Ilinniakkat
Ilinniakkat
Qinnuteqarneq
Ukiut ilinniartuuffiit
Alla
Ilisimatuutut misissuinerit
Centeri
Nalerput
Ikiuut & akunniliulluni sulissussineq
Suleqatigiinneq
Suleqatigiinneq
Alla
Nunat allat
Nunat allat
Avataaneersutut ilinniartuuneq
Nunanik tamalaanik suleqateqarneq
Linki
Uagut
Aaqqissugaaneq
Uppernarsaaneq
Tunuatigut
Alla
KAL DAN ENG
Ilisimatuutut misissuinermi qitiutinneqartoq: 1960-imiit 1991-i ilanngullugu Kalaallit Nunaanni naartunaveersaatinik atuisitsinermi suleriaatsit atorneqarsimasut pillugit suliamut attuumassuteqanngitsunit qulaajaaneq Atuaruk
Saaq Atuagaateqarfiit

Atuagaateqarfiit

Ilisimatusarfiup Atuagaateqarfiani atuagaatit ugguuna qimerluataarneqarsinnaapput.

Atuagaateqarfiup ammasarfii:

  • Ataasinngorneq nal. 10.00 - 15.00
  • Marlunngorneq nal. 11.00 - 16.00
  • Pingasunngorneq nal. 13.00 - 16.00
  • Sisamanngorneq nal. 11.00 - 16.00
  • Tallimanngorneq nal. 10.00 - 15.00

Atuagaatilerisoq saaffigineqarsinnaavoq ugguuna bibliotek@uni.gl.

Uagut

Atuagaateqarfimmiipput atuakkat 163.000-it miss. atuagassiallu 175-t missaaniipput. Ilisimatusarfiup atuagaatai 57.500-it missaaniipput atuagassiallu 50-it missaaniipput. Sammisanut makkununnga attuumassutillit: aningaasaqarneq / politikki / allaffissorneq, oqaluttuarisaaneq/inuup ineriartorneranik ilisimatusaatit / itsarnisarsiorneq, oqaatsinik ilisimatusarneq /  atuakkialerineq / tusagassiuutilerineq, upperisarsiorneq, sociologii, peqqissaaneq, pinngortitaq. Pinngortitaleriffiup atuagaatai Ilisimatusarfiup atuagaataanut ilaapput.

Ilisimatusarfiup Atuagaateqarfia saaffigineqarsinnaavoq oqarasuaat +299 38 56 06 e-mail: bibliotek@uni.gl.

Ilisimatusarfiup atuagaatai piffissami killilimmi atorniarneqarsinnaaput, pingaarnertullu atorniarneqarsinnaapput Ilisimatusarfimmi ilinniartunit sulisunillu Pinngortitaleriffimmilu sulisunit.

Ilisimatusarfiup atuagaatai ungaluisigut ilisarineqarsinnaapput tungujortumik imaluuniit orangemik nipittartoqaramik allassimasumik "Ilisimatusarfik, University of Greenland, Library" aamma "Peqqissaanermik Ilinniarfik". Innersuussutigisinnaavarput Ilisimatusarfiup atuagaatai ungaluisigut tungujortumik imaluuniit orangemik nipittartullit atortassagitit, kingusinaarluni utertitsinermi akiligassiineq ajoratta.

Atorniarneq utertitsinerlu

Atorniarnermi utertsitsinermilu malittarisassat paasissutissallu:

  • Ilinniartut ilisimassavaat studiekorti nutarterneqarsimappat nutaamilluunniit taarsernbeqarsimappat, atorniarnermi atorsinnaalersinnani atuagaateqarfimmi nutarterneqaqqaartariaqarmat.
  • Atuakkat qaammatini marlunni atorneqarsinnaapput, atuinerli naatinnagu atorneq sivitsorneqarsinnaavoq.
  • Atuineq nittartakkakkut sivitsorneqarsinnaavoq una toorlugu.
  • Sivitsuiniaraanni atuisutut normu kodelu pisariaqarput. Atuakkat sivitsuinerup nalaani allamit atorniarneqarpata uterteqquneqarsinnaapput.
  • Ilisimatusarfiup atuagassiaatai angerlaanneqarsinnaanngillat atuarneqarsinnaajuartariaqarmata.
  • Studiekorteqaruit atuagaateqarfiup ammasarfiisa avataasigut isersinnaavutit. Matu atuaagaateqarfiup isaariaata saamiatungaanittoq kortimik ammarneqarsinnaavoq. Anitinnak atuagaateqarfik torersumik qimassavat.
  • Ilimmarfiup Atuagaateqarfianut Groenlandicamullu atorniarneq assigiinngitsunik malittarisassaqarpoq.
  • Atuakkanik allaaserisanilluunniit aalajangersimasunik atuagaateqarfiup piginngisaanik pissarserusukkuit atuagaatilerisut saaffigisinnaavatit.
  • Studiekortit atorniartartutut kortitut atussavat, aatsaalli atuisutut nalunaarsorneqareeruit atorsinnaalissavat. Atorneq utertitsinerlu namminersuutassaapput, ikiortariaqaruillu atuagaatilerisut saaffigiuaannarsinnaavatit. Eqqaamallugu korti nutarterneqarsimappat atuagaatilerisunit iluarsineqassammat.
  • Atuagaateqarfiup atuarfissaataanni eqqissilluni akornusersorneqaranilu sulisoqarsinnaasussaavoq. Taamaattumik oqarasuaatit angallattakkat tamaani atorneqaqqusaanngillat.
  • Kortinnut isissutissat puigorsimagukku atuagaatilerisumit ikiorneqarlutit allanngortissinnaavat.

Arlaannik atuagaateqarfimmut tunngassuteqartunik ikiugassaaguit apeqqutissaqaruilluunniit atuagaatilerisut aperisinnaavatit. Atuagaatilerisut atuakkanik pigeriinngisanik atuagaateqarfiup avataanut inniminniisinnaapput, atuakkanik atorneqartunik utertitseqqusisinnaapput allatulluunniit.

Atuagaateqarfiup pigisariaqagaanik siunnersuutissaqaruit saaffiginneriaannaavutit.

Ikiuut

Ilisimatusarfiup atuagaatilerisui attavigalugit ikiorneqarsinnaavutit.

Periarfissat makkuupput: Atuagaateqarfiup ammaffiisa nalaani isaarissap eqqaani saaffiginnittarfimmi atuagaatilersut ikiuinissamut piareersimasarput:

  • Ataasinngorneq nal. 10.00 - 15.00
  • Marlunngorneq nal. 11.00 - 16.00
  • Pingasunngorneq nal. 13.00 - 16.00
  • Sisamanngorneq nal. 11.00 - 16.00
  • Tallimanngorneq nal. 10.00 - 15.00

Sianerlutit allallutilluunniit saaffigisinnaavatsigut.

Allaaserisaq imaluunniit atuagaq arlaat piginngisarput atorfissaqartikkukku pissarsiariniarsinnaavarput.

WAYF

WAYF tassaavoq Ilisimatusarfiup avataaniitsilluni qarasaasiakkut allaaserisanik (licensiinik) ujarlerfissianik atuinissamut periarfissaq. WAYFip atorniarniarnerani Ilisimatusarfimmut.

Qarasaasiakkut iserniaraangavit isissutit kodellu atussavatit. Erseqqissaatigissaaq ujarlerfissiaatigut tamarmik tassuuna atuarneqarsinnaanngimmata.

Ataaniittoq naqikkukku https://wayf.dk/da/institutioner-i-wayf - Ilisimatusarfik toqqassavat, tassungalu isissutissatut atortakkatit naqillugit.

Una linki naqikkukku WAYF qanoq atorneqarsinnaaneranut passissutissat atuarsinnaavatit.

Eqqaamallugu atuisutut ilisarnaatit kodellu atussagakkit.

