Sonja ilisimatusarnermi ikiortitut 2022-mi marsimi Peqqissaanermik Pinngortitamillu Ilisimatusarfiup kiisalu SDU-mi Innuttaasut Peqqissusiannik Ilisimatusarfiup ataani atorfinippoq. Sonja timimik sungiusaasutut tunuliaqutaqarpoq, kingornalu inunni peqqissuni sungiusarnikkut maluginiutit atorlugit anniaatinik annikillisitsisinnaaneq (perception af træningsinduceret smerte hos raske personer) pillugu kandidatinngorniutiminik allaaserisaqarluni.

Sonja innuttaasut peqqissussiannut tunngasunik siammasissunik suliaqarpoq, suliniummilu kingullermi suliffimmi avatangiiseq/peqqinnissakkut avatangiiseq, immikkut soqutigalugit nukitsigut-saarngitigut ajornartorsiutit aamma anniaatinut tunngasunik ilisimatusarnermik suliaqarluni. Sonja periutsit assigiinngitsut atorlugit suliaqartarpoq, pingaarnertut soqutigalugit periutsit assigiinngitsut atorlugit aamma misissuiffigineqartunik peqataatitsilluni ilisimatusarneq atorlugit innuttaasut imaluunniit napparsimasut inuunerannik itinerusumik paasisaqarnissaq. Taamaaliornikkut kulturi akuutillugu aamma inuiaqatigiit qanimut suleqatigalugit katsorsaariaatsit, paasinninnerit aamma aaqqiissutit ineriartortinneqarsinnaapput.