkut ilisimasaqarfiulersinnaasunik.
Ilinniarneq naggaserlugu bachelorinngorniummik suliaqartoqassaaq inuutissarsiornermut aningasaasaqarnerup iluani sammisamik aalajangersimasumik toqqaalluni.
Herunder kan du kort se uddannelsens kursusudbud for efterårssemestret 2025. Download studieordningen for at se detaljerede beskrivelser af uddannelsens samlede kursusudbud.
Inuussutissarsiornermi aningaasaqarnermut bachelorinngoraanni inuiaqatigiilerinermik ilisimatusaatit iluanni kandidatinngorniartoqarsinnaavoq.
Inuussutissarsiornermi aningaasaqarnermut kandidatinngorniaruit cand. merc.-inngorsinnaavutit, kukkunersiuisutullu kandidatinngorniaruit cand. merc. aud.-inngorsinnaallutit.
Taama ilinniagaqarlutit pingaartumik namminersortut suliffeqarfiutaanni allaffimmiunngorsinnaavutit, soorlu naatsorsuuserisutut aningaasanillu aqutsisutut, aningaasaliinermi nittarsaassinermilu.
Ilinniagaq pillugu paasisaqarnerorusukkuit ilinniartunik siunnersuineq & Javier L. Arnaut (immikkoortortaqarfimmi pisortaq).
FACEBOOK
LINKEDIN
Assiliuk - linki