Download

Download "Betænkning afgivet ad Den Juridiske Ekspedition til Grønland 1948-1949":

 

Download Mâliâraq Vebæk: Bussimi naapinneq

Download Mâliâraq Vebæk: Ukiut trettenit qaangiummata

Download Mathias Storch (1914): SingnagtugaK (København)

Download Mathias Storch (1974): Sinnattugaq - allaasitaaq atorlugu allaqqiisoq Esther Eriksen (Godthåb: Det Grønlandske Forlag)

Download William Thalbitzer (1920): Eskimoiske digte: folkepoesi fra Ammassalik i Østgrønland (København: H. Aschehoug & Co)

Databaser & journaler

WAYF til at søge hjemmefra.

Kun tilgængelige på campus Ilimmarfik:

Andre licenser, som kræver bruger og password:

Ilinniartitsinermik Ilisimatusarfik

Atuakkat ujarlerfissiami nassaarineqarsinnaapput "Ilisimatusarfik Grønlands Universitet / Ilinniarfissuaq / Magasin anninnagu".

Atuakkat Ilisimatusarfimmi ilinniartunit sulisunilillu kisimi atorneqarsinnaapput.

Nunatta Atuagaateqarfia

Ilisimatusarfiup atuagaateqarfiata saniatigut Nunatta Atuagaateqarfiani atuisunngorsinnaavutit.

Nunatta Atuagaateqarfiata immikkoortortaata Groenlandicap Ilisimatusarfiup atuagaateqarfia illoqatigivaa ataatsimoorlutillu Ilimmarfiup atuagaateqarfianik taaneqartarlutik.

Groenlandicami katersugaatit tassaapput kalaallisut atuakkat, aviisit, atuagassiat naqitallu allat kiisalu atukkiussassat isiginnaarneqarsinnaasut, naalaarneqarsinnaasullu. Kalaallit Nunaanni kulturikkut atukkatigut anersaakkullu ineriartornermi takutitsissutissatut nunap assinginik assilissanillu katersukkat aamma pigivagut. Kalaallit atuakkiortut manuskriptiinik manuskriptinillu allanik katersukkat Kalaallit Nunaanni kulturip atukkatigut anersaakkullu ineriartorneranik takutitsissut pigaangttaaq. Nunatta Atuagaateqarfia Groenlandicap katersugaataanut atatillugu issittumi pissutsit pillugit sammisallu Kalaallit Nunaanni inuiaqatigiinnut pingaaruteqartut pillugit atuakkanik, atuagassianik atugassanillu allanik ilisimatuussutsikkut atuagaateqarpoq. Katersugaatit ilaat annillugit atorneqarsinnaanngillat, Ilimmarfiulli atuagaateqarfiani atuarneqarsinnaapput kopeerneqarsinnaallutilluunniit.

Groenlandica pillugu paasissutissat allat uani atuarneqarsinnaapput.

Oqarasuaatikkut attavigalugu: +299 36 23 80.

E-mailikkut attavigaluga: groenlandica@katak.gl.

Nunatta Atuagaateqarfiata atuagaatai uani takuneqarsinnaaput www.katak.gl.

Samuel Kleinschmidt: Materialer, samlet og doneret af Henrik Wilhjelm

Breve

Breve til forældre

Breve til søskende

Brevkoncepter

 

Alfred Renkewitz, Spindlers nekrolog, Spindlers nekrolog 2

Attavigitigut

Atuagaateqarfiit - attavigitigut

Attavigitigut
Atortorissaarutit

Ilinniartunut atortorissaarutit makkuupput

Ilinniartunut

Ilisimatusarfimmi ilinniartut atuagaateqarfimmiit sorpassuartigut sullinneqarsinnaapput

Ilinniartitsisunut

Ilisimatusarfiup atuagaateqarfianit ilinniartitsisutut sorpassuartigut sullinneqarsinnaavutit

Ilisimatuunut

Ilisimatuutut Ilimmarfiup atuagaateqarfianit sorpassuartigut sullinneqarsinnaavutit

Qupperneq ugguuna siammarteruk
FACEBOOK LINKEDIN Assiliuk - linki
Ilisimatusarfimmi ujaruk